ព័ត៌មានជាតិ

Update៖ ទឹកទន្លេមេគង្គកម្ពុជា មិនទាន់ទទួលរងផលប៉ះពាល់ពីការលេចធ្លាយអាស៊ីតពីប្រទេសឡាវ

បានផុស

២ years មុន

នៅ

ថ្ងៃពុធ ១០ មេសា ២០២៤

ដោយ

ក្រសួងធនធានទឹក និងឧតុនិយមបានប្រកាសនៅថ្ងៃទី ១០ ខែមេសា ឆ្នាំ ២០២៤នេះថា ស្ថានភាពគុណភាពទឹកទន្លេមេគង្គ ក្នុងខេត្តស្ទឹងត្រែង ព្រំដែនកម្ពុជា-ឡាវ មិនទាន់ទទួលរងផលប៉ះពាល់ពីឧបទ្ទវហេតុក្រឡាប់រថយន្តដឹកអាស៊ីតស៊ុលហ្វូរិច នៅប្រទេសឡាវនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារបច្ចេកទេសនាយកដ្ឋានជលសាស្ត្រ និងការងារទន្លេ នៃក្រសួងធនធានទឹក និងឧតុនិយមបានសហការជាមួយអាជ្ញាធរខេត្តចុះទៅពិនិត្យគុណភាពទឹកនៅខេត្តស្ទឹងត្រែង បានយកសំណាកទន្លេមេគង្គទាំងពីរទីតាំង ទី១ នៅខាងលើក្រុងស្ទឹងត្រែងប្រមាណ ៣ គីឡូម៉ែត្រ ទី២ នៅក្បែរព្រំដែនប្រទេសឡាវ ខាងក្រោមទំនប់វារីអគ្គិសនីដនសាហុងរបស់ប្រទេសឡាវប្រមាណ ២ គីឡូមែត្រ។

សូមជំរាបថា ឧបទ្ទវហេតុក្រឡាប់រថយន្តដឹកអាស៊ីតស៊ុលហ្វូរិច (Sulfuric Acid) នៅភូមិភូសាងខាំ ក្នុងខេត្តហ្លួងប្រាបាង ប្រទេសឡាវ កាលពីថ្ងៃទី ០៣ ខែមេសា ដែលបណ្តាលឱ្យមានការលេចធ្លាយអាស៊ីតស៊ុលហ្វូរិច ប្រមាណជា ៣០ តោន ធ្លាក់ចូលស្ទឹងណាមខាន់ ដែលស្ទឹងនេះ ហូរចូលទន្លេ មេគង្គត្រង់ចំណុចទីក្រុងហ្លួងប្រាបាង មានចម្ងាយប្រមាណ ១.៣៧០ គីឡូម៉ែត្រ ពីព្រំ ប្រទល់កម្ពុជា-ឡាវ។

ក្រសួងធនធានទឹក និងឧតុនិយម និងគណៈកម្មាធិការទន្លេមេគង្គកម្ពុជា កំពុងយកចិត្តទុកដាក់តាមដានពីផលប៉ះពាល់ពីករណីឧបទ្ទវហេតុខាងលើ៕