ឯកឧត្ដម ហ៊ុន ម៉ានី កំពុងដឹកនាំកិច្ចប្រជុំវាយតម្លៃ និងត្រួតពិនិត្យលើ​ដំណើរការរៀបចំការប្រឡងប្រជែងជ្រើសរើសគ្រូបង្រៀនអនុវិទ្យាល័យ​

កម្មវិធី​កំពុង​ដំណើរការ ៖ ខណៈ​នេះ ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រី​ក្រសួង​មុខងារសាធារណៈ និង​ជា​ប្រធាន​គណៈកម្មការ​ប្រឡងប្រជែង​ជ្រើសរើស​មន្ត្រីរាជការ​ស៊ីវិល កំពុង​ដឹកនាំ កិច្ចប្រជុំ​ពិនិត្យ​វឌ្ឍនភាព​ការងារ នៃ​ដំណើរការ​ការ​រៀបចំ​ការ​ប្រឡងប្រជែង​ជ្រើសរើស​គ្រូបង្រៀន​សម្រាប់​បង្រៀន​នៅ​អនុវិទ្យាល័យ ឱ្យ​ចូល​បម្រើ​ការងារ​ក្នុង​ក្របខណ្ឌ​គ្រូបង្រៀន នៃ​ក្រសួង​អប់រំ យុវជន និង​កីឡា។

កិច្ចប្រជុំ​នេះ ប្រព្រឹត្ត​ទៅ​នៅ​សាលា​ភូមិន្ទ​រដ្ឋបាល នា​រសៀល​ថ្ងៃ​ទី ១១ ខែ​មេសា ឆ្នាំ ២០២៤ នេះ ដោយ​មាន​ការ​អញ្ជើញ​ចូលរួម​ពី​តំណាង​ក្រសួង​អប់រំ យុវជន និង​កីឡា ក្រសួង​សេដ្ឋកិច្ច និង​ហិរញ្ញវត្ថុ និង​អង្គភាព​ប្រឆាំង​អំពើពុករលួយ ព្រមទាំង​ថ្នាក់ដឹកនាំ និង​មន្ត្រី​ជំនាញ​ក្រសួង​មុខងារ​សាធារណៈ ជា​ប្រធាន អនុប្រធាន សមាជិក សមាជិកា នៃ​គណៈកម្មការ និង​អនុ​គណៈកម្មការ​ការ​ប្រឡង​ប្រជែង។

សូម​រង់ចាំ​តាមដាន​ការ​ជូនដំណឹង នៃ​ព័ត៌មាន​លម្អិត​ជា​បន្តបន្ទាប់ ជុំវិញ​ការ​ប្រឡងប្រជែង​៕