Connect with us

ព័ត៌មានជាតិ

អភិបាលរាជធានី ចង់ឲ្យអ្នកវិនិយោគវៀតណាម មកវិនិយោគនៅកម្ពុជាឲ្យបានច្រើនបន្ថែមទៀត ពិសេសនៅរាជធានីភ្នំពេញ

បានផុស

នៅ

កម្ពុជាត្រូវការអ្នកវិនិយោគវៀតណាម អោយមកវិនិយោគនៅប្រទេសកម្ពុជាអោយបានច្រើនបន្ថែម ពិសេសនៅរាជធានីភ្នំពេញ ដើម្បីអោយសេដ្ឋកិច្ចនៃប្រទេសទាំង២មានភាពរីកចំរើនបន្ថែមទៀត។ នេះជាការលើកឡើងរបស់លោក ឃួង ស្រេង អភិបាលរាជធានីភ្នំពេញ ខណៈលោក និងលោក ម៉ប់ សារិន ប្រធានក្រុមប្រឹក្សារាជធានីភ្នំពេញជួបសំណេះសំណាលជាមួយលោក ម៉ាយ វាំង ហ្វិញ (MAI VAN HUYNH) ប្រធានក្រុមប្រឹក្សាប្រជាជនខេត្ត គៀនយ៉ាង ចូលរួមជូនពរ ក្នុងបុណ្យចូលឆ្នាំថ្មីប្រពៃណីជាតិ នាព្រឹកថ្ងៃទី១០ ខែមេសា ឆ្នាំ២០២៤នេះ នៅសាលារាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃួង ស្រេង បានមានប្រសាសន៍លើកឡើងថា វៀតណាមបានជួយរំដោះប្រទេសកម្ពុជាអោយចេញពីរបបប៉ុលពត ហើយបច្ចុប្បន្ននេះ កម្ពុជាមានការអភិវឌ្ឍរីកចម្រើនរុងរឿង ចំណែកប្រទេសវៀតណាមក៏មានមានសេដ្ឋកិច្ចប្រសើរឡើងផងដែរ។ កម្ពុជា និងវៀតណាម មានសាមគ្គីភាពគ្នារឹងមាំទោះក្នុងដំណាក់កាលណាក៏ដោយ ក៏នៅតែរួមសុខរួមទុក្ខជាមួយគ្នារហូត។ ខេត្តគៀនយ៉ាង បានចងសម្ព័ន្ធភាពសម្ព័ន្ធមេត្រីភាពជាមួយរាជធានីភ្នំពេញ។ ការចងសម្ព័ន្ធមេត្រីភាពនេះ យើងបានពូនជ្រុំសាមគ្គីភាពរវាងទីក្រុងទាំងពីរកាន់តែមានភាពរឹងមាំ។ ជាធម្មតាប្រទេសទាំងពីរកម្ពុជា​ វៀតណាម ឲ្យតែមានពិធីបុណ្យចូលឆ្នាំថ្មីម្តងៗតែងតែចាត់ប្រតិភូអោយមកជូនពរគ្នាទៅវិញទៅមក មិនដែលខកខានឡើយ។ នេះពិតជាបង្ហាញឲ្យឃើញពីទំនាក់ទំនងល្អ និងរឹងមាំរវាងប្រទេសទាំងពីរ។ យើងនឹងបន្តសាមគ្គីភាពរវាងប្រទេសទាំងពីរឲ្យកាន់តែគង់វង្ស រឹងមាំបន្ថែមទៀត ជាមួយនឹងការបន្តផ្សព្វផ្សាយឲ្យយុវជនជំនាន់ក្រោយបានដឹង និងបន្តទំនាក់ទំនងជាប្រពៃណីល្អនេះបន្តទៅថ្ងៃអនាគតដ៏យូរអង្វែងទៀត។

លោក ឃួង ស្រេង បានបន្តថា តាមគោលនយោបាយរាជរដ្ឋាភិបាលដឹកនាំដោយសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី នៃកម្ពុជា គឺបន្តពូនជ្រុំ មិត្តភាព រិតចំណងសាមគ្គីភាពជាមួយវៀតណាមអោយកាន់តែរឹងមាំនិងយូរអង្វែង ដើម្បីប្រយោជន៍នៃប្រជាជនទាំង២ កម្ពុជា-វៀតណាម។ ទន្ទឹមនឹងនេះ កម្ពុជាពិតជាត្រូវការអ្នកវិនិយោគវៀតណាម មកវិនិយោគនៅប្រទេសកម្ពុជាអោយបានច្រើនបន្ថែមទៀត ពិសេសនៅរាជធានីភ្នំពេញ។

លោក ម៉ាយ វាំង ហ្វិញ បានមានប្រសាសន៍លើកឡើងថា ការជួបសំណេះសំណាលនៅក្នុងឱកាសបុណ្យចូលឆ្នាំថ្មីប្រពៃណីខ្មែរនេះ គឺដើម្បីបង្ហាញពីការរិតចំណងសាមគ្គីភាព រវាងប្រទេសទាំង២ឱ្យកាន់តែរឹងមាំ និងខ្លាំងក្លាបន្ថែមទៀត ពិសេសរាជធានីភ្នំពេញ និងទីក្រុងគៀងយ៉ាង។ ជារៀងរាល់ឆ្នាំឱ្យតែមានពិធីបុណ្យចូលឆ្នាំថ្មីគឺប្រទេសទាំងពីរតែងចាត់ឱ្យប្រតិភូ ចុះសួរសុខទុក្ខនិងជូនពរគ្នាទៅវិញទៅមកជារៀងរាល់ឆ្នាំ។

លោក ម៉ាយ វាំង ហ្វិញ បន្តថា រាជធានីភ្នំពេញក្នុងប៉ុន្មានឆ្នាំក្រោយចុងក្រោយនេះ ពិតជាមានការអភិវឌ្ឍន៍រីកចម្រើនយ៉ាងឆាប់រហ័ស ពិសេសប្រទេសកម្ពុជា មានផ្លូវល្បឿនលឿន ដែលនេះពិតជាបង្ហាញឲ្យឃើញពីការដឹកនាំដ៏ល្អរបស់សម្ដេចហ៊ុនសែន អតីតនាយករដ្ឋមន្ត្រីកម្ពុជានិងសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី ដែលបាននិងកំពុងអភិវឌ្ឍប្រទេសកម្ពុជាឲ្យរីកចំរើនរុងរឿងបន្ថែមទៀត៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

លោក ហ្សង់ ហ្វ្រង់ស័រតាន់៖ កម្ពុជា អាចនឹងរៀនពីគំរូអភិវឌ្ឍន៍របស់សិង្ហបុរី តែមិនចម្លងទាំងស្រុង

ព័ត៌មានជាតិ៨ ម៉ោង មុន

បណ្ដុំអង្គការសង្គមស៊ីវិល៖ សម្ដេចតេជោ ជាមេដឹកនាំខ្លាំងជាងគេនៅក្នុងដំណើរប្រវត្តិសាស្ត្រកម្ពុជាជាង ៥០០ឆ្នាំមកនេះ

ព័ត៌មានជាតិ៩ ម៉ោង មុន

សាខាសមាគម​នារី​កម្ពុ​ជា​ដើម្បី​សន្តិភាព ​និង​អភិវឌ្ឍន៍​ក្រសួង​ព័ត៌មាន​ផ្តល់​អំណោយ​អង្ករ​វីតាមីន​ចំនួន ៤០០ កេស​ជូន​កាកបាទក្រហមកម្ពុជា

ព័ត៌មានជាតិ១០ ម៉ោង មុន

នៅ​ព្រលឹម​ថ្ងៃ​ទី​២៨ ខែមិថុនា កំណាត់​មហាវិថី​ព្រះ​នរោត្តម និង​ទីតាំង​ជុំវិញ​វិមាន​៧​មករា​នឹង​បិទ​ចរាចរណ៍​ជា​បណ្តោះអាសន្ន

សន្តិសុខសង្គម១០ ម៉ោង មុន

ជន​ដៃដល់ ឧកញ៉ា ស្រី ស៊ីណា និង​បក្សពួក​ពីរ​នាក់​ទៀត ​ត្រូវ​បាន​បញ្ជូន​ខ្លួន​ទៅកាន់​អយ្យការ​អម​សាលាដំបូង​រាជធានី​ភ្នំពេញ

កីឡា២០ ម៉ោង មុន

លោក​ សួង បញ្ញា​ ប្រកាស​ឈប់​ពី​ការបង្ហាត់គុនខ្មែរ និងការងារនៅទទក

ព័ត៌មានជាតិ១២ ម៉ោង មុន

តើឧកញ៉ាមានសិទ្ធិកាន់កាប់ ​និងប្រើប្រាស់កាំភ្លើង​ ដែរឬទេ?

ព័ត៌មានជាតិ១៤ ម៉ោង មុន

អ្នកនាំពាក្យ ថា គ្មានការដោះលែងជនសង្ស័យ ស្រី ស៊ីណា ឡើយ គឺសមត្ថកិច្ចកំពុងបន្តនីតិវិធីស៊ើបសួរ

សន្តិសុខសង្គម១០ ម៉ោង មុន

ជន​ដៃដល់ ឧកញ៉ា ស្រី ស៊ីណា និង​បក្សពួក​ពីរ​នាក់​ទៀត ​ត្រូវ​បាន​បញ្ជូន​ខ្លួន​ទៅកាន់​អយ្យការ​អម​សាលាដំបូង​រាជធានី​ភ្នំពេញ

សេដ្ឋកិច្ច១៦ ម៉ោង មុន

ក្រុមហ៊ុនខ្នាតយក្សជប៉ុន ត្រៀមសាង​សង់រោងចក្រ​ទី២ នៅខេត្តពោធិ៍សាត់ ជាមួយទុន​វិនិយោគ​ជាង ៦៥០ លានដុល្លារ

Sokha Hotels

ព័ត៌មានពេញនិយម