ឯកឧត្តម ឌី វិជ្ជា អញ្ជើញជាអធិបតីក្នុងពិធីចុះហត្ថលេខាលើកំណត់ហេតុអនុស្សរណៈកិច្ចសហប្រតិបត្តិការរវាងសហភាពសហព័ន្ធយុវជនកម្ពុជា ខេត្តស្វាយរៀង និងសមាគមសម្ព័ន្ធយុវជន វៀតណាម ខេត្តឡុងអាន

នៅព្រឹកថ្ងៃពុធ ទី២៤ ខែមេសា ឆ្នាំ២០២៤ ឯកឧត្តម ឌី វិជ្ជា អនុប្រធានសហភាពសហព័ន្ធយុវជនកម្ពុជា និងជាប្រធាន សសយក ខេត្តស្វាយរៀង បានអញ្ជើញជាអធិបតីក្នុងពិធីចុះហត្ថលេខាលើកំណត់ហេតុអនុស្សរណៈកិច្ចសហប្រតិបត្តិការ រវាងសហភាពសហព័ន្ធយុវជនកម្ពុជាខេត្តស្វាយរៀង ជាមួយសមាគមសម្ព័ន្ធយុវជនវៀតណាមខេត្តឡុងអាន ដំណាក់កាល ឆ្នាំ២០២៤-២០២៩ ជាមួយលោកស្រី ឡេ ធិហុងកេត ប្រធានសមាគមសម្ព័ន្ធយុវជនវៀតណាមខេត្តឡុងអាន។ ដែលមានការចូលរួមពី លោកអនុប្រធាន លោកសមាជិកអចិន្រ្តៃយ៍ លោក លោកស្រី គណៈកម្មាធិការ សសយក ខេត្ត ប្រធានគណៈកម្មាធិការ សសយក ក្រុង ស្រុកទាំង៨ និងប្រតិភូសមាគមសម្ព័ន្ធយុវជន ខេត្តឡុងអាន។

ឯកឧត្តម ឌី វិជ្ជា មានប្រសាសន៍ថា ក្នុងនាមយុវជនជំនាន់ក្រោយ នឹងបន្តសកម្មភាពមិត្តជិតខាងល្អ ទំនាក់ទំនងកិច្ចសហប្រតិបត្តការ នៃប្រទេសទាំងពីរ (កម្ពុជា-វៀតណាម) ដែលកន្លងមកយើងបានចូលរួមចំណែកជួយគ្នាទៅវិញទៅមកក្នុងសកម្មភាពមនុស្សធម៌ ការព្យាបាលជំងឺ ការផ្ដល់បច្ចេកទេសកសិកម្ម ក៏ដូចជាផ្លាស់ប្តូរវប្បធម៌ កីឡា និងសិល្បៈជាដើម ដែលជាប្រទេសជាប់ព្រំដែនជាមួយគ្នា។

ដោយ៖ ភក្ដី