ក្រសួងអប់រំណែនាំ ថែរក្សាសុខភាព និងបង្ការជំងឺនានា អំឡុងពេលអាកាសធាតុក្តៅខ្លាំង

ក្រសួងអប់រំ យុវជន និងកីឡា បានចេញ សេចក្តីណែនាំ ស្តីពី ការថែរក្សាសុខភាពនិងការបង្ការជំងឺនានា ដែលបណ្តាលមកពីអាកាសធាតុក្តៅខ្លាំងនៅតាមគ្រឹះស្ថានសិក្សា ដោយបានណែនាំដល់បុគ្គលិកអប់រំ និងអ្នកសិក្សានៅគ្រប់គ្រឹះស្ថានសិក្សាសាធារណៈ និងឯកជនអនុវត្ត នូវវិធានការមួយចំនួនដើម្បីថែរក្សាសុខភាព និងបង្ការជំងឺនានាអំឡុងពេលអាកាសធាតុក្តៅខ្លាំង ខណៈកម្ពុជាមានសីតុណ្ហភាពកើនឡើងពី៣៩ ដល់ជាង ៤០អង្សាសេ។ នេះបើតាមការផ្ដល់ព័ត៌មានពីក្រសួងសុខាភិបាល នៅថ្ងៃទី៣០ ខែមេសា ឆ្នាំ២០២៤ នេះ។

សេចក្តីណែនាំ បានឱ្យដឹងថា វិធានការអនុវត្តនៅតាមគ្រឹះស្ថានសិក្សារួមមាន ត្រូវបើកទ្វារ បង្អួច នៃបន្ទប់រៀន ឱ្យបានស្រឡះល្អ ត្រូវណែនាំសិស្សឱ្យលេងក្នុងម្លប់ ឬនៅក្នុងបន្ទប់រៀន នៅពេលចេញលេង ត្រូវណែនាំសិស្សឱ្យយកទឹកមកពីផ្ទះ ដូចជាទឹកដាំពុះ ទឹកសុទ្ធ ទឹកចម្លោះ និងទឹកស្អាតសម្រាប់ប្រើប្រាស់ផ្ទាល់ខ្លួននៅគ្រឹះស្ថានសិក្សា ត្រូវបាញ់ទឹកដាក់ទីធ្លាគ្រឹះស្ថានសិក្សា ឬដំបូលអគារសិក្សា តាមលទ្ធភាពនិងស្ថានភាពជាក់ស្តែង ដើម្បីបន្ថយកម្ដៅ ឬអាចពិភាក្សាជាមួយអ្នកអាណាព្យាបាលសិស្សដើម្បីរកលទ្ធភាពបំពាក់កង្ហារនៅ តាមបន្ទប់រៀនជាដើម។

ព័ត៌មានពិស្ដារ៖