ព័ត៌មានជាតិ
អាជ្ញាធរខេត្តកំពង់ធំ បូមបញ្ជូនទឹកទៅកាន់ស្ថានីយផលិតទឹកស្អាតកំពុងខ្វះខាតទឹក
អាជ្ញាធរខេត្តកំពង់ធំចុះពិនិត្យស្ថានភាពទំនប់អាងស្ទាក់ទឹក ១ មករា និងចាត់វិធានការបូមទឹកទៅកាន់ ស្ថានីយផលិតទឹកស្អាតដែលកំពុងប្រឈមទៅនឹងការខ្វះខាតទឹកសម្រាប់ផ្គត់ផ្គង់ការប្រើប្រាស់របស់ប្រជាពលរដ្ឋ នៅរដូវប្រាំងនេះ។
នៅថ្ងៃទី០១ ខែឧសភា ឆ្នាំ២០២៤ លោក ងួន រតនៈ អភិបាលខេត្តកំពង់ធំ ដឹកនាំសហការី ចុះពិនិត្យស្ថានភាពទំនប់អាងស្ទាក់ទឹក ១ មករា។
លោក ងួន រតនៈ បានលើកឡើងថា មូលហេតុនៃការចុះដោយសារមានសេចក្តីរាយការណ៍ពីប្រជាពលរដ្ឋ និងអាជ្ញាធរមូលដ្ឋាន ពីការព្រួយបារម្ភ នៃការខ្វះខាតទឹកប្រើប្រាស់តាមផ្ទះ ដោយប្រជាពលរដ្ឋចំនួន ០៩ឃុំ ប្រមាណជាង ២៤,០០០ គ្រួសារ ស្ថិតស្រុកបារាយណ៍ ដែលកំពុងប្រើប្រាសទឹកចេញពី ស្ថានីយផលិត និងផ្គត់ផ្គង់ទឹកស្អាត បារាយណ៍ ប្រឈមទឹកខ្វះប្រភពទឹកសម្រាប់ផលិតចែកជូនទៅតាមផ្ទះ។
ក្រោយពីការពិនិត្យជាក់ស្តែង និងសិក្សាពីមន្រ្តីជំនាញ ឃើញថា ស្ថានីយនេះ ត្រូវការបូមទឹកចេញពីទំនប់ស្ទាក់ទឹក ១ មករា ទើបអាចជួយផ្គត់ផ្គង់បានឡើងវិញ។
លោកអភិបាលខេត្តបញ្ជាក់ថា ការអន្តរាគមន៍បូមទឹកបញ្ជូនទៅស្ថានីយផលិតទឹកស្អាត ដែលកំពុងមានខ្វះខាត ប្រភពទឹក ព្រោះពុំមានភ្លៀងធ្លាក់ ហើយអាកាសធាតុក៏កាន់តែក្តៅប្រភពទឹកតាមបឹងត្រពាំងមួយចំនួន ក៏មានការរីងស្ងួតជាបណ្ដើរៗ។
ទន្ទឹមជាមួយគ្នានេះ ប្រជាពលរដ្ឋទាំងអស់ត្រូវចូលរួមប្រើប្រាស់ទឹក ដោយសន្សំ សំចៃ ចូលរួមថែរក្សា ការពារប្រភពទឹក តាមការណែនាំរបស់អាជ្ញាធរ និងមន្ទីរជំនាញពាក់ព័ន្ធ ពិសេស ហាមដាច់ខាត ការធ្វើស្រែប្រាំងនៅទីតាំងដែលគ្មានប្រភពទឹកគ្រប់គ្រាន់ ប្រឈមនឹងបញ្ហាខូចខាត ដំណាំស្រូវផងដែរ។
លោកអភិបាលខេត្តស្នើឱ្យអាជ្ញាធរមូលដ្ឋាន និងមន្ទីរជំនាញពាក់ព័ន្ធយកចិត្តទុកដាក់បំផុត ក្នុងរក្សាប្រភពទឹក ដើម្បីឱ្យបងប្អូនជាពលរដ្ឋប្រើប្រាស់គ្រប់គ្រាន់នៅក្នុងគ្រួសាររបស់ពួកគាត់ ក្នុងនោះ ចាំបាច់បំផុត ត្រូវធ្វើការផ្សេព្វផ្សាយពីបាតុភូតបម្រែបម្រួលអាកាសធាតុ ដល់មូលដ្ឋានគ្រប់ច្រកល្ហក និងពិនិត្យ តាមដាន ពីស្ថានភាពសិក្សារបស់សិស្សានុសិស្សគ្រប់ទីកន្លែង ក្នុងករណីដែលទីតាំងសាលារៀន ដែលមានអាកាសធាតុក្តៅខ្លាំង មិនមានម្លប់ឈើ ឬកង្ហារ នៅតាមថ្នាក់រៀន ត្រូវរាយការណ៍មកជាបន្ទាន់មកកាន់ រដ្ឋបាលខេត្ត ដើម្បីចុះពិនិត្យជាក់ស្តែង និងស្វែងរកដំណោះស្រាយបន្តទៀត៕
អត្ថបទ៖ ឈាង មករា
-
ជីវិតកម្សាន្ដ៥ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៨ ម៉ោង ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ១ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៥ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ព័ត៌មានអន្ដរជាតិ៦ ថ្ងៃ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
សន្តិសុខសង្គម១ សប្តាហ៍ ago
ស្នងការខេត្តកំពត អញ្ជើញម្ចាស់គណនីហ្វេសប៊ុក ឈ្មោះ Santa kh ចូលបំភ្លឺ