ព័ត៌មានជាតិ
ស្ថាបនិកសាលាដូងគិរីរម្យ បង្កើតកម្មវិធីទេសចរណ៍អំណាន ដើម្បីជំរុញទឹកចិត្តយុវជន ឱ្យចេះស្រឡាញ់ការអានសៀវភៅ
ស្ថាបនិកសាលាដូងគិរីរម្យ គោងនឹងបង្កើតកម្មវិធីទេសចរណ៍អំណាន តាមរយៈរថយន្តចល័ត ដែលផ្ទុកសៀវភៅ ប្រមាណជាង ១២០០ក្បាល ដើម្បីជំរុញទឹកចិត្តយុវជន ឱ្យចេះស្រឡាញ់ការអានសៀវភៅ ឡើងវិញ។
លោក អ៊ុក វណ្ណដេ ស្ថាបនិកសាលាដូងគិរីរម្យ បានប្រាប់ឱ្យ កម្ពុជាថ្មី ដឹងថា មូលហេតុដែលលោក គ្រោងនឹងបង្កើតកម្មវិធី ទេសចរណ៍អំណាន តាមរយៈរថយន្តចល័តនេះឡើង គឺដើម្បីជំរុញ និងលើកទឹកចិត្តយុវជន សិស្សានុសិស្ស និងសាធារណជនទាំងឡាយ ឱ្យនាំគ្នាចេះស្រឡាញ់ការអានសៀវភៅ ឡើងវិញ។
លោក បន្តទៀតថា នេះមិនមែនជាលើកទី១ នោះទេ ដែលលោកបង្កើតកម្មវិធីស្ដីអំពីអំណាន ប៉ុន្ដែដោយសារមានការស្នើសុំពីសាធារណជន លោកក៏នឹកឃើញថា បង្កើតការកែច្នៃរថយន្តចាស់មួយគ្រឿង ដើម្បីផ្ទុកសៀវភៅ ចំនួន១២០០ក្បាល នឹងចាប់ផ្ដើមចេញដំណើរពីគិរីរម្យ ទៅកាន់រាជធានីភ្នំពេញ និងពីភ្នំពេញ ទៅកាន់បណ្ដាខេត្តផ្សេងៗ ដូចជា៖ ខេត្តកំពត និងខេត្តកែប និងខេត្តមួយចំនួនទៀត ដែលនឹងចាប់ផ្ដើមពីថ្ងៃទី ១៩ រហូតដល់ ថ្ងៃទី២២ ខែឧសភានេះ។
លោក អ៊ុក វណ្ណដេ បានបន្ថែមទៀតថា ប្រសិនបើ សាធារណជនទាំងឡាយ មានបំណងចង់ឧបត្ថម្ភសៀវភៅគ្រប់ប្រភេទ លោកនឹងរីករាយទទួលស្វាគមន៍ ដើម្បីប្រមូលសៀវភៅទាំងនេះ ដើម្បីចែកជូនដល់ យុវជន សិស្សានុសិស្ស ដែលស្រឡាញ់ការអានសៀវភៅពិតប្រាកដ មិនមែនសម្ដែងជាអ្នកអានសៀវភៅ នោះឡើយ។
លោក អ៊ុក វណ្ណដេ បានបញ្ជាក់ទៀតថា ប្រទេសជាតិណា ដែលសម្បូរទៅដោយអ្នកអានសៀវភៅ ប្រទេសជាតិនោះនឹងរីកចម្រើនយ៉ាងឆាប់រហ័ស នេះជាមូលហេតុចម្បងដែលលោកបង្កើតកម្មវិធីនេះឡើង ដើម្បីឱ្យយុវជន និងសាធារណជនទាំងឡាយ មានការភ្ញាក់រលឹក នឹកឃើញការអានសៀវភៅ ឡើងវិញ ផងដែរ៕
អត្ថបទ ៖ សួស សិត
-
ព័ត៌មានជាតិ២ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានអន្ដរជាតិ៧ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ព័ត៌មានអន្ដរជាតិ៦ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៥ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ជីវិតកម្សាន្ដ១ សប្តាហ៍ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានអន្ដរជាតិ២ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានអន្ដរជាតិ៣ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
នយោបាយ១ សប្តាហ៍ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ