Connect with us

ព័ត៌មានជាតិ

ឆ្នាំ ២០២៤ សាលាដូងគិរីរម្យ ដែលបង្រៀនក្មេងកំព្រា និងក្មេងមកពីគ្រួសារក្រីក្រ អាចនឹងប្រឈមបញ្ហាហិរញ្ញវត្ថុ

បានផុស

នៅ

សាលាដូងគិរីរម្យ បានចាប់ផ្ដើមបើកដំណើរការនៅឆ្នាំ ២០១៨ តែត្រូវបានផ្អាកដំណើរការទៅវិញរយៈពេល ២ឆ្នាំ ដោយសារតែជំងឺរាតត្បាតកូវីដ-១៩។ ក្រោយមកនៅដើមឆ្នាំ ២០២១ សាលាដូងគិរីរម្យ បានបើកដំណើរការឡើងវិញ ដោយសារការជួយជ្រោមជ្រែង ពីសំណាក់សាធារណៈជន​ និងបណ្ដាក្រុមហ៊ុនមួយចំនួនទៀត។ សម្រាប់នាពេលបច្ចុប្បន្ននេះ សាលាដូង មានសិស្សានុសិស្ស ដែលកំពុងតែសិក្សានៅទីនោះចំនួន ១៨៥នាក់ ភាគច្រើនសុទ្ធតែក្មេងកំព្រា និងក្មេងមកពីគ្រួសារក្រីក្រ រស់នៅជុំវិញតំបន់ភ្នំគិរីរម្យនេះតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុក វណ្ណដេ ស្ថាបនិកសាលាដូងគិរីរម្យ បានប្រាប់ឱ្យកម្ពុជាថ្មីដឹងថា ចាប់ពីដំណើរការសាលាដូង​ ឡើងវិញមក សាលាដូង ចំនួនសិស្សមានកំណើនកើនឡើង ១៨៥នាក់ បើធៀបនឹងឆ្នាំបើកដំបូង សិស្សមានតែ ៧៦នាក់ តែប៉ុណ្ណោះ។ លោក បន្ថែមថា សាលាដូង មានគ្រូបង្រៀនចំនួន ៥នាក់ ដែលកំពុងជួយបង្រៀនសិស្ស ចាប់ពីថ្ងៃចន្ទ ដល់ថ្ងៃសុក្រ ដោយសិស្សទាំងអស់ មិនតម្រូវឱ្យបង់ប្រាក់នោះឡើយ គ្រាន់សិស្សទាំងនោះ ត្រូវរើសសំរាម យកមកដូរជាថ្នូរសម្រាប់កែច្នៃតុបតែងលម្អសាលា ឱ្យកាន់តែមានសោភ័ណភាព ស្រស់បំព្រង ជាទីទាក់ទាញសម្រាប់សិស្សានុសិស្ស និងភ្ញៀវទេសចរ ខណៈសាលាក៏មានមុខរបរមួយទៀតនោះដែរ គឺបើកហាងកាហ្វេ ដើម្បីបានប្រាក់ចំណេញខ្លះ សម្រាប់យកទៅចំណាយប្រចាំខែនៅក្នុងសាលាដូងនេះ។

លោក អ៊ុក វណ្ណដេ បញ្ជាក់បន្ថែមថា​ ក្នុងការចំណាយប្រចាំខែ ក្នុងសាលាដូងគិរីរម្យនេះ ក្នុងមួយខែត្រូវចំណាយប្រាក់ ចំនួន ៣ពាន់ដុល្លារ ដោយគ្រាន់តែគ្រូបង្រៀន​ចំនួន ៥នាក់ ត្រូវចំណាយ​​​ ១៥០០ដុល្លារ និង ១៥០០ដុល្លារទៀត ត្រូវចំណាយទៅលើទឹកភ្លើង និងសម្ភារៈសិក្សារបស់សិស្សានុសិស្ស ក្នុងសាលាដូងគិរីរម្យ ​នេះផ្ទាល់។

លោក អ៊ុក វណ្ណដេ បានមានប្រសាសន៍បន្តថា សម្រាប់ដើមឆ្នាំ ២០២៤ខាងមុខនេះ សាលាដូងគិរីរម្យ ប្រឈមនឹងបញ្ហាហិរញ្ញវត្ថុ ដោយសារការប្រែប្រួលនៃសេដ្ឋកិច្ច ដែលនាំឱ្យប៉ះពល់ដល់មុខរបរលក់កាហ្វេរបស់សាលា ស្របពេលដែលមិនសូវមានភ្ញៀវទេសចរ ធ្វើដំណើរឆ្លងកាត់តាមទីនោះទៀតផងនោះ។ ក្រៅពីនេះ លោក អ៊ុក វណ្ណដេ បញ្ជាក់ថា កន្លងមក សាលាដូងគិរីរម្យ មានសម្បូរសប្បុរសជន ជួយឧបត្ថម្ភគាំទ្រយ៉ាងច្រើន តែងតែជួយឧបត្ថម្ភគាំទ្រជាថវិកា និងសម្ភារៈសិក្សា ដើម្បីឱ្យសាលាដូងគិរីរម្យ អាចដំណើរការមកដល់បច្ចុប្បន្ននេះ៕

អត្ថបទ៖ សួស សិត

Helistar Cambodia - Helicopter Charter Services
Sokimex Investment Group
ព័ត៌មានជាតិ៣ ម៉ោង មុន

លោក នេត្រ ភក្ត្រា រៀបចំពិធីចម្រើនបុណ្យបារមីរូបបដិមា និងដំឡើងឆ័ត្ររួត ៩ជាន់ ថ្វាយ​ព្រះបរមរូប​ព្រះបាទជ័យ​វរ្ម័នទី៧ នៅសួនច្បារជ័យមង្គល​ព័ត៌មាន

ព័ត៌មានជាតិ៤ ម៉ោង មុន

គណៈកម្មការ​ចំពោះកិច្ច​ប្រយុទ្ធប្រឆាំងការ​ឆបោក​តាមប្រព័ន្ធបច្ចេកវិទ្យា បង្ហាញ​លទ្ធផល​ នៅ​ទូទាំង​ព្រះរាជាណាចក្រកម្ពុជា

ព័ត៌មានជាតិ៤ ម៉ោង មុន

២១ថ្ងៃ សមត្ថកិច្ចឃាត់ខ្លួនជនសង្ស័យជិត២៣០០នាក់ ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា

កីឡា៤ ម៉ោង មុន

​កាន់ ស្រីរ័ត្ន​ អំពាវនាវ​មហាជន​ឲ្យ​​ជួយ​គាំទ្រ​ស្ត្រី​រត់​ប្រណាំង​ចម្ងាយ​ឆ្ងាយ​ ២១​ Km​ មិន​សូវ​មាន​អ្នក​លេង​ឡើយ​

សន្តិសុខសង្គម៥ ម៉ោង មុន

កម្លាំង​ចម្រុះ​នៃរដ្ឋបាលរាជធានីភ្នំពេញ ចុះបង្រ្កាប​ទីតាំង​លួច​លាក់​បង្កប់​បទ​ល្មើសអនឡាញ ២ទីតាំង នៅក្នុងខណ្ឌសែនសុខ

ព័ត៌មានអន្ដរជាតិ១២ ម៉ោង មុន

ថៃ បញ្ជូនក្រុមដោះគ្រាប់បែកមកតំបន់មុំ៣ ដើម្បីប្រមូលព័ស្តុតាងថា ជាមីនថ្មីឬសល់ពីសម័យខ្មែរក្រហម

ព័ត៌មានអន្ដរជាតិ១៩ ម៉ោង មុន

ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?

សន្តិសុខសង្គម១២ ម៉ោង មុន

នគរបាលប្រឆាំងបទល្មើសសេដ្ឋកិច្ចចុះបង្ក្រាប​ហាងលក់សម្លៀកបំពាក់ H Collection  ៣ទីតាំងពាក់ព័ន្ធករណីក្លែងបន្លំម៉ាកយីហោ

ព័ត៌មានអន្ដរជាតិ១១ ម៉ោង មុន

ថៃ ស្នើឲ្យកម្ពុជាដោះមីនចាស់ៗ, ចុះហេតុអ្វីថា ទាហានជាន់មីនក្នុងដីថៃ?

ព័ត៌មានអន្ដរជាតិ១៨ ម៉ោង មុន

រុស្ស៊ី ព្រមានលោកខាងលិចថា ខ្លួននឹងបើកការវាយប្រហារមុន បើចាំបាច់

Sokha Hotels

ព័ត៌មានពេញនិយម