ព័ត៌មានជាតិ
វិទ្យាស្ថានជាតិពហុបច្ចេកទេសកម្ពុជា បញ្ជូនសិក្ខាកាម១២២នាក់ ចុះហាត់ការនៅក្រុមហ៊ុនឯកជនដើម្បីដកស្រង់បទពិសោធន៍ពិត
វិទ្យាស្ថានជាតិពហុបច្ចេកទេសកម្ពុជា (NPIC) បានបញ្ជូនសិក្ខកាមនៃកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈ១,៥ លានរបស់រាជរដ្ឋាភិបាលចំនួន១២២នាក់ចុះហាត់ការនៅក្រុមហ៊ុនឯកជន លើជំនាញចំនួន៤ ដើម្បីដកស្រង់បទពិសោធន៍ពិត ខណៈសិក្ខាកាមរំពឹងខ្ពស់ក្នុងការក្លាយជាបុគ្គលិកពេញសិទ្ធិបន្ទាប់ពីហាត់ការរួច។
ការបញ្ជូនសិក្ខាកាមទៅចុះហាត់ការរបស់វិទ្យាស្ថានជាតិពហុបច្ចេកទេសនៅក្រុមហ៊ុនឯកជននេះបន្ទាប់ពីសិក្ខាកាមបានសិក្សាជំនាញវិជ្ជាជីវៈ និងបច្ចេកទេសរបស់រាជរដ្ឋាភិបាលអាណត្តិទី៧ បានជិត៤ខែរួចមកហើយ ដោយឡែកការចុះហាត់ការនៅក្រុមហ៊ុនឯកជនពេលនេះ គឺជាវគ្គចុងក្រោយនៃការសិក្សាជំនាញបច្ចេកទេសរបស់សិក្ខាកាម។
បើតាមវិទ្យាស្ថានជាតិពហុបច្ចេកទេសកម្ពុជា (NPIC) ក្រុមហ៊ុនដែលសិក្ខាកាមចុះហាត់ការមានដូចជា Lotus Green Team, A2Z M&e Engineering Co,..Ltd, Fast Green, GTV, A C C E Service, Three L (Cambodia), Sokha Phnom Penh Hotel & Residence, Sokha Phnom Penh, Dara Airport City Hotel & Spa។ ក្នុងនោះជំនាញទាំង៤មានដូចជា ជំនាញដំឡើងបណ្តាញអគ្គិសនី, ការថែទាំ និងជុសជុលរថយន្ត, ការថែទាំ និងជុសជុលអគ្គិសនីរថយន្ត, សេវាកម្មបរិក្ខាត្រជាក់ក្នុងគេហដ្ឋាន, និងផ្នែកទេសចរណ៍ មុខជំនាញការធ្វើនំ។
យុវជន សូ កក្កដា សិក្ខាកាមសិក្សាជំនាញការដំឡើងបណ្តាញអគ្គិសនីក្នុងអាគារនៅវិទ្យាស្ថានជាតិពហុបច្ចេកទេសកម្ពុជាលើកឡើងថា «សាលាបានបញ្ជូនខ្ញុំមកចុះហាត់ការនៅក្រុមហ៊ុន A2Z រយៈពេល៣ខែ បន្ទាប់ពីសិក្សាជំនាញនៅក្នុងថ្នាក់រួច។ ខ្ញុំសប្បាយចិត្តពេលដែលបានចុះហាត់ការនៅក្រុមហ៊ុនឯកជននៅពេលនេះ ពីព្រោះវាជាឱកាសក្នុងពង្រឹងសមត្ថភាពបន្ថែមទៀត»។
យុវជនរូបនេះបន្ថែមថា ការចុះហាត់ការនៅក្រុមហ៊ុនឯកជននេះក៏ទទួលបានប្រាក់ឧបត្ថម្ភពីសំណាក់ក្រុមហ៊ុនសមរម្យជាប្រចាំខែផងដែរ។ ការចុះហាត់ការនៅក្រុមហ៊ុនឯកជននេះគឺជាឱកាសក្នុងការក្លាយទៅជាបុគ្គលិកពេញសិទ្ធិរបស់ក្រុមហ៊ុនផងដែរ ហើយសង្ឃឹមថាម្ចាស់ក្រុមហ៊ុននឹងទទួលខ្លួនជាបុគ្គលិកពេញសិទ្ធិបន្ទាប់ពីហាត់ការបាន៣ខែរួច។
គួរកត់សម្គាល់ដែរថា ចាប់តាំងពីកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ១,៥ លាននាក់ សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យត្រូវបានដាក់ឱ្យអនុវត្តដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកាលពីថ្ងៃទី១៤ ខែវិច្ឆិកា ឆ្នាំ២០២៣ និងបានបើកបវេសនកាលវគ្គដំបូងកាលពីថ្ងៃទី១៥ ខែមករា ឆ្នាំ២០២៤ កន្លងទៅ សិក្ខាកាមទូទាំងប្រទេសបាននឹងកំពុងសិក្សាជំនាញនានាដែលខ្លួនពេញចិត្ត ខណៈដែលសិក្ខាកាមមួយចំនួនក៏បាននឹងកំពុងចុះហាត់ការនៅបណ្តាក្រុមហ៊ុនឯកជន ដើម្បីពង្រឹងសមត្ថភាព និងចាប់យកឱកាសការងារនៅក្រុមហ៊ុនឯកជន បន្ទាប់ពីបញ្ចប់វគ្គហាត់ការរួចផងដែរ៕
ប្លែកពីទូតដទៃ! ទូតកាតាប្រចាំកម្ពុជា ប្រគល់បាល់ទាត់ផលិតសម្រាប់វគ្គផ្ដាច់ព្រ័ត្រ World Cup ជូនសម្ដេចធិបតី
អាកាសធាតុធម្មតាវិញ ក្រសួងអប់រំ បញ្ជាឱ្យគ្រឹះស្ថានសិក្សា អនុវត្តម៉ោងចេញពីរៀនម៉ោង១១ និងចូលរៀនម៉ោង១ ដូចដើម
វិទ្យាស្ថានជាតិពហុបច្ចេកទេសកម្ពុជា បញ្ជូនសិក្ខាកាម១២២នាក់ ចុះហាត់ការនៅក្រុមហ៊ុនឯកជនដើម្បីដកស្រង់បទពិសោធន៍ពិត
បុរស២នាក់ផ្សេងគ្នា ខឹងប្រពន្ធប៉ងធ្វើអត្តឃាត ក្នុងពេលតែមួយ
លោក លី ធុជ ដឹកនាំកិច្ចប្រជុំតាមអនឡាញ ដើម្បីពង្រឹងបទដ្ឋាន តម្លាភាព ក្នុងនាមជារដ្ឋភាគីនៃអនុសញ្ញាអូតាវ៉ា
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានជាតិ៦ ថ្ងៃ agoស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៦ ថ្ងៃ agoក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
សេដ្ឋកិច្ច១ ថ្ងៃ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ២ ថ្ងៃ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ៥ ថ្ងៃ agoប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានអន្ដរជាតិ៦ ថ្ងៃ agoផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់
-
ព័ត៌មានជាតិ៥ ថ្ងៃ agoសម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ៥ ថ្ងៃ agoតារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង