ព័ត៌មានជាតិ
ឯកឧត្ដម ហ៊ុន ម៉ានី ៖ គម្រោងព្រែកជីកហ្វូណនតេជោ ឈរលើការតម្កល់ផលប្រយោជន៍ជាតិ និងប្រជាជនជាចម្បង
ឯកឧត្ដម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ គូសបញ្ជាក់ថា គម្រោងព្រែកជីកហ្វូណនតេជោ គឺជាការគិតគូរយ៉ាងយកចិត្តទុកដាក់ គ្រប់ជ្រុងជ្រោយ និងប្រកបដោយទស្សនវិស័យយូរអង្វែង ដោយឈរលើការតម្កល់ផលប្រយោជន៍ជាតិ និងប្រជាជនជាចម្បង។
នៅថ្ងៃទី ១៦ ខែឧសភា ឆ្នាំ ២០២៤ នេះ តាមរយៈទំព័រហ្វេសប៊ុក ឯកឧត្ដម ហ៊ុន ម៉ានី បានលើកឡើងថា ក្នុងរយៈពេលប៉ុន្មានថ្ងៃកន្លងទៅនេះ សំទុះ នៃការគាំទ្រគម្រោងព្រែកជីកហ្វូណនតេជោ ពីក្នុងចំណោមប្រជាពលរដ្ឋកម្ពុជាទូទាំងប្រទេស និងប្រជាពលរដ្ឋដែលរស់នៅនាយសមុទ្រទូទាំងពិភពលោក បានកើតឡើងយ៉ាងភ្លូកទឹកភ្លូកដី តាមរយៈការបញ្ចេញមតិ ញត្តិគាំទ្រ និងចុងក្រោយតាមរយៈយុទ្ធនាការប្ដូរប្រូហ្វាល់បង្ហាញពីការគាំទ្រព្រែកជីកហ្វូណនតេជោ។
ឯកឧត្ដម ហ៊ុន ម៉ានី លើកឡើងបន្តថា ការសម្រេចចិត្តក្នុងការធ្វើព្រែកជីកហ្វូណនតេជោ គឺជាការបង្ហាញនូវភាពម្ចាស់ការរបស់កម្ពុជា ក្នុងការកសាងខឿនសេដ្ឋកិច្ចរបស់ខ្លួន ដែលត្រូវបានគូសវាសដោយថ្នាក់ដឹកនាំកម្ពុជា។ នេះជាការខិតខំប្រឹងប្រែងកសាងប្រទេសជាតិ ដែលបានងើបចេញពីគំនរផេះផង់ នៃសង្គ្រាមរ៉ាំរ៉ៃ និងត្រូវបានបំផ្លិចបំផ្លាញស្ទើរតែទាំងស្រុង ក្លាយជាកម្ពុជាក្នុងពេលបច្ចុប្បន្ន ប្រកបដោយសក្ដានុពលលើគ្រប់វិស័យ។
ឯកឧត្ដម ហ៊ុន ម៉ានី លើកឡើងបន្តទៀតថា កម្ពុជា មានសមត្ថភាពគ្រប់គ្រាន់ក្នុងការរៀបចំរបៀបវារៈ នៃការអភិវឌ្ឍរបស់ខ្លួនសម្រាប់បច្ចុប្បន្ន និងអនាគត។ ទាំងនេះបានកើតចេញពីឆន្ទៈមោះមុត ការប្ដេជ្ញាចិត្តរបស់ប្រមុខរាជរដ្ឋាភិបាលជំនាន់មុន និងដែលត្រូវបានបន្តដោយរាជរដ្ឋាភិបាល នីតិកាលទី ៧ នៃរដ្ឋសភា។
ជាមួយនេះ ឯកឧត្ដមឧបនាយករដ្ឋមន្ត្រី បានបន្ថែមថា ជាថ្មីម្ដងទៀត ក្នុងនាមជាប្រជាពលរដ្ឋខ្មែរ ឯកឧត្ដម សូមប្រកាសគាំទ្រគំនិតផ្ដួចផ្ដើម និងដំណើរការ នៃគម្រោងព្រែកជីកហ្វូណនតេជោ នេះ ដើម្បីជាឧត្ដមប្រយោជន៍ដ៏មានតម្លៃកាត់ថ្លៃពុំបានសម្រាប់ប្រទេសជាតិ។
ទន្ទឹមនោះ ឯកឧត្ដមឧបនាយករដ្ឋមន្ត្រី ក៏បានគូសបញ្ជាក់ម្ដងទៀតថា «គម្រោងព្រែកជីកហ្វូណនតេជោ នេះ គឺជាការគិតគូរយ៉ាងយកចិត្តទុកដាក់ គ្រប់ជ្រុងជ្រោយ និងប្រកបដោយទស្សនវិស័យយូរអង្វែង ដោយឈរលើការតម្កល់ផលប្រយោជន៍ជាតិ និងប្រជាជនជាចម្បង»។
ឯកឧត្ដមឧបនាយករដ្ឋមន្ត្រី បញ្ជាក់ទៀតថា ដើម្បីសម្រេចបានចក្ខុវិស័យរបស់ខ្លួនក្នុងការក្លាយខ្លួនជាប្រទេសអភិវឌ្ឍន៍ ច្បាស់ណាស់ យើងត្រូវការចាំបាច់នូវហេដ្ឋារចនាសម្ព័ន្ធរូបវន្តចាំបាច់ ដើម្បីបម្រើដល់ការអភិវឌ្ឍសេដ្ឋកិច្ច និងសង្គម ដែលមិនត្រឹមតែបម្រើឲ្យវិស័យដឹកជញ្ជូន និងភស្តុភារកម្មប៉ុណ្ណោះទេ តែក៏បានចែករំលែកនូវផលប្រយោជន៍សម្រាប់វិស័យកសិកម្ម ទេសចរណ៍ និងវិស័យសេដ្ឋកិច្ចពាក់ព័ន្ធផ្សេងទៀតដល់សហគមន៍ដែលរស់នៅតាមដងព្រែកជីកផងដែរ៕
អត្ថបទ ៖ ពិសី
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ