ព័ត៌មានជាតិ

ដង្ហែក្បួនពិធីបុណ្យពិសាខបូជាយ៉ាងអធិកអធមនៅខេត្តសៀមរាប

បានផុស

២ years មុន

នៅ

ថ្ងៃពុធ ២២ ឧសភា ២០២៤

ដោយ

នាព្រឹកថ្ងៃទី២២ ខែឧសភា ឆ្នាំ២០២៤ អនុគណក្រុងសៀមរាប សហការជាមួយរដ្ឋបាលខេត្តសៀមរាបបានរៀបចំ ដង្ហែក្បួនបុណ្យ វិសាខបូជា ដឹកនាំដោយព្រះវិជ័យរង្សីបណ្ឌិត ឡាច លាង ព្រះគ្រូប្រាសាទរង្សី អនុគុណក្រុងសៀមរាប ដែលត្រូវបានដង្ហែចេញពី វត្តព្រះឥន្ទទេពក្នុងតំបន់អង្គរ ឆ្ពោះទៅកាន់ក្រុងសៀមរាប ដោយមានការចូលរួមពីពុទ្ធសាសនិកយ៉ាងអធិកអធម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីបុណ្យវិសាខបូជាត្រូវបានពុទ្ធសាសនិកចាត់ទុកថាមានសារសំខាន់បំផុតមួយក្នុងចំណោមបុណ្យដទៃទៀតនៃព្រះពុទ្ធសាសនា គឺប្រារព្ធឡើង ដើម្បីការគោរពរំឭកនឹកដល់ ព្រឹត្តិការណ៍ធំៗបី នាសម័យកាលរបស់ព្រះសម្មាសម្ពុទ្ធ សមណគោតម ដែលជាថ្ងៃព្រះអង្គទ្រង់ប្រសូត ព្រះអង្គទ្រង់

បានត្រាស់ដឹង និងព្រះអង្គទ្រង់បរិនិព្វាន។ ព្រឹត្តិការណ៍ទាំងបីនេះ គឺកើតឡើងនៅចំថ្ងៃ១៥កើត ពេញបូណ៌មី ដែលមានព្រះចន្ទពេញវង់ ក្នុងខែពិសាខ ដូចគ្នា ខុសតែឆ្នាំប៉ុណ្ណោះ។ នៅថ្ងៃពុធ១៥កើត ខែពិសាខ ត្រូវនឹងថ្ងៃទី២២ ឧសភាឆ្នាំ២០២៤នេះ គឺជាទិវាមួយដែលពុទ្ធសាសនិកជន នៅក្នុងប្រទេសកម្ពុជា និងនៅទូទាំងសកលលោក តែងនាំគ្នាប្រារព្ធពិធីបុណ្យដ៏សំខាន់មួយនេះ គឺ«ពិសាខបូជា»។

នៅតាមប្រតិទិនដែលគួរឱ្យកត់សម្គាល់មួយទៀតគឺអង្គការសហប្រជាជាតិក៏បានប្រកាសនៅថ្ងៃទី១៥ខែធ្នូ ឆ្នាំ១៩៩៩ ទទួលស្គាល់វិសាខបូជា ជាពិធីបុណ្យអន្តរជាតិមួយ ដែលគេអាចប្រារព្ធ ធ្វើនៅតាមការិយាល័យទាំងឡាយរបស់អង្គការសហប្រជាជាតិនៅលើពិភពលោក។បើតាមអ្នកសិក្សាជំនាញព្រះពុទ្ធសាសនាបានបង្ហាញថាចំណុចសំខាន់នៃបុណ្យវិសាខបូជាថាជាទិវាប្រវត្តិសាស្ត្រមួយរបស់ព្រះពុទ្ធសាសនាដែលមានអាយុកាលជា២៥៦៧ឆ្នាំមកហើយដោយផ្សារភ្ជាប់ទៅនឹងប្រភពដើមនៃពុទ្ធសករាជ ដែលប្រទេសកាន់ពុទ្ធសាសនា គេបាននិយមប្រើប្រាស់រហូតមកដល់សព្វថ្ងៃនេះ៕

ដោយ៖ជុន កុសល