Connect with us

ព័ត៌មានជាតិ

ផ្លូវបេតុង១ខ្សែ បានបើកការដ្ឋានសាងសង់ដោយរំពឹងថានឹងជួយសម្រួលបានច្រើនដល់ពលរដ្ឋនៅស្រុកប្រាសាទបាគង

បានផុស

នៅ

ផ្លូវ១ខ្សែជាប្រភេទផ្លូវបេតុងអាមេ ប្រវែង២.០៥០ម៉ែត្រ ទទឹង៨ម៉ែត្រ កម្រាស់២តឹក តភ្ជាប់ពីភូមិរលួសខាងលិច ឃុំរលួស ទៅដល់ភូមិតាប្រាក់ ឃុំមានជ័យ ស្រុកប្រាសាទបាគង ខេត្តសៀមរាប ជាគម្រោងថវិការាជរដ្ឋាភិបាលផ្តល់តាមរយៈក្រសួងសាធារណការ និងដឹកជញ្ជូន អនុវត្តគម្រោងដោយកងវិស្វកម្មសម្តេចតេជោខេត្តសៀមរាប ត្រូវបានបើកការដ្ឋានសាងសង់ជាផ្លូវការ នៅថ្ងៃទី២៩ ខែឧសភា ឆ្នាំ២០២៤នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នូ សុវត្តិ រដ្ឋលេខាធិការក្រសួងសាធារណការ និងដឹកជញ្ជូន បានលើកឡើងថា ការបើកការរដ្ឋានជួលជុលផ្លូវនេះ គឺជាការអភិវឌ្ឍបន្ថែមទៀតសម្រាប់ខេត្តសៀមរាបទាំងមូល លើការអភិវឌ្ឍវិស័យហេដ្ឋារចនាផ្លូវថ្នល់ ទាំងនេះ នឹងចូលរួមកាត់បន្ថយការលំបាករបស់ប្រជាពលរដ្ឋ មិនត្រឹមតែជួយសម្រួលដល់ការធ្វើដំណើរ និងការដឹកជញ្ជូនផ្សេងៗបានងាយស្រួល និងឆាប់រហ័សប៉ុណ្ណោះទេ ថែមទាំងបានដើរតួយ៉ាងសំខាន់ក្នុងវិស័យសេដ្ឋកិច្ចសង្គម សន្តិសុខ សណ្តាប់ធ្នាប់សាធារណៈ សុវត្ថិភាពសង្គម និងសុខុមាលភាពទៀតផង ដែលកត្តានេះ នឹងរួមចំណែកលើកកម្ពស់ជីវភាពរស់នៅ ជូនប្រជាពលរដ្ឋបានមួយកម្រិតថែមទៀត។

ចំណែកលោក អុឹង គឹមលាង អភិបាលរងខេត្ត លើកឡើងថា ផ្លូវមួយខ្សែនេះ គឺជាសមិទ្ធផលថ្មីមួយទៀតសម្រាប់ប្រជាពលរដ្ឋ ឃុំរលួស និងឃុំមានជ័យ ស្រុកប្រាសាទបាគង ក៏ដូចជាខេត្តសៀមរាបទាំងមូល លើការអភិវឌ្ឍក្នុងវិស័យហេដ្ឋារចនាផ្លូវថ្នល់ ដែលផ្លូវនេះនឹងចូលរួមកាត់បន្ថយការលំបាករបស់ប្រជាពលរដ្ឋ ជួយសម្រួលដល់ការធ្វើដំណើរ និងការដឹកជញ្ជូនផ្សេងៗបានងាយស្រួល ឆាប់រហ័ស ដែលកត្តានេះ នឹងរួមចំណែកលើកកម្ពស់ជីវភាពរស់នៅ និងកាត់បន្ថយភាពក្រីក្ររបស់ប្រជាពលរដ្ឋ។

ចំណែកអ្នកឧកញ៉ា សៀង ណាំ អ្នកតំណាងរាស្ត្រមណ្ឌលសៀមរាប ថ្លែងថា ផ្លូវបេតុងមួយខ្សែនេះគឺពិតជាមានសារសំខាន់ណាស់ សម្រាប់ប្រជាពលរដ្ឋក្នុងមូលដ្ឋាន ក៏ដូចជាអ្នកប្រកបរបរជាមួយវិស័យទេសចរណ៍ ព្រោះថាវានឹងបង្កភាពងាយស្រួលដល់ការដឹកជញ្ជូនទេចរណ៍ទៅកាន់តំបន់បឹងទន្លេសាប និងជួយ សម្រួលដល់ប្រជាពលរដ្ឋក្នុងការធ្វើដំណើរទៅមក ជាពិសេសជួយដល់អ្នកមានជំងឺ និងស្ត្រីមានផ្ទៃពោះ មកពិនិត្យ និងសម្រាលកូននៅមណ្ឌល សុខភាព ពិបាកក្នុងការដឹកកសិផលមកកាន់ទីផ្សារ កាត់បន្ថយពេលវេលានិងការចំណាយសម្រាប់សោហ៊ុយធ្វើដំណើរជាដើម។ ដូចនេះនៅពេលដែលផ្លូវស្ថាបនាចប់រួចរាល់ហើយ ពេលនោះពលរដ្ឋ នឹងបានទទួលផលប្រយោជន៍យ៉ាងច្រើនពីផ្លូវនេះ ដោយជួយសម្រួលការធ្វើដំណើរយប់ថ្ងៃទៅកាន់មន្ទីរពេទ្យ សាលារៀន និងដឹកភោគផលកសិកម្មផ្សេងៗ កាត់បន្ថយការចំណាយ ទាំងពេលវេលានិងថវិកាក្នុងការធ្វើដំណើរ និងជាពិសេសជួយសម្រួលដល់ការដឹកជញ្ជូនភ្ញៀវទេសចរដែលមកទស្សនាសហគមន៍បឹងទន្លេសាបផងដែរ។

លោក បន្តថា ជាមួយនឹងការសាងសងនេះ ក៏សូមការអធ្យាស្រ័យពីសាធារណជនប្រើប្រាស់ផ្លូវទាំងអស់ មេត្តាយោគយល់ ព្រោះអាចមានការកកស្ទះចរាចរណ៍បន្តិចបន្តួចនៅពេលដំណើរការសាងសង់ ខណៈដែលឆ្លងកាត់តាមការដ្ឋានផ្លូវនេះ។ លោកទាំងពីរ បានអំពាវនាវដល់បងប្អូនប្រជាពលរដ្ឋនិងអ្នកប្រើប្រាស់ផ្លូវទាំងអស់រួមគ្នាគោរពច្បាប់ចរាចរណ៍ផ្លូវគោកឱ្យបានម៉ឺងម៉ាត់ ដើម្បីសុវត្ថិភាព និងបញ្ជៀសនូវការឆាប់ខូចផ្លូវដោយសារការដឹកជញ្ជូនលើសទំងន់ណាមួយដោយខានតែបាន។ លើសពីនេះសូមកុំនាំគ្នាសង់រោង ឬផ្ទះសម្បែងតាមចម្រាក់ស្ទឹង ព្រោះវាជាសម្បត្តិសាធារណៈរបស់រដ្ឋ និងវាបង្កភាពអនាអិបតេយ្យ បាត់សោភ័ណភាព ខ្វះសណ្តាប់ធ្នាប់របៀបរៀបរយ៕

ដោយ៖ គឿន វេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៦ នាទី មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ១ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៤ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៤ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ៥ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានជាតិ១០ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៨ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១២ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៤ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ៩ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម