Connect with us

ព័ត៌មានជាតិ

ក្រសួងវប្បធម៌ បើកចំហរជានិច្ច ក្នុងការសហការលើកស្ទួយវិស័យឧស្សាហកម្មវប្បធម៌ជាតិ

បានផុស

នៅ

កិច្ចការអភិរក្ស មិនមែនមានន័យថា នៅស្ងៀមមិនមានការកែច្នៃនោះទេ ហើយរាជរដ្ឋាភិបាលតែងយកចិត្តទុកដាក់ និងគាំទ្រដល់ការកែច្នៃ បង្កើតថ្មី ក្នុងទិសស្លោកគោលនយោបាយ «អភិរក្សដើម្បីអភិវឌ្ឍន៍ អភិវឌ្ឍន៍ដើម្បីអភិរក្ស» ដែលមានក្រសួងវប្បធម៌ ជាអ្នកសហការគាំទ្រ ទាំងបច្ចេកទេស សម្ភារៈ ក៏ដូចជាការស្វែងរកដៃគូរជាតិ-អន្តរជាតិ ក្នុងន័យដើម្បីធ្វើយ៉ាងណាឱ្យវិស័យឧស្សាហកម្មវប្បធម៌ជាតិ មិនស្ថិតនៅដាច់ឆ្ងាយពីបណ្តាប្រទេសផ្សេងៗ។

នេះបើតាមថ្លែងរបស់ បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ក្នុងឱកាសចូលរួមជាអធិបតីសម្ពោធចម្រៀងខ្នាតធំ បទ «ទេវរាជ» របស់អ្នកនាង ទេព បូព្រឹក្ស កាលពីថ្ងៃទី២៦ ខែឧសភា​ ឆ្នាំ២០២៤ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការច្នៃ និងបង្កើតចម្រៀងបទ «ទេវរាជ» រដ្ឋមន្ត្រីក្រសួងវប្បធម៌ បានសម្តែងនូវការកោតសរសើរ និងវាយតម្លៃខ្ពស់ ចំពោះទេពកោសល្យ និងសមត្ថភាពរបស់ក្រុមការងារគូស្នេហ៍ចម្រៀងរ៉េបដ៏ល្បីនេះ ដែលនេះជាគំរូមួយសម្រាប់ សិល្បករសិល្បការិនី ដែលចង់ចូលរួមចំណែកក្នុងការលើកស្ទួយវប្បធម៌ជាតិ ហើយក្រសួងវប្បធម៌ នឹងបន្តបើកចំហរគាំទ្រជានិច្ច តាមទិសស្លោកគោលនយោបាយរបស់រាជរដ្ឋាភិបាល។

លោកស្រីបណ្ឌិតសភាចារ្យ លើកឡើងដែរថា ស្នាដៃបទចម្រៀង ទេវរាជ គឺជាការផលិតឡើងដោយរួមបញ្ចូលនូវវប្បធម៌ អរិយធម៌ដ៏រុងរឿងរបស់មហាដូនតាខ្មែរ នាសករាជនៃដែនដីសុវណ្ណភូមិ ដោយប្រមូលផ្តុំផងដែរនូវព្រឹត្តិការណ៍ប្រវត្តិសាស្ត្រ នាសម័យនគរភ្នំ សម័យចេនឡា និងសម័យអង្គរ។

លោកស្រីបណ្ឌិតសភាចារ្យ គូសបញ្ជាក់ទៀតថា “ចម្រៀងទេវរាជ មានចរិតលក្ខណៈពិសេស មានភាពចម្រុះ ដោយរួមបញ្ចូលនូវសម្បត្តិបេតិកភណ្ឌ ទេវកថា គាថា អថ័ន យ័ន្ត អក្សរសិល្បិ៍របស់អង្គអទិទេពស្តេចនៃលោក ដែលយើងហៅថា “ឱម” (អ ​ឧ​ ម) ។ ទាក់ទងទៅនឹងពាក្យនេះ រដ្ឋមន្ត្រីក្រសួងវប្បធម៌ បានបញ្ជាក់ដោយផ្អែកលើឯកសារស្រាវជ្រាវជាច្រើន បង្ហាញថា “ឱម” គឺជាពាក្យទី១ របស់ព្រះព្រហ្ម ដែលបន្លឺឡើងនៅពេលដែលលោកបង្កើតចក្រវាលនេះឡើង ជាពាក្យដំបូងបំផុតរបស់មនុស្សជាតិ។

រដ្ឋមន្ត្រីក្រសួងវប្បធម៌ រំលេចដែរថា ស្នាដៃចម្រៀងដែលរួមបញ្ចូលដោយវប្បធម៌ និងអរិយធម៌ខ្មែរបែបនេះ មិនមែនជាសមិទ្ធផលទីមួយក្រុមងាររបស់លោក ងួន ចាន់ដេវីត និងអ្នកនាងទេព បូព្រឹក្សទេ ឯសមិទ្ធផលនៃបទ ទេវរាជ គឺជាការងារថ្មីនៃទំនើបកម្មវិស័យសិល្បៈវប្បធម៌ ជាមួយនឹងការគោរពដល់ចរិតលក្ខណៈដើម របស់វប្បធម៌ប្រពៃណីដ៏យូរលង់របស់ដូនតាខ្មែរ។

ទន្ទឹមនេះ បណ្ឌិតសភាចារ្យ ភឿង សកុណា ក៏ថ្លែងវាយតម្លៃខ្ពស់ផងដែរ ចំពោះការចូលរួមចំណែកដ៏សំខាន់របស់ក្រុមហ៊ុនឯកជន និងដៃគូរសហការផ្សេងៗទៀត ដែលចូលរួមគាំទ្រលើកស្ទួយវប្បធម៌ជាតិ ដោយឆ្លើយតបទៅនឹងសភាពការណ៍ និងបរិការនៃសកលភាវូបនីយកម្ម បដិវត្តកម្មឌីជីថល ក្នុងន័យលើកស្ទួយតម្លៃវប្បធម៌ ដោយជ្រោងតម្លៃខ្មែរឱ្យខ្ពស់៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

ខេត្តបន្ទាយមានជ័យធ្វើយុទ្ធនាការផ្សព្វផ្សាយអប់រំច្បាប់ចរាចរណ៍ និងចែកមួកសុវត្ថិភាព

ព័ត៌មានអន្ដរជាតិ១០ នាទី មុន

ប្រមុខ UN ព្រមានពីការប្រយុទ្ធគ្នាកាន់តែខ្លាំង រវាងអ៊ីស្រាអែលនិង ក្រុមហេសបូឡា

ព័ត៌មានជាតិ៤៥ នាទី មុន

បើកទំព័រប្រវត្តិសាស្ត្រថ្មី! កម្ពុជា-រុស្ស៊ី ចុះអនុស្សរណៈនៃការយោគយល់ ពង្រឹងកងទ័ពជើងគោកទ្វេភាគី

សន្តិសុខសង្គម១ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ២ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ២២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៤ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ២០ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ២៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានជាតិ២០ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

Sokha Hotels

ព័ត៌មានពេញនិយម