ព័ត៌មានជាតិ

ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា

បានផុស

២ years មុន

នៅ

ថ្ងៃអង្គារ ២៥ មិថុនា ២០២៤

ដោយ

នៅថ្ងៃទី២៥ ខែមិថុនា ឆ្នាំ២០២៤នេះ ក្រសួងកសិកម្មរុក្ខាប្រមាញ់ និងនេសាទ និងរដ្ឋបាលខេត្តកំពង់ចាម បានដឹកនាំក្រុមការងារចុះពិនិត្យដោយផ្ទាល់ទីតាំងស្រែស្រូវ និងដំឡូងមី របស់ប្រជាកសិករ ដែលទទួលរងការយាយីដោយសត្វដង្កូវ ចំណុចភូមិទួលតាប៉ែន ឃុំតាអុង និងភូមិជយោត្បូង ស្រុកចំការលើ ដែលគិតជាផ្ទៃដីសរុបជិត២រយហិកតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងខេត្តកំពង់ចាម ដំណាំដែលរងផលប៉ះពាល់ដោសារដង្កូវហ្វូង រួមមានដំណាំស្រូវចំនួន ១១៨ហិកតា ដែលស្ថិតនៅឃុំស្ពឺ,ឃុំជយោ និងឃុំតាអុង ស្រុកចំការលើ ចំណែកដំណាំដំឡូងមី ចំនួន៥៩ហិកតា ស្ថិតនៅឃុំអូរស្វាយ ស្រុកកំពង់សៀម បច្ចុប្បន្នស្ថានភាពដង្កូវហ្វូងមានការថយចុះជាបន្តបន្ទាប់ ។

ក្រោយពិនិត្យឃើញថា ស្រែស្រូវរបស់ប្រជាកសិករជាច្រើនហិកតា បានទទួលរងការយាយីដោយសត្វដង្កូវ លោក អ៊ុន ចាន់ដា អភិបាលខេត្ត និង តំណាងក្រសួងកសិកម្ម បានចាត់ឲ្យមន្ត្រីជំនាញចុះបាញ់ថ្នាំកម្ចាត់សត្វដង្កូវឲ្យអស់ពីស្រែស្រូវរបស់ប្រជាកសិករភ្លាមៗ។

លោកអភិបាលខេត្ត ក៏បានស្នើឲ្យអាជ្ញាធរមូលដ្ឋាន សហការជាមន្ត្រីជំនាញ និងប្រជាពលរដ្ឋ បន្តចុះពិនិត្យមើលតំបន់ផ្សេង ក្រែងមានករណីនេះកើតឡើងដូចគ្នា ដើម្បីមានវិធានការឲ្យបានទាន់ពេលវេលា៕

អត្ថបទនិងរូបភាព ៖ ឡេក ចាន់ពេជ្រ