ព័ត៌មានជាតិ
ជនសង្ស័យ៥នាក់ មានអ្នកជក់និងអ្នកលក់ ត្រូវនគរបាលបង្ក្រាបនិងដកហូតវត្ថុតាងទ្រង់ទ្រាយធំ
បន្ទាយមានជ័យ ៖ ជនសង្ស័យ៥នាក់ ក្នុងនោះមានអ្នកជក់និងអ្នកលក់ក្នុងក្រុងសិរីសោភ័ណត្រូវនគរបាលបង្ក្រាប ព្រឹក ថ្ងៃទី ១ ខែមីនា ឆ្នាំ ២០២១ នៅក្នុងភូមិ២ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
នគរបាលបានដកហូតវត្ថុតាងថ្នាំញៀន ម្សៅក្រាមពណ៌សថ្លាចំនួន២ថង់ ក្នុងនោះមានថង់តូច១និងថង់ធំ១ថ្នាំប្រភេទគ្រាប់មានអក្សរ( WY )ផ្នែកម្ខាងនៃគ្រាប់ថ្នាំ ចំនួន ១០កូនថង់សរុបចំនួន១,៩៩៥ គ្រាប់ ពណ៌ផ្កាឈូកចំនួន១,៩៧៥គ្រាប់និងពណ៌បៃតងចំនួន២០គ្រាប់បំពង់ទាម៉ូម៉ែតចំនួន២សំបកទាម៉ូម៉ែត្រចំនួន២ដបកែច្នៃសម្រាប់ជក់១ទូរសព្ទដៃចំនួន៦គ្រឿង។
ក្រោយពីឃាត់ខ្លួនហើយ បានបញ្ជូនមកស្នងការដ្ឋាន នគរបាលខេត្ត ដើម្បីចាត់វិធានការបន្ត។ លោកវរសេនីយ៍ឯក ស៊ីឌី អធិការនគរបាលក្រុងសិរីសោភ័ណបានប្រាប់ឲ្យដឹងថា ការឃាត់ខ្លួនជនសង្ស័យនេះ អនុវត្តតាមបទបញ្ជាពីលោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយមានជ័យ លោកបានដឹកនាំកម្លាំងនគរបាលក្រុងសិរីសោភ័ណ១ក្រុមបានចុះត្រួតពិនិត្យទីតាំងផ្ទាល់និងបង្ក្រាបតែម្តង។ លោកវរសេនីយ៍ឯក ស៊ីឌី បានបញ្ជាក់ឲ្យដឹងបន្តទៀតថា ជនសង្ស័យទាំង៥នាក់ ក្នុងនោះមានអ្នកលក់ថ្នាំញៀនសកម្មចំនួន៣នាក់ មានឈ្មោះ ១អឹម ទុំ ភេទប្រុស អាយុ២៧ឆ្នាំ មុខរបរមិនពិតប្រាកដ នៅភូមិអណ្តូងក្រសាំង ឃុំឆ្នាំព្រះ ស្រុកបាកាន ខេត្តពោធិសាត់ ២ឈ្មោះ សួន ចាន់ដារ៉ា ភេទប្រុស អាយុ២៩ឆ្នាំ មុខរបរចុងភៅ នៅភូមិបារាយ ឃុំព្រៃស្លឹក ស្រុកត្រាំង ខេត្តតាកែវ ៣ឈ្មោះអួន វី ភេទប្រុស អាយុ៣៨ឆ្នាំ មុខរបរបុកអណ្តូង នៅភូមិចំការលោក ឃុំអូរប្រសាទ ស្រុកមង្គលបូរី ខេត្តបន្ទាយមានជ័យ។
ចំណែក២នាក់ទៀតជាអ្នកជក់១ឈ្មោះវៀង រ៉ូ ភេទប្រុស អាយុ៣២ឆ្នាំ មុខរបរបុកអណ្តូងនៅភូមិចំការលោក ឃុំអូប្រសាទ ស្រុកមង្គលបូរី ខេត្តបន្ទាយមានជ័យ ២ឈ្មោះមេត សុបិន្ទ អាយុ២៥ឆ្នាំ មុខរបរបុកអណ្តូង នៅភូមិចំការលោក ឃុំអូប្រសាទ ស្រុកមង្គលបូរី ខេត្តបន្ទាយមានជ័យ។
លោកស៊ីឌី បានបញ្ជាក់ឲ្យដឹងបន្តទៀតថា នៅចំពោះមុខសមត្ថកិច្ច ជនសង្ស័យ៣នាក់បានសារភាពថា ពិតជាអ្នកលក់ថ្នាំញៀននៅក្នុងក្រុងសិរីសោភ័ណពិតមែន ចំណែក២នាក់ទៀតបានសារភាពថា ពួកគេគ្រាន់តែអ្នកជក់ទេជាង១ឆ្នាំមកហើយ។ ផ្អែកលើចម្លើយសារភាពរបស់ជនសង្ស័យ និងមានវត្ថុតាង ជនសង្ស័យទាំង៥នាក់និងវត្ថុតាង កម្លាំងជំនាញការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តកំពុងរៀបចំសំណុំរឿងបញ្ជូនខ្លួនទៅសាលាដំបូងខេត្ត ដើម្បីចាត់ការតាមនីតិវិធីច្បាប់៕
ដោយ ៖ វ៉ាន់ ណាង
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ៦ ថ្ងៃ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ