ព័ត៌មានជាតិ

ឈូសឆាយដីភូមិ ប្រទះឃើញសត្វពស់ទម្ងន់ជិត១០គីឡូក្រាម

បានផុស

៥ years មុន

នៅ

ថ្ងៃអង្គារ ២ មីនា ២០២១

ដោយ

ពស់ថ្លាន់មួយក្បាលដែលមានទម្ងន់រហូតជិត១០គីឡូក្រាម និងមានប្រវែងជាង២ម៉ែត្រ ត្រូវបានប្រជាពលរដ្ឋប្រទះឃើញ ខណៈដែលពួកគាត់ធ្វើការឈូសឆាយដីលំនៅដ្ឋានរបស់ពួកគាត់ ព្រមទាំងបានចាប់ប្រគល់ទៅអង្គភាពជំនាញ ដើម្បីយកទៅព្រលែងនៅទីដែលមានសុវត្ថិភាព។

លោក លឿង សម្បត្តិ ជាប្រជាពលរដ្ឋរស់នៅក្នុងក្រុងបាត់ដំបងបានបញ្ជាក់ថា នៅព្រឹកថ្ងៃទី២ ខែមីនា ឆ្នាំ២០២១ នេះ គឺនៅពេលដែលលោកបានធ្វើការឈូសឆាយដីមួយកន្លែង ស្ថិតក្នុងភូមិសាលាបាឡាត់ សង្កាត់អូម៉ាល់ ក្រុងបាត់ដំបង ក៏បានប្រទះឃើញពស់ថ្លាន់មួយក្បាលយ៉ាងធំ ទើបក្មេងៗនាំគ្នាចាប់ដើម្បីរក្សាទុក។

លោកបានបន្ថែមថា ពស់ថ្លាន់មួយក្បាលនេះ មានប្រវែង២,៣០ ម៉ែត្រ និងមានទម្ងន់៨គីឡូក្រាម ។ ភ្លាមៗនោះដែរ ដោយសារតែលោកមានគំនិតចង់រក្សាពូជសត្វដែលកម្រ និងចង់អភិរក្សផងនោះ ទើបលោកបានទាក់ទងទៅមន្ត្រីមេព្រៃ ប្រចាំក្រុងបាត់ដំបងដើម្បីធ្វើការប្រគល់ទៅឲ្យជំនាញ នាំយកទៅព្រលែងនៅក្នុងតំបន់ណាដែលមានសុវត្ថិភាព។

មន្ត្រីមេព្រៃមួយរូបបានបញ្ជាក់ថា ទីតាំងដែលត្រូវព្រលែងគឺមានតែតំបន់ជើងភ្នំ១៥០ ឬក៏នៅក្នុងតំបន់ជើងភ្នំបាណន់ ដែលនៅទីនោះមានទាំងព្រៃ និងមានទាំងស្រះទឹក ដែលអាចឲ្យសត្វទាំងនេះរស់នៅបានដោយសុវត្ថិភាព និងភាពសុខសាន្ត ព្រោះនៅទីនោះមានទាំងកម្លាំងអភិរក្សនៅយាមកាមផងដែរ៕

អត្ថបទ ៖ សោ និយមរដ្ឋ