ព័ត៌មានជាតិ

រកឃើញ៥ទីតាំងនៅបុរី ប៉េង ហួតបឹងស្នោ ប្រឈមនឹងជំងឺកូវិដ១៩

បានផុស

៥ years មុន

នៅ

ថ្ងៃពុធ ៣ មីនា ២០២១

ដោយ

ភ្នំពេញ ៖ សូមមានការប្រុងប្រយ័ត្នខ្ពស់ ខណៈដែលអាជ្ញាធរខណ្ឌច្បារអំពៅនិងមន្ត្រីសុខាភិបាលរកឃើញអ្នកមានវិជ្ជមានកូវីដ១៩ចំនួន៥ទីតាំងស្ថិតក្នុងបុរីប៉េង ហួត បឹងស្នោរក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក គុយ គឹមហ៊ាង ទទួលបន្ទុកសរុបរបាយការណ៍ស្តីពីសភាពការណ៍កូវីដ១៩ សាលាខណ្ឌច្បារអំពៅបានឲ្យដឹងថា នៅរសៀលថ្ងៃទី៣ ខែមីនានេះក្រុមគ្រូពេទ្យនិងអាជ្ញាធរខណ្ឌច្បារអំពៅបានរកឃើញទីតាំងប្រឈមនឹងជំងឺកូវីដ១៩ចំនួន៥ ធំៗក្នុងសង្កាត់និរោធ។

លោកគុយ គឹមហ៊ាង បានបញ្ជាក់ថាទីតាំង ដែលប្រឈមនោះមានទីតាំងផ្ទះលេខ៤២៥ ស្ថិតក្នុងគម្រោង(ផារ៉ាដាម).ទីតាំងផ្ទះលេខ៣១៧ស្ថិតក្នុងគំរោង(ផារ៉ាដាម).ទីតាំងផ្ទះលេខ២១ និង២៣ស្ថិតក្នុងគម្រោង(ប៉ូឡារីស១).ទីតាំងផ្ទះលេខ៤៦ស្ថិតក្នុងគម្រោង(ប៉ូឡារីស១)និងទីតាំងផ្ទះលេខ៨៦ស្ថិតក្នុងគំរោង(ប៉ូឡារីស១)។

លោក ហ៊ាង បញ្ជាក់ទៀតថា មកដល់យប់ថ្ងៃដដែលក្រុមការងារបានបន្តស្វែងរកអ្នកមានវិជ្ជមានកូវីដ១៩ ក្នុងបុរីប៉េង ហួត គំរោងថ្មីនេះ ដែលអាជ្ញាធរកំពុងដាក់កម្លាំងបិទទីតាំង ដែលប្រឈមដើម្បីកុំឲ្យឆ្លងរាលដាលដ៏ធំនេះ។

គួរបញ្ជាក់ថា មកដល់យប់ថ្ងៃទី៣ ខែមីនានេះ ក្នុងមូលដ្ឋានខណ្ឌច្បារអំពៅក្រុមគ្រូពេទ្យ និងអាជ្ញាធរបានរកឃើញទីតាំងដែលមានអ្នកជំងឺកូវីដ១៩ចំនួន១៣ទីតាំងហើយ។ ក្នុងនោះមានសង្កាត់ក្បាលកោះ សង្កាត់វាលស្បូវហើយទីតាំងដែលមានអ្នកជំងឺឆ្លងខ្លាំងជាងគេគឺសង្កាត់និរោធតែម្តង។

ក្នុងនោះលោកចេង មុនីរ៉ា អភិបាលខណ្ឌច្បារអំពៅកំពុងដឹកនាំកម្លាំងចុះទៅចំណុចប្រឈមខាងលើដើម្បី សុំឲ្យអ្នកប្រឈមកុំចេញពីផ្ទះព្រោះខ្លាចឆ្លងរាលដាលជាបន្តទៀត៕
ដោយ ៖ នរា