ព័ត៌មានជាតិ

អាជ្ញាធរជាតិអប្សរាបំភ្លឺ ក្រោយផ្ទុះការវែកញែក និងផ្ស ព្វផ្សាយពាក់ព័ន្ធតម្លៃសេវាថតវីដេអូ និងរូបភាពនៅអង្គរវត្ត

បានផុស

២ years មុន

នៅ

ថ្ងៃអង្គារ ៦ សីហា ២០២៤

ដោយ

បន្ទាប់ពីផ្ទុះការវែកញែក និងចែករំលែកជាថ្មីពាក់ព័ន្ធតម្លៃសេវាថតវីដេអូ និងរូបភាពនៅតំបន់ប្រាសាទអង្គរវត្តអាជ្ញាធរជាតិអប្សរានាល្ងាច ថ្ងៃទី០៦ ខែសីហា ឆ្នាំ២០២៤នេះ បានចេញសេចក្តីបំភ្លឺជុំវិញករណីនេះនឹងស្នើបញ្ឈប់ការចែករំលែកព័ត៌មានផ្ទុយពីការពិត។

អាជ្ញាធរជាតិអប្សរាបានឲ្យដឹងថា ប្រកាសដល់សាធារណជនទាំងអស់ជ្រាបពីការផ្សព្វផ្សា យ និងការពិភាក្សានៅតាមបណ្តាញសង្គមមួយចំនួនពាក់ព័ន្ធ នឹងតម្លៃសេវាថតវីដេអូ និងរូបភាពរបស់អាជ្ញា ធរជាតិអប្សរា ដោយបានលើកឡើងថា មានតម្លៃថ្លៃជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះអាជ្ញាធរជាតិអប្សរាបញ្ជាក់ដល់សាធារណជនជ្រាបដូចខាងក្រោម៖

១.តម្លៃសេវាសម្រាប់ប្រភេទអាជីវកម្ម ដែលបានកំណត់ ក្នុងសេចក្តីជូនដំណឹងកាលពីថ្ងៃទី០២ខែសីហា ឆ្នាំ ២០២៤គឺជាតម្លៃសេវាដែលបានអនុវត្តតាំងពីអំឡុងឆ្នាំ២០១២មកម្ល៉េះនិងពុំមានការតម្លើងតម្លៃណាមួយឡើយ។ក្នុងនោះតម្លៃមួយចំនួនទៀតសោតក៏ត្រូវបានកែសម្រួលបន្ថយផងដែរ។

២.តម្លៃសេវាសម្រាប់ប្រភេទអាជីវកម្មនានា ដែលដាក់ឲ្យអនុវត្តមានចំនួន៤ជម្រើស។អ្នកត្រូវការប្រើប្រាស់សេវាអាចជ្រើសរើសយកជម្រើសណាមួយតាមតម្លៃសមរម្យដែលចង់បាន(សូមអានតារាងតម្លៃសេវាសាធារណ:ផ្លូវការដែលមាននៅក្នុងគេហទំព័រហ្វេសប៊ុកផេកផ្លូវការរបស់អាជ្ញាធរជាតិអប្សរា)។

៣.រាល់តម្លៃសេវាទាំងអស់ត្រូវបង់ផ្ទាល់ទៅ ក្នុងធានាគារជាតិសាខាខេត្តសៀមរាប។

៤.អាជ្ញាធរជាតិអប្សរា អំពាវនាវដល់សាធារណជនទាំងអស់បញ្ឈប់ការចែករំលែកព័ត៌មានដែលផ្ទុយពីការពិត និងចូលរួមចែករំលែកព័ត៌មានពិត ដែលមានប្រភពច្បាស់លាស់៕

អត្ថបទ៖ ចាន់រ៉ា