ស្គាល់អត្តសញ្ញាណ បុរសឆ្លងកូវីដនៅកំពង់ចាម មានប្រវត្តិធ្វើដំណើរពីតំបន់កំពុងមានហានិភ័យ

អាជ្ញាធរខេត្តកំពង់ចាម បានឲ្យដឹងថា បុរសឈ្មោះមី ស៊ីថាន អាយុ ២៧ ឆ្នាំ មាន​លំនៅនៅ​ភូមិអូរកណ្តាល ឃុំព្រែកក្របៅ ស្រុក​កងមាស ខេត្តកំពង់ចាម​មានវិជ្ជមានកូវីដ ១៩ បានធ្វើដំណើរជាគ្រូបង្រៀនម៉ាស្សា នៅសណ្ឋាគារ សីង​ជីងថៃ នៅកែងLV ក្រុងព្រះសីហនុ ខេត្តព្រះសីហនុ។

នៅថ្ងៃទី ០៤ ខែមីនា វេលាម៉ោង ១២ ថ្ងៃត្រង់បុរសម្នាក់នេះ បានមកដល់ផ្ទះនៅភូមិអូរកណ្តាល ឃុំព្រែកក្របៅ ស្រុក​កងមាស ខេត្តកំពង់ចាម​ បន្ទាប់ពីទទួលសេចក្តីរាយការណ៍ពីអាជ្ញាធរមូលដ្ឋានពីប្រវត្តិដំណើររបស់បុរសម្នាកនេះ ទើបធ្វើដំណើរមកពីខេត្តព្រះសីហនុ ដែលជាតំបន់កំពុងមានហានិភ័យ លោកអភិបាលខេត្ត បានចាត់ឲ្យមន្ត្រីនាំបុរស ខាងលើមកធ្វើចត្តាឡីស័ក នៅមណ្ឌលចត្តាឡីស័ក ក្រុងកំពង់ចាម។

នៅថ្ងៃទី ៦ មីនា ក្រុមគ្រូពេទ្យបានយកសំណាកទៅពិនិត្យលុះដល់ថ្ងៃទី ៧ ខែមីនា ទទួលលទ្ធផលឃើញថាបុរសរូបនេះ មានវិជ្ជមានកូវីដ១៩ ហើយក៏បញ្ជូនទៅព្យាបាលជំងឺនៅមន្ទីរពេទ្យខេត្តកំពង់ចាម៕

ពិស្តារ៖

អត្ថបទ៖ ឡេង ដេត