កីឡា

សហព័ន្ធកីឡាទោចក្រយាន ប្រទេសកូរ៉េជាដៃគូចូលរួមអភិវឌ្ឍន៍ និងផ្ដល់ឱកាសច្រើនសម្រាប់កីឡាករកម្ពុជា

បានផុស

៤ នាទី មុន

នៅ

ថ្ងៃចន្ទ ១៣ កក្កដា ២០២៦

ដោយ

តំណាងសហព័ន្ធកីឡាទោចក្រយានកម្ពុជា ថាប្រទេសកូរ៉េគឺជាដៃគូយ៉ាងសំខាន់ជំរុញលើការអភិវឌ្ឍន៍សមត្ថភាពគ្រូបង្វឹក កីឡាករ កីឡាការិនី និងតែងតែផ្ដល់ឱកាសដល់ទៅ ៣-៤ដងឯណោះក្នុងមួយឆ្នាំៗលើវគ្គបណ្ដុះបណ្ដាលផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នូ ចំរើន (ស្ដាំ)

លោក នូ ចំរើន អគ្គលេខាធិការសហព័ន្ធខាងលើនេះបានឲ្យដឹងថា ថ្ងៃទី១៣ ខែកក្កដា ឆ្នាំ២០២៦ នេះសហព័ន្ធបានបញ្ជូនកីឡាករកីឡាករ និងគ្រូបង្វឹកចំនួន ២នាក់ដើម្បីចូលរួមវគ្គបណ្ដុះបណ្ដាល Road Training Camp for Junior រយៈពេល ១៥ថ្ងៃ។ វគ្គនេះដែរជាការអញ្ជើញរបស់ World Cycling Center Korea WCC-KOREA ក្រោមគម្រោងជំនួយឧបត្ថម្ភពីសាធារណៈរដ្ឋកូរ៉េ និងការគាំទ្រពីមជ្ឈមណ្ឌលជាតិហ្វឹកហ្វឺនកីឡាទោចក្រយានកូរ៉េ។

កីឡាករ និងគ្រូបង្វឹកចេញទៅកូរ៉េ

តំណាងសហព័ន្ធរូបនេះបន្ថែមទៀតថា ប្រទេសកូរ៉េគឺជាដៃគូជួយជំរុញលើការអភិវឌ្ឍន៍កីឡាទោចក្រយានកម្ពុជាជាខ្លាំងនាពេលកន្លងមក។ ក្នុងមួយឆ្នាំៗកូរ៉េតែងតែផ្ដល់ឱកាសឲ្យសហព័ន្ធទោចក្រយានកម្ពុជាបានចូលរួមវគ្គបណ្ដុះបណ្ដាលទាំងគ្រូបង្វឹក កីឡាករ កីឡាការិនី និងផ្នែកបច្ចេកទេស(ម៉េកានិច)។ វគ្គបណ្ដុះបណ្ដាលគឺមានជាបន្តបន្ទាប់មិនថាផ្នែកកង់ភ្នំ ឬកង់គួកនោះទេ។

ការជួយរបស់ភាគីខាងកូរ៉េនេះគឺពិតជាមានសារសំខាន់ និងរួមចំណែកលើការអភិវឌ្ឍន៍សមត្ថភាពក្រុមកម្ពុជាឲ្យកាន់តែរីកចម្រើនពីមួយកម្រិតទៅមួយកម្រិត។ ក្នុងនាមសហព័ន្ធគឺពិតជាអរគុណចំពោះប្រទេសកូរ៉េដែលបានជួយជ្រោមជ្រែងលើការពង្រឹងសមត្ថភាពក្រុមកម្ពុជារហូតមក។

បញ្ជាក់ដែរថា សហព័ន្ធកីឡាទោចក្រយានកម្ពុជា បានបញ្ជូនកីឡាករ ១រូប និងគ្រូបង្វឹក ១រូបទៅចូលរួមបោះជំរុំហ្វឹកហាត់សម្រាប់ប្រភេទកីឡាកង់កួក ក្នុងកម្មវិធី Road Training Camp for Junior ឆ្នាំ២០២៦ ដែលមានរយ:ពេល ១៥ថ្ងៃ ចាប់ពីថ្ងៃទី១៣ រហូតដល់ថ្ងៃទី២៧ ខែកក្តដា នៅទីក្រុងពុងហ្គី សាធារណរដ្ឋកូរ៉េខាងត្បូង៕