កីឡា

លោក Thomas Tuchel ដឹកនាំអង់គ្លេស ១៤ ប្រកួត មិនចាញ់សោះនៅ World Cup 2026

បានផុស

២ ម៉ោង មុន

នៅ

ថ្ងៃចន្ទ ១៣ កក្កដា ២០២៦

ដោយ

លោក Thomas Tuchel បានបង្កើតស្ថិតិ និងកំណត់ត្រាដ៏ល្អក្នុងការដឹកនាំក្រុមបាល់ទាត់ជម្រើសជាតិអង់គ្លេសក្នុងព្រឹត្តិការណ៍បាល់ទាត់ពិភពលោក World Cup ឆ្នាំ ២០២៦ គិតចាប់តាំងពីវគ្គជម្រុះក្នុងពូល រហូតដល់ជុំចុងក្រោយដែលកំពុងឈានដល់វគ្គពាក់កណ្តាលផ្តាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមថ្ងៃទី១៣ ខែកក្កដា ឆ្នាំ ២០២៦ បុរសសញ្ជាតិអាល្លឺម៉ង់រូបនេះបានដឹកនាំក្រុមតោកំណាចអង់គ្លេសប្រកួតក្នុងព្រឹត្តិការណ៍ World Cup ចំនួន ១៤ ប្រកួត ហើយគឺ ឈ្នះ ១៣ លើក និង ស្មើ ១ លើក ដោយមិនទាន់ចាញ់សោះឡើយ។ នេះជាស្ថិតិដ៏ល្អឥតខ្ចោះរបស់អង់គ្លេស។

កាលវគ្គជម្រុះក្នុងពូលប្រចាំតំបន់អឺរ៉ុប លោកបានដឹកនាំអង់គ្លេស ឲ្យទទួលបានជ័យជម្នះទាំង ៨ ប្រកួត និងស៊ុតចូលដៃគូ ២២ គ្រាប់ ហើយគ្មានក្រុមណាស៊ុតចូលពួកគេឡើយដើម្បីក្លាយជាក្រុមអឺរ៉ុបទី១ បានឆ្លងផុតវគ្គជម្រុះក្នុងពូល បានឡើងទៅជុំចុងក្រោយដោយបង្កើតកំណត់ត្រា ឈ្នះ ១០០ %។

លោក Thomas Tuchel ប្រាប់យុទ្ធសាស្ត្រដល់កីឡាករ

ឈានចូលការប្រកួត World Cup ឆ្នាំ ២០២៦ ជុំចុងក្រោយនៅសហរដ្ឋអាមេរិក គិតចាប់ពីវគ្គសន្សំពិន្ទុក្នុងពូល ដល់ វគ្គ ៨ ក្រុមចុងក្រោយ លោក Thomas Tuchel បានដឹកនាំ អង់គ្លេស ឲ្យទទួលបានជ័យជម្នះ ៥ លើក និងស្មើ ១ លើក ក្នុងនោះស៊ុតចូលដៃគូ ១៦ គ្រាប់ និងត្រូវបានដៃគូស៊ុតចូល ៥។ នៅវគ្គសន្សំក្នុងពូល អង់គ្លេស បានឈ្នះ ក្រូអាត ៤-២, ស្មើ ហ្គាណា ០-០ និងឈ្នះ ប៉ាណាម៉ា ២-០។ នៅវគ្គ ៣២ ក្រុម ពួកគេបានឈ្នះ កុងហ្គោ ២-១ និងបន្តឈ្នះ ម៉ិកស៊ិក ៣-២ នៅវគ្គ ១៦ ក្រុម ហើយបន្តឈ្នះ ន័រវែស ២-១ នៅវគ្គ ៨ក្រុមចុងក្រោយ។ ពេលនេះ អង់គ្លេស បានឡើងវគ្គពាក់កណ្តាលផ្តាច់ព្រ័ត្រ ជួប អាហ្សង់ទីន។