ព័ត៌មានជាតិ

ទិវាអន្តរជាតិ៨មីនា លើកទី១១០ ក្រោមប្រធានបទ « ស្ត្រី និងការអភិវឌ្ឍក្នុងបរិការណ៍កូវីដ-១៩» ធ្វើឡើងតាមប្រព័ន្ធវីដេអូ Zoom

បានផុស

៥ years មុន

នៅ

ថ្ងៃចន្ទ ៨ មីនា ២០២១

ដោយ

ក្រុមការងារស្ត្រីប្រចាំស្ថានទូត បានរៀបចំមិទ្ទិញអបអរសាទរទិវាអន្តរជាតិ៨មីនា លើកទី១១០ ក្រោមប្រធានបទ « ស្ត្រី និងការអភិវឌ្ឍក្នុងបរិការណ៍កូវីដ-១៩» ដោយមានការចូលរួមពីសំណាក់មន្ត្រីការទូត និងភរិយាព្រមទាំងបុគ្គលិក និងសហគមន៍ខ្មែរដែលជានិស្សិត ស្ត្រីរៀបការ និងពលករ-ពលការនី ប្រមាណជា ១០០នាក់ តាមប្រព័ន្ធវីដេអូ Zoom ពីស្ថានទូត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបានស្តាប់សារ ថ្វាយព្រះពរពីសំណាក់សម្តេចមហាក្សត្រី ព្រះវររាជមាតាជាតិខ្មែរ របាយការណ៍លទ្ធផលការងាររបស់ក្រុមការងារស្ត្រី អង្គមិទ្ទិញបានមានចំណាប់អារម្មណ៍ និងបង្ហាញពីការយកចិត្តទុកដាក់របស់រាជរដ្ឋាភិបាល និងក្រសួងការបរទេស ព្រមទាំងក្រសួងកិច្ចការនារី ដែលបានយកចិត្តទុកដាក់ ការពារ និងលើកកម្ពស់សុខុមាលភាព និងតម្លៃស្ត្រីទាំងក្នុងនិងក្រៅប្រទេស ជាពិសេសអរគុណស្ថានទូត និងក្រុមការងារស្ត្រី ដែលតែងតែបាននឹងកំពុងជួយប្រឹក្សាយោបល់ សម្របសម្រួល និងដោះស្រាយបញ្ហា ព្រមទាំងបានខិតខំរកជំនួយមនុស្សធម៌ពីសប្បុរសជនកូរ៉េ ជួយដល់ស្ត្រីដែលប៉ះពាល់ដោយសារកូវីដ-១៩។

ជាមួយគ្នានោះ អង្គមិទ្ទិញបានប្តេជ្ញា បន្តការពារ លើកកម្ពស់- ពង្រឹងសិទ្ធិអំណាច និងការចូលរួមរបស់ស្ត្រី និងក្មេងស្រី ឆ្លើយតបនឹងគោលដៅ មិនទុកអោយនរណាម្នាក់នៅឯកាឡើយ។

ដើម្បីជាចំណងដៃអបអរសាទរទិវានារីនេះ ក្រុមការងារស្ថានទូត:

– ប្រកាសនឹងបើកគម្រោងអប់រំភាសា-វប្បធម៌ និងវិជ្ជាមេផ្ទះដល់ស្ត្រី និងកូនដែលមានកំណើតជាខ្មែរ នៅទីក្រុងសុងណាំ និងប៊ូសាន នាដើមខែមេសា ។

– សម្របសម្រួលបញ្ចុះតម្លៃថ្លៃពិនិត្យ និងព្យាបាល ដល់ពលរដ្ឋខ្មែរទាំងអស់ ទោះមានធានារ៉ាប់រង និងមិនមាន ទោះខុសច្បាប់ឬត្រូវច្បាប់ ប្រមាណ៣០ ទៅ ៤០% នៅគ្រប់សាខាមន្ទីរពេទ្យ( សេអ៊ូល ផូឆុន និងឆុនអាន) ដោយពីមុនផ្តល់ជូនតែនៅទីក្រុងសេអ៊ូលប៉ុណ្ណោះ៕

អត្ថបទ ៖ ស្រីរ័ត្ន

Related Topics:ទិវាសិទ្ធិនារី៨មីនា

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា