ព័ត៌មានជាតិ

សមត្ថកិច្ចឃាត់ខ្លួនជនជាតិចិន៩នាក់គេចចេញពីស្រុកកោះធំចូលខេត្តតាកែវ

បានផុស

៣ years មុន

នៅ

ថ្ងៃអង្គារ ៩ មីនា ២០២១

ដោយ

នៅព្រឹកថ្ងៃទី០៩ ខែមីនា ឆ្នាំ២០២១ កម្លាំងនគរបាលស្រុកព្រៃកប្បាសបានធ្វើការឃាត់ខ្លួនជនជាតិចិន៩នាក់ ដែលរត់គេចចេញពីតំបន់ទីប្រជុំជនជ្រៃធំ ក្នុងស្រុកកោះធំ ខេត្តកណ្ដាល ចូលមកទឹកដីខេត្តតាកែវក្នុងផ្សារព្រៃល្វា។

ការឃាត់ខ្លួនជនជាតិចិនទាំង៩នាក់នេះ គឺធ្វើឡើងបន្ទាប់ពីមានការរាយការពីប្រជាពលរដ្ឋថា ឃើញជនជាតិចិនមួយក្រុមមានស្ពាយការបូបដើរពេញផ្សារព្រៃល្វា ដែលនាំឲ្យប្រជាពលរដ្ឋមានការភ័យខ្លាចពីការឆ្លងរីករាលដាលជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយការឃាត់ខ្លួនជនជាតិចិនទាំង៩នាក់ កម្លាំងសមត្ថកិច្ចស្រុកព្រៃកប្បាសបានជូនដំណឹងដល់មន្ត្រីសុខាភិបាលនិងថ្នាក់ដឹកនាំខេត្ត នឹងបានដឹកជនជាតិចិនទាំងអស់នោះមកដាក់ឲ្យធ្វើចត្តាឡីស័កនៅសាលាគរុកោសល្យភូមិតាកែវ ដែលស្ថិតនៅក្នុងក្រុងដូនកែវ។

គួរំលឹកថា នៅព្រឹក ថ្ងៃទី៩ ខែមីនា នេះ អាជ្ញាធខេត្តកណ្ដាលបានចេញសេចក្ដីជូនដំណឹងស្ដីពីការបិទការស៊ីណូ និងការធ្វើសំណើរចេញចូលតំបន់ទីប្រជុំជនកោះធំ ដោយសារតែរកឃើញជនបរទេសចំនួន៥នាក់បានឆ្លងជំងឺកូវីដ១៩៕

អត្ថបទ ៖ សុខុម