ព័ត៌មានជាតិ
ក្រសួងការពារជាតិ៖ ជនស៊ីវិល និងជនបរទេស គ្មានសិទ្ធិប្រើប្រាស់ផ្លាកលេខ «ខ.ម»ឡើយ
តាមសេចក្ដីជូនដំណឹងចុះថ្ងៃទី២៨ ខែកុម្ភៈ ក្រសួងការពារជាតិបានបញ្ជាក់ថា រាល់ជនស៊ីវិល និងជនបរទេសទាំងអស់ គឺគ្មានសិទ្ធិក្នុងការប្រើប្រាស់ផ្លាកលេខ «ខ.ម» ឡើយ។ ក្រសួងការពារជាតិចេញមកបញ្ជាក់បែបនេះ ក្រោយពេលកម្ពុជាបានកើតមាន បញ្ហាគ្រោះថ្នាក់ចរាចរណ៍ ហើយបុគ្គលអ្នកប្រើប្រាស់រថយន្តពាក់ផ្លាកលេខ «ខ.ម» មួយចំនួនមានភាពក្រអឺតក្រទម អត្តចរិតមិនសមជាមន្ត្រីយោធា និងមានករណីជនបរទេសបើកបររថយន្តដែលពាក់ផ្លាកលេខ «ខ.ម» បង្កគ្រោះថ្នាក់ចរាចរណ៍។
តាមអនុក្រឹត្យ លេខ៧៧ អនក្រ.បក ចុះថ្ងៃទី២៨ ខែវិច្ឆិកា ឆ្នាំ២០០៨ បុគ្គលដែលអាចប្រើប្រាស់យានយន្តពាក់ផ្លាក លេខចរាចរខេមរភូមិន្ទបាន លុះត្រាតែបុគ្គលនោះជានាយទាហានដែលមានសិទ្ធិពេញលេញ។ ក្រសួងការពារជាតិបានបន្ថែមថា រាល់ការប្រើប្រាស់យានយន្តពាក់ផ្លាកលេខចរាចរខេមរភូមិន្ទ ត្រូវស្របតាមការកំណត់របស់ក្រសួងការពារជាតិ ចំពោះក្រុមហ៊ុនសហការវិនិយោគវិស័យការពារជាតិនានាក៏ត្រូវបានអនុវត្តដូចគ្នា ។
ក្រសួងការពាជាតិបានព្រមានថា ក្នុងករណីដែលអនុវត្តការប្រើប្រាស់ណាមួយខុសពីច្បាប់កំណត់ អគ្គនាយកដ្ឋានសម្ភារៈបច្ចេកទេស ក្រសួងការពារជាតិ នឹងចាត់វិធានការច្បាប់ជាធរមាន។
ជាការកត់សម្គាល់ជារឿយៗ គេសង្កេតឃើញថាមានជនបរទេសដែលប្រើប្រាស់រថយន្តពាក់ផ្លាកលេខ «ខ.ម» តែងតែបង្កគ្រោះថ្នាក់ចរាចរណ៍នៅលើទឹកដីកម្ពុជា ជាក់ស្ដែងគឺកាលពីរសៀលថ្ងៃទី២៤ ខែកុម្ភៈ ឆ្នាំ២០២៤ នៅលើផ្លូវជាតិលេខ២១ ស្ថិតនៅក្នុងភូមិព្រែកឡុង សង្កាត់រកាខ្ពស់ ក្រុងតាខ្មៅ គឺមានករណីជនជាតិវៀតណាមបើករថយន្តពាក់ផ្លាកលេខ«ខ.ម» បានបើកទៅបុករ៉ឺម៉កម៉ូតូ ដឹកកម្មករ ផាស់អាប់ និងម៉ូតូ ដែលបណ្តាលឲ្យមនុស្សចំនួន៣១នាក់រងរបួសធ្ងន់ស្រាល និងកាលពីថ្ងៃទី ២២ ខែកុម្ភៈ ឆ្នាំ ២០២៤ ក៏មាននូវករណីដូចគ្នានេះ បង្កឡើងដោយបុរសជនជាតិចិនបើករថយន្ត ឡិចស៊ីសពណ៌ខ្មៅ ពាក់ស្លាកលេខខេមរភូមិន្ទ 2-4572 បានបើកគេចពីនគរបាលចរាចរណ៍ក្នុងក្រុងព្រះសីហនុ ខេត្តព្រះសីហនុ៕
ដោយ៖ ង៉ិល ណារ៉ាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ