ព័ត៌មានជាតិ
ខេត្តមណ្ឌលគិរី ដាក់គោលដៅទាក់ទាញទេសចរអ្នកមាន និងប្រែក្លាយជាខេត្តអេកូទេសចរណ៍លំដាប់ពិភពលោក
បើតាមលោក ងិន សុវិមាន អភិបាលរងខេត្តមណ្ឌលគិរីបានគូសបញ្ជាក់ថា អាជ្ញាធរខេត្តមណ្ឌលគិរីបានដាក់គោលដៅប្រែក្លាយខេត្តមណ្ឌលគិរីឱ្យក្លាយទៅជាខេត្តអេកូទេសចរណ៍លំដាប់ថ្នាក់ពិភពលោកនាពេលខាងមុខ។
លោក ងិន សុវិមាន អភិបាលរងខេត្តមណ្ឌលគិរី
លើកឡើងក្នុងជំនួបជាមួយអ្នកសារព័ត៌មាន នៅក្នុងដំណើរទស្សនកិច្ចទៅកាន់ទិសឦសាន ដែលរៀបចំឡើងដោយក្រសួងបរិស្ថានសហការជាមួយអង្គការសមាគមអភិរក្សសត្វព្រៃកម្ពុជា (WCS) លោក ងិន សុវិមាន បានគូសបញ្ជាក់ថា តាមរយៈធនធានធម្មជាតិដែលមាននៅក្នុងខេត្តមណ្ឌលគិរី គឺពិតជាមានសារសំខាន់ណាស់ ជាពិសេសនៅក្នុងការអភិវឌ្ឍន៍ប្រែក្លាយជាខេត្តអេកូទេសចរណ៍លំដាប់ពិភពលោក ដើម្បីអាចឆ្លើយតបទៅនិងផែនការមេក្នុងការអភិវឌ្ឍន៍វិស័យទេសចរណ៍របស់រាជរដ្ឋាភិបាល។
តាមរយៈ «ផែនការមេអភិវឌ្ឍន៍វិស័យទេសចរណ៍ឆ្នាំ២០២៤-២០៣៥» បានចង្អុលបង្ហាញពីគោលបំណង ក្នុងការប្រែក្លាយខេត្តភាគឦសានមួយនេះ ជាខេត្តអូកូទេសចរណ៍លំដាប់ថ្នាក់ពិភពលោក ដូច្នេះដើម្បីឱ្យសម្រេចទៅតាមផែនការ ក្នុងនាមលោកជាថ្នាក់ដឹកនាំខេត្តមួយរូប បានជួបពិភាក្សាជាមួយសហគមន៍តំបន់អេកូទេសចរណ៍មួយចំនួន ដើម្បីជំរុញផែនការទាក់ទាញភ្ញៀវទេសចរលំដាប់ពិភពលោកឱ្យមកទស្សនាខេត្តនៅខេត្តនៅភូមិភាគឦសាន»។ នេះបើតាមលោក ងិន សុវិមាន មុនលោកសង្កត់ឆ្ងន់បន្ថែមយ៉ាងដូច្នេះថា «ចំណុចនេះហើយ ដែលជាការឆ្លើយតបជាមួយផែនការមេ ក្នុងការអភិវឌ្ឍន៍វិស័យទេសចរណ៍ ឱ្យក្លាយទៅជាខេត្តអេកូទេសចរណ៍លំដាប់ពិភពលោក និងទាក់ទាញភ្ញៀវទេសចរជាពិសេសទេសចរអ្នកមាន ឱ្យមកលេងកម្សាន្តខេត្តមួយនេះកាន់តែច្រើនកុះករបន្ថែមទៀត»។
ខេត្តមណ្ឌលគិរីជាខេត្តមួយដែលសម្បូរទៅដោយទីតាំងទេសចរណ៍ជាច្រើនកន្លែង ទាំងទេសចរណ៍វប្បធម៌ ទេសចរណ៍ធម្មជាតិ ទេសចរណ៍កែច្នៃ ក៏ដូចជាដែនជម្រកសត្វព្រៃ មួយចំនួនបន្ថែមទៀត ដែលរួមចំណែកទាក់ទាញភ្ញៀវទេសចរជាតិ និងអន្តរជាតិ ទៅលេងកម្សាន្តឥតដាច់៕
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ