ព័ត៌មានជាតិ

រដ្ឋបាលខណ្ឌដូនពេញ ដឹកនាំកម្លាំងរៀបចំសណ្ដាប់ធ្នាប់ និងអនាម័យ ត្រៀមអបអរសាទរពិធីបុណ្យអុំទូក

បានផុស

២ years មុន

នៅ

ថ្ងៃព្រហស្បតិ៍ ៣១ តុលា ២០២៤

ដោយ

កាលពីព្រឹកថ្ងៃទី ៣០ ខែតុលា ឆ្នាំ ២០២៤ អាជ្ញាធរខណ្ឌដូនពេញ បានចុះរៀបចំសណ្ដាប់ធ្នាប់ អនាម័យ បរិស្ថាន និងបាញ់ទឹកលាងសម្អាត តាមបណ្ដោយសួនច្បារ និងច្រាំងមាត់ទន្លេ ដើម្បីត្រៀមចូលរួមអបអរសាទរក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលខិតជិតមកដល់នាពេលខាងមុខនេះ ដោយធានាឱ្យបាននូវសោភ័ណភាព អនាម័យ បរិស្ថាន ស្រស់ស្អាត និងមានភាពល្អប្រសើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា ខេមា អភិបាលខណ្ឌដូនពេញ បានប្រាប់ឱ្យដឹងថា ដោយមានការយកចិត្តទុកដាក់ពាក់ព័ន្ធនឹងការងារសណ្ដាប់ធ្នាប់ របៀបរៀបរយសាធារណៈ និងអនាម័យបរិស្ថានជាប់ជាប្រចាំ ជាពិសេសខណៈព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលខិតជិតមកដល់នាពេលខាងមុខនេះ លោកក៏បានដឹកនាំកម្លាំងសណ្ដាប់ធ្នាប់ខណ្ឌ ធ្វើការបាញ់លាងសម្អាត អនាម័យ បរិស្ថាន នៅតាមច្រាំងមាត់ទន្លេ ដើម្បីកុំឱ្យមានក្លិនឆ្អេះឆ្អាប ប៉ះពាល់ដល់ប្រជាពលរដ្ឋមកកម្សាន្ត និងហាត់ប្រាណតាមបណ្ដោយមាត់ទន្លេ និងធានាឱ្យបាននូវសោភ័ណភាពស្រស់ស្អាត។

ជាចុងក្រោយ លោកអភិបាល សំណូមពរដល់ក្រុមអ្នកលក់ដូរតាមសួនច្បារមាត់ទន្លេ សូមចូលរួមថែរក្សាអនាម័យ ដើម្បីសោភ័ណ សួនច្បារ ជាពិសេសភ្ញៀវជាតិ និងអន្តរជាតិ មកកម្សាន្តផង និងថែរក្សាអនាម័យ បរិស្ថាន ឱ្យបានល្អប្រសើរ ដើម្បីសោភណភាពទីក្រុងស្អាតទាំងអស់គ្នា៕

អត្ថបទ ៖ សំណាង