ព័ត៌មានជាតិ

ដំណាំខ្ទឹមបារាំងនិងបន្លែបៃតង នៅក្នុងភូមិពង្រកងវ៉ា ក្រុងសិរីសោភ័ណ កំពុងធ្លាក់ថ្លៃខ្លាំងនិងគ្មានអ្នកទិញ

បានផុស

៥ years មុន

នៅ

ថ្ងៃសៅរ៍ ១៣ មីនា ២០២១

ដោយ

អ្នកដាំខ្ទឹមបារាំង និងបន្លែបៃតង នៅក្នុងភូមិពង្រកង វ៉ា ក្នុងក្រុង សិរីសោភ័ណ ខេត្តបន្ទាយមានជ័យយំលែងចេញព្រោះគ្មានអ្នកទិញបើឈ្មួញទិញវិញឲ្យតម្លៃថោកស្ទើរមិនចង់រួចខ្លួន។

អ្នកដាំខ្ទឹមបារាំង និងបន្លែបៃតង នៅក្នុងភូមិពង្រកង វ៉ា បានប្រាប់ឲ្យដឹងនៅរសៀលថ្ងៃទី១២ ខែមីនា ឆ្នាំ២០២១ ថា ខ្ទឹមបារាំង ស និង ក្រហម ក្រោយពីដាំបានហើយតម្លៃចុះថោកយ៉ាងគំហុកក្នុងតម្លៃលក់ដុំ១គីឡូតម្លៃ ២.០០០ រៀលទៅ២.៥០០ រៀលស្ទើរតែមិនរួចខ្លួនផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ លោក ហ៊ឹល រ៉ាយ៉ា អភិបាលក្រុង សិរីសោភ័ណ រួមដំណើរ ដោយលោក យ៉ាន់ សុវណ្ណ មេបញ្ជាការ មូលដ្ឋាន អាវុធហត្ថ ក្រុងលោក ស៊ី ឌី អធិការនគរបាលក្រុងសិរីសោភ័ណ បានចុះត្រួតពិនិត្យវាយតម្លៃបញ្ហានេះនៅចម្ការខ្ទឹមបារាំង ស និង ក្រហម និង លំនៅដ្ឋានរបស់កសិករ ក្នុងសហគមន៍ បន្លែ បៃតង ពង្រ – កង វ៉ាដោយផ្ទាល់បានប្រាប់ឲ្យដឹងថាលោក កំពុងសម្របសម្រួលរក ទីផ្សារ និងជម្រុញអ្នកដាំខ្ទឹមបារាំងនោះក្នុងតម្លៃលក់ដុំពី២.០០០ ទៅ២.៥០០ រៀលក្នុង១គីឡូ។លោក ប៉ាង វណ្ណា សេដ្ឋ ប្រធានមន្ទីរកសិកម្មរុក្ខាប្រមាញ់ និងនេសាទខេត្តបន្ទាយមានជ័យ បាន ប្រាប់ឲ្យដឹងថា បញ្ហាអ្នកដាំខ្ទឹមបារាំងរបស់កសិករនៅសហគមន៍បន្លៃបៃតងពង្រ កង វ៉ា អត់ទីផ្សារ នោះ ជំនាញបាន ច ចារជាមួយឈ្មួញ និងក្រុមហ៊ុនទាក់ទងឲ្យទិញបណ្តើរៗហើយ។ ចំណែក លោក ដុំ វណ្ណឌី អនុប្រធានមន្ទីរពាណិជ្ជកម្មខេត្ត និងក្រុមការងារបាននិយាយថាបញ្ហាខ្ទឹមបារាំង ខាងលើអត់ទីផ្សារលោក និងក្រុមការងារបានចុះទៅពិនិត្យ និងស្រង់ទិន្នន័យបន្លែខ្ទឹមបារាំង ស ក្រហម របស់សហគមន៍បន្លែបៃតង ពង្រ កង វ៉ា មានកសិករចំនួន២០គ្រួសារដែលដាំខ្ទឹមបារាំង លើ ផ្ទៃដីជាង ៧,៥ ហិច តាដែលជាបន្លែប្រណិតហើយពលរដ្ឋខ្មែរដាំបានក្នុង១រដូវខ្លឹមបារាំងនៅ សហគមន៍ នេះអាចដាំបានចំនួន១៤៧ តោនក្រោយពីដាំបានហើយគ្មានឈ្មួញមកទិញប៉ុន្តែឥឡូវនេះ អ្នកពាក់ព័ន្ធកំពុងតែរកទីផ្សារហើយ។

លោក ដុំ វណ្ណឌី បាន ពិនិត្យវាយតម្លៃផលប៉ះពាល់ខ្លាំងពីបញ្ហាទីផ្សារនោះ ហេតុនេះមន្ទីរពាណិជ្ជកម្មលោកធ្វើការអំពាវនាវដល់ប្រជាពលរដ្ឋថា បើបងប្អូនអាជីវករណាចង់លក់ដុំ និងលក់រាយ មាន ចំណាប់អារម្មណ៍លើកយក មើម ខ្ទឹមបារាំង ទាំងនេះ ទៅលក់បន្តសូមទំនាក់ទំនង តំណាងកសិករ តាមរយៈលេខទូរស័ព្ទ លោក សួន សោម អនុប្រធាន សហគមន៍បន្លែបៃតង ពង្រ កង វ៉ា .លេខ ទូរស័ព្ទ ០៨៨.២៣១៧៩៣/០៧៧.៤៤០០៦២និងលោក ហ៊ុលសា វេត ប្រធាន ០៧៧.៧០៦៤៧៧៕

អត្ថបទ ៖ វ៉ាន់ ណាង