អាជ្ញាធរខណ្ឌកំបូលឈូសឆាយផ្លូវមួយខ្សែនៅសង្កាត់កន្ទោក ឱ្យពលរដ្ឋងាយស្រួលធ្វើដំណើរ

អាជ្ញាធរខណ្ឌកំបូលបាលដាក់គ្រឿងចក្រឈូសឆាយកៀរ​ និងកិនបង្ហាប់ផ្លូវមួយខ្សែដែលរងការខូចខាតដេីម្បីឱ្យប្រជាពលរដ្ឋងាយស្រួលធ្វេីដំណេីរ។

​ផ្លូវមួយខ្សែជាប់នឹងរបងតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ ចាប់ពីភូមិស្ងួនពេជ្រ​ រហូតដល់ភូមិត្រពាំងឈូក ស្ថិតក្នុងភូមិស្ងួនពេជ្រ និងភូមិត្រពាំងឈូក សង្កាត់កន្ទោក ខណ្ឌកំបូល រាជធានីភ្នំពេញ​ បានរងការខូចខាតជង្ហុក​ សំបុកមាន់ពិបាកដល់ប្រជាពលរដ្ឋធ្វេីដំណេីរក៏ដូចជាប្រកបរបរផ្សេងៗ​។ ហេតុនេះ ទេីបនៅថ្ងៃសៅរ៍ ទី២៣ ខែវិច្ឆិកា ឆ្នាំ២០២៤ លោក ទ្រី ណារ៉េត អភិបាលរង នៃគណ:អភិបាលខណ្ឌកំបូល បានដឹកនាំមន្រ្តីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណ: និងអាជ្ញាធរសង្កាត់-ភូមិ បានធ្វើការឈូសឆាយកៀរសម្រួល និងកិនបង្ហាប់ផ្លូវដែលរងការខូចខាតដោយទឹកភ្លៀងនារដូវវស្សា ដើម្បីងាយស្រួលដល់ប្រជាពលរដ្ឋក្នុងការធ្វើដំណើរ ។

អាជ្ញាធរបានឱ្យដឹងថា​ ផ្លូវខាងលេីនេះរងការខូចខាតដោយសារជំនន់ទឹកភ្លៀងនារដូវវស្សា​ ដោយសារតែពិបាកក្នុងការធ្វេីដំណេីររបស់ប្រជាលរដ្ឋ ទេីបអាជ្ញាធរដាក់គ្រឿងចក្រឈូសឆាយកៀរ​ កិនបង្ហាប់នឹងដាក់ឱ្យបងប្អូនធ្វេីដំណេីរមួយគ្រាសិន​ ៕

ដោយ៖សុខា