ព័ត៌មានជាតិ
១៥ ខែ នៃអាណត្តិទី ៧ គម្រោងអភិវឌ្ឍន៍ថ្នាក់ជាតិជាច្រើន បានដាក់ពង្រាយតាមថ្នាក់រដ្ឋបាលមូលដ្ឋាន
រយៈពេលជាង ១ ឆ្នាំ នៃរាជរដ្ឋាភិបាលអាណត្តិទី ៧ នេះ ដែលដឹកនាំដោយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី មានគម្រោងអភិវឌ្ឍន៍ថ្នាក់ជាតិជាច្រើន ត្រូវបានដាក់ពង្រាយទៅតាមថ្នាក់រដ្ឋបាលមូលដ្ឋាន ក្នុងរាជធានីភ្នំពេញ ដើម្បីបំពេញ និងសម្រួលដល់ការធ្វើដំណើរ ក៏ដូចជាការរស់នៅប្រចាំថ្ងៃរបស់ប្រជាពលរដ្ឋ។
គម្រោងអភិវឌ្ឍន៍ថ្នាក់ជាតិ មានជាផ្លូវបេតុង និងប្រព័ន្ធលូមេមានមុខកាត់ធំៗ ជាច្រើន បានសម្រេចលទ្ធផលមួយចំនួនហើយ និងមួយចំនួនទៀត ក៏កំពុងដំណើរការផ្លាស់ប្ដូរ និងស្ថាបនាជាថ្មីឡើងវិញ នៅតាមតំបន់កំពុងមានការលំបាក ពិសេសតំបន់ងាយរងគ្រោះមួយចំនួន ដែលត្រូវបានគិតជាតំបន់អាទិភាពក្នុងការអភិវឌ្ឍ។
លោក អ៊ុម ហ៊ុយឈុនហេង ចៅសង្កាត់បឹងទំពន់ទី ២ ជាសង្កាត់មួយ នៃខណ្ឌមានជ័យ បានប្រាប់ឱ្យដឹងថា គម្រោងអភិវឌ្ឍន៍ថ្នាក់ជាតិ ចំនួន ៥ គម្រោង បានសម្រេចផលចំនួន ៣ ហើយ ដោយបានផ្តល់នូវអត្ថប្រយោជន៍ជាច្រើនសម្រាប់ការធ្វើដំណើររបស់ប្រជាអ្នកដំណើរ និងជួយកាត់បន្ថយខ្ពស់ពីការជន់លិចនៅរៀងរាល់រដូវភ្ញៀវធ្លាក់ ខណៈ ២ គម្រោង ទៀត ដែលនៅសេសសល់ ក៏កំពុងដំណើរការ។
ប្រជាពលរដ្ឋនៅមូលដ្ឋានសង្កាត់បឹងទំពន់ទី ២ ក៏បានសម្តែងក្តីរីករាយចំពោះគម្រោងអភិវឌ្ឍន៍របស់រាជរដ្ឋាភិបាល ពួកគាត់លើកឡើងថា ត្បិតពេលកំពុងដំណើរការស្ថាបនាមានផលប៉ះពាល់បន្តិចមែនដល់ការធ្វើដំណើរ និងការរស់នៅ ប៉ុន្តែនៅពេលចេញជាលទ្ធផល ១០០ ភាគរយ ហើយនោះ វានឹងបង្កភាពងាយស្រួលបំផុតដល់ការរស់នៅ ក៏ដូចជាការប្រកបរបររកស៊ីទទួលទានជាដើមរបស់ពួកគាត់។
គួរបញ្ជាក់ថា រាជរដ្ឋាភិបាលអាណត្តិទី ៧ បានដាក់ចេញនូវគោលបំណងប្រកបដោយការប្ដេជ្ញាចិត្តខ្ពស់សំដៅក្នុងការឈានបញ្ចប់បញ្ហាទឹកជន់លិចរាជធានីភ្នំពេញក្នុងរយៈពេល ៥ ឆ្នាំ ខាងមុខ។
រាជរដ្ឋាភិបាល តាមរយៈរដ្ឋបាលរាជធានីភ្នំពេញ បានរៀបចំគម្រោងចំនួន ៥០ គម្រោង សម្រាប់រយៈពេល ៥ ឆ្នាំ ហើយបច្ចុប្បន្នគម្រោងមួយចំនួនធំហើយ បាននិងកំពុងអនុវត្ត ក្នុងតំបន់ដែលងាយរងគ្រោះដោយការលិចលង់ជាងគេ រួមមាន តំបន់ជុំវិញស្ថានីយបូមទឹកលូប្រាំ, តំបន់ជុំវិញស្ថានីយបូមទឹកបឹងទំពន់ និងតំបន់ជុំវិញស្ថានីយបូមទឹកបឹងត្របែក ជាដើម៕
អត្ថបទ ៖ សុភា
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%