ព័ត៌មានជាតិ

ជនសង្ស័យ២នាក់ លួចម៉ូតូរត់ទៅជាប់អន្ទាក់ នៅខេត្តមណ្ឌលគិរី

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

កម្លាំងអធិការដ្ឋាននគរបាលក្រុងបានលុង បានសហការជាមួយ កម្លាំងអធិការដ្ឋាននគរបាលក្រុងសែនមនោរម្យ បានធ្វើការឃាត់ខ្លួនជនសង្ស័យ២នាក់ ពាក់ព័ន្ធករណីចោរកម្ម(លួចម៉ូតូប្រជាពលរដ្ឋ) នៅវេលាម៉ោង ១៤និង៤៤នាទី កាលពីថ្ងៃទី១២ ខែមីនា ឆ្នាំ២០២១ ត្រង់ចំណុច ភោជនីយដ្ឋានម្លិះ៧៧ ស្ថិតនៅក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ដោយមានការសម្របសម្រួលនីតិវិធីពីលោក លាង អ៊ូ ព្រះរាជអាជ្ញារងអមសាលាដំបូងខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលបានឲ្យដឹងថា ឃាត់ខ្លួនជនសង្ស័យចំនួន២នាក់ ទី១-ឈ្មោះ សឹង ល័ក្ខ ភេទប្រុស អាយុ២២ឆ្នាំ ជនជាតិខ្មែរ មានទីលំនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី មុខរបរកម្មករសំណង់ និងទី២-ឈ្មោះ ម៊ាច សុខហេង ភេទប្រុស អាយុ១៨ឆ្នាំ ជន ជាតិខ្មែរ មានទីនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី មុខរបរកម្មករ សំណង់។ ក្រោយការឃាត់ខ្លួនសមត្ថកិច្ចបានដកហូតសម្ភារៈរួមមាន ម៉ូតូចំនួន១គ្រឿង ម៉ាក ហុងដាឌ្រីម ពណ៌ខ្មៅ ស៊េរីឆ្នាំ២០១៦ ឡើង តែម២០១៩ គ្មាន ស្លាកលេខ។

បច្ចុប្បន្នជនសង្ស័យរួមនិង វត្ថុតាងកំពុងឃាត់ខ្លួនយកមករក្សាទុកបណ្តោះអាសន្ននៅអធិការដ្ឋាននគរបាលក្រុងបានលុង ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់វិធានការទៅតាមផ្លូវច្បាប់៕

អត្ថបទ៖ វុទ្ធឦសាន

សូមចុចអាន៖ បង្កប់ថ្នាំញៀនចូលមណ្ឌលចត្តាឡីស័កត្រូវសមត្ថកិច្ចឃាត់ខ្លួន

Related Topics:ឃាត់ខ្លួន ខេត្តរតនគិរី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា