ព័ត៌មានជាតិ

រដ្ឋបាលខណ្ឌឫស្សីកែវ ឈូសឆាយសំអាត និងរៀបចំសណ្ដាប់ធ្នាប់អនាម័យ លើកំណាត់ផ្លូវបេតុងថ្មី

បានផុស

៣ ខែ មុន

នៅ

ថ្ងៃពុធ ១៨ ធ្នូ ២០២៤

ដោយ

កម្លាំងសណ្ដាប់ធ្នាប់រដ្ឋបាលខណ្ឌឫស្សីកែវ ចុះឈូសឆាយសំអាត និងរៀបចំសណ្ដាប់ធ្នាប់អនាម័យ លើកំណាត់ផ្លូវបេតុងថ្មី(អតីតផ្លូវរថភ្លើង) និងណែនាំចូលរួមសហការជាមួយកម្លាំងអាជ្ញាធរមូលដ្ឋាន ថែរក្សាអនាម័យ របៀបរៀបរយសណ្ដាប់ធ្នាប់តាមបណ្ដោយផ្លូវនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នុត វី ប្រធានសណ្ដាប់ធ្នាប់រដ្ឋបាលខណ្ឌឫស្សីកែវ បានប្រាប់ឱ្យដឹងថា ដោយអនុវត្តតាមបទបញ្ជារបស់ លោក ជិន ប៊ុនធឿន អភិបាលខណ្ឌឫស្សីកែវ កាលពីល្ងាចថ្ងៃទី ១៧ ខែធ្នូ ឆ្នាំ ២០២៤ កម្លាំងសណ្ដាប់ធ្នាប់រដ្ឋបាលខណ្ឌ បានចុះឈូសឆាយសំអាត និងរៀបចំសណ្ដាប់ធ្នាប់អនាម័យ លើកំណាត់ផ្លូវបេតុងថ្មី(អតីតផ្លូវរថភ្លើង) ដែលទើបស្ថាបនាជាផ្លូវបេតុងរួចរាល់ថ្មីនេះដែលដើមឡើយគឺជាតំបន់សំណង់មិនរៀបរយ ហើយក៏ជាភូមិសាស្ត្រមួយស្មុគស្មាញថែមទៀតផង។

អាជ្ញាធរមូលដ្ឋាន ក៏បានសំណូមពរដល់ប្រជាពលរដ្ឋដែលមានទីលំនៅតាមបណ្ដោយកំណាត់ផ្លូវបេតុងថ្មីនេះ ចូលរួមសហការជាមួយកម្លាំងអាជ្ញាធរមូលដ្ឋាន ថែរក្សាអនាម័យ របៀបរៀបរយសណ្ដាប់ធ្នាប់តាមបណ្ដោយផ្លូវនេះឱ្យបានល្អស្អាត កែប្រែពីតំបន់មិនមានរបៀបរៀបរយស្អាត ទៅជាតំបន់មានផ្លូវបេតុងស្អាត របៀបរៀបរយរស់នៅរបស់ប្រជាពលរដ្ឋបានត្រឹមត្រូវ ជាពិសេសដើម្បីចូលរួមធ្វើយ៉ាងណាឱ្យមូលដ្ឋានខណ្ឌស្អាតទាំងអស់គ្នា៕

អត្ថបទ ៖ សំណាង