ព័ត៌មានជាតិ

ផ្ទុះជំងឺកូវីដ១៩ធ្ងន់ធ្ងរ អាជ្ញាធរខេត្តកណ្តាសម្រេចបិទភូមិចំនួន៣ទៀតនៅស្រុកកោះធំ

បានផុស

៥ years មុន

នៅ

ថ្ងៃពុធ ១៧ មីនា ២០២១

ដោយ

អាជ្ញាធរខេត្តកណ្តាលបានសម្រេចបិទភូមិចំនួន៣ទៀតនៅក្នុងឃុំសំពៅពូន ស្រុកកោះធំដើម្បីទប់ស្កាត់ការឆ្លងរីករាលដាលជំងឺកូវីដ១៩ចូលសហគមន៍ទ្រង់ទ្រាយធំ។

ការប្រកាសបិទភូមិទាំង៣ខាងលើនេះបានធ្វើឡើងបន្ទាប់ពីក្រសួងសុខាភិបាលបានកាសនៅថ្ងៃទី១៧មីនានេះថា នៅភូមិព្រែកសឹង្គឃុំសំពៅពូន មានអ្នកឆ្លងកូវីដ១៩ចំនួន២០នាក់ក្នុងចំណោមអ្នកឆ្លងថ្មី២២នាក់នៅខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានឲ្យដឹងនៅល្ងាចថ្ងៃនេះថាភូមិចំនួន៣នៅក្នុងឃុំសំពៅពូន ស្រុកកោះធំដែលអាជ្ញាធរខេត្តសម្រេចបិទនោះរួមមានភូមិព្រែកសឹង្គ

ភូមិព្រែកជ្រៃនិងភូមិព្រែកស្បូវ។

លោកបានបន្តថា «កន្លងមករដ្ឋាបាលខេត្តបានបិទសណ្ឋាគារ និងកាស៊ីណូទាំង៦និងការចេញចូលនៅក្នុងភូមិព្រែកជ្រៃឥឡូវនេះយើងពង្រីកវិសាលភាពរហូតដល់ភូមិព្រែកសឹង្គនិងភូមិព្រែកស្បូវដែលកាស៊ីណូទាំង៦ហ្នឹងនៅក្នុងភូមិទាំងអស់នៃឃុំសំពៅពូនដើម្បីធានាថា ករណីណាមិនមានភាពប្រក្រតីនៃការចេញចូលរបស់ប្រជាពលរដ្ឋយើងត្រូវទប់ស្កាត់គាត់មិនឲ្យចេញចូលនៅក្នុងភូមិទាំងអស់ហ្នឹង»។

លោក គង់ សោភ័ណ្ឌអភិបាលខេត្តកណ្តាលធ្លាប់បានមានប្រសាសន៍ថា បើទោះជាមានការកើនឡើងនៃអ្នកផ្ទុកមេរោគកូវីត-១៩ នៅស្រុកកោះធំ តែអាជ្ញាធរខេត្ត និងស្រុក បានធ្វើការគ្រប់គ្រងសភាពការណ៍បានយ៉ាងល្អប្រសើរ ព្រោះថាអ្នកដែលរកឃើញវិជ្ជមានមេរោគកូវីដ-១៩ គឺជាអ្នកដែលកំពុងធ្វើចត្តាឡីស័កនៅក្នុងកាស៊ីណូ និងមិនបានមានប្រាស្រ័យទាក់ទងជាមួយអ្នកខាងក្រៅឡើយ។

គួរបញ្ជាក់ថា គិតត្រឹមថ្ងៃទី១៦ ខែមីនាឆ្នាំ២០២១នេះខេត្តកណ្ដាលមានអ្នកពាក់ព័ន្ធនឹងព្រឹត្តិការណ៍សហគមន៍២០កុម្ភៈសរុបចំនួន ១៤ ៣១៩នាក់យកសំណាកបាន១៣៧៤៩នាក់ ក្នុងនោះមានករណីវិជ្ជមានចំនួន ១៧៤នាក់និងករណីជាសះស្បើយចំនួន ៣នាក់៕

ដោយ ៖ សំអឿន