ព័ត៌មានជាតិ

រកឃើញអ្នកឆ្លងកូវីដ២នាក់ទៀតនៅឫស្សីកែវទាំងយប់ មានម្នាក់ជាក្មេងអាយុ៦ឆ្នាំ

បានផុស

៥ years មុន

នៅ

ថ្ងៃសុក្រ ១៩ មីនា ២០២១

ដោយ

ភ្នំពេញ ៖ នៅក្នុងមូលដ្ឋានខណ្ឌឫស្សីកែវ បានរកឃើញអ្នកមានវិជ្ជមាននឹងមេរោគកូវីដ១៩ ចំនួន០២នាក់ រួមមាន ទី១អ្នកជំងឺ កុមារា អាយុ ៦ ឆ្នាំ ដែលមានទីតាំងនៅផ្ទះជួល ផ្លូវបេតុង ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ (ឆ្លងពីម្ដាយ អាយុ ៣១ ឆ្នាំ) ក្នុងនោះមានអ្នកពាក់ព័ន្ធចំនួន ០៤ នាក់ (ស្រី០១នាក់) ត្រូវបានបន្តឲ្យធ្វើចត្តាឡីស័កក្នុងទីតាំងខាងលើដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែក ទី២/ អ្នកជំងឺ ស្ត្រី អាយុ ៥៦ ឆ្នាំ (ធ្លាប់ទៅមន្ទីរពេទ្យនៅអ្នកលឿង កាលពីថ្ងៃទី២៨ ខែកុម្ភៈ ឆ្នាំ២០២១) ដែលមានទីតាំងនៅ ផ្ទះជួល ផ្លូវ១០៣R ក្រុមទី៧ ភូមិបាក់ទូក សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ ក្នុងនោះមានអ្នកពាក់ព័ន្ធចំនួន ០២ នាក់ (ស្រី ០១ នាក់) ត្រូវបានឲ្យធ្វើចត្តាឡីស័កនៅក្នុងទីតាំងនេះ។

ជាចុងក្រោយ អាជ្ញាធរ បាននឹងកំពុងបិទទីតាំងខាងលើនេះជាបណ្ដោះអាសន្ន៕

ដោយ ៖ ប្រាក់ ដារ៉ាវុទ្ធ