មន្ទីរអប់រំខេត្តរតនគិរី ធ្វើសិក្ខាសាលាពង្រឹងសមត្ថភាពថ្នាក់ដឹកនាំ និងមន្រ្តីនៅតាមការិយាល័យអប់រំ

នៅថ្ងៃទី១៨ ខែកុម្ភៈ ឆ្នាំ២០២៥ មន្ទីរអប់រំខេត្តរតនគិរី រៀបចំសិក្ខាសាលានីតិវិធីហិរញ្ញវត្ថុសម្រាប់ការផ្ទេរធនធានហិរញ្ញវត្ថុមានភ្ជាប់លក្ខខណ្ឌ ទៅឱ្យរដ្ឋបាលក្រុង ស្រុក ខណ្ឌសម្រាប់អនុវត្តមុខងារគ្រប់គ្រង ការអប់រំកុមារតូច ការអប់រំបឋមសិក្សា  ការអប់រំក្រៅប្រព័ន្ធ និងសម្រាប់គាំទ្រផ្នែករដ្ឋបាល ដល់ការអនុវត្តមុខងារអប់រំ យុវជន និងកីឡានៅរដ្ឋបាលក្រុង ស្រុក ខណ្ឌ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោលបំណងនៃវគ្គសិក្ខាសាលា មានដូចជា ទី១ ផ្សព្វផ្សាយ និងបញ្ជ្រាបការយល់ដឹងជូនថ្នាក់ដឹកនាំ មន្ត្រីជំនាញពីអគ្គនាយកដ្ឋាន នាយកដ្ឋានជំនាញពាក់ព័ន្ធ មន្ទីរអប់រំ យុវជន និងកីឡារាជធានី ខេត្ត និងការិយាល័យអប់រំ យុវជន និងកីឡានៃរដ្ឋបាលក្រុង ស្រុក ខណ្ឌ អំពី ប្រកាសអន្តរក្រសួង លេខ ៣៤៥ សហវ.ប្រក.អថ ចុះថ្ងៃទី៤ ខែមិថុនា ឆ្នាំ២០២៤ និងសារាចរលេខ ០០២ សហវ.សរ.អរតន ចុះថ្ងៃទី២០ ខែមករា ឆ្នាំ២០២៥។ គោលបំណងទី២ ពង្រឹងសមត្ថភាពថ្នាក់ដឹកនាំនិងមន្រ្តីនៅតាមការិយាល័យអប់រំ យុវជន និងកីឡា។

សិក្ខាសាលានេះ ធ្វើក្រោមអធិបតីភាព លោក អ៊ុង បូរាត រដ្ឋលេខាធិការ  ក្រសួងអប់រំ យុវជន និងកីឡា ដល់បុគ្គលិកអប់រំក្រោមឱវាទទីស្ដីការក្រសួង បុគ្គលមកអប់រំនៃមន្ទីរអប់រំ យុវជន និងកីឡារាជធានី ខេត្ត និងបុគ្គលិកអប់រំនៃរដ្ឋបាលក្រុង ស្រុក ខណ្ឌ។ លោកស្រី ឈុន ធា អនុប្រធានមន្ទីរ បានដឹកនាំបុគ្គលិកអប់រំក្រោមឱវាទ និងបុគ្គលិកអប់រំនៃរដ្ឋបាលក្រុង ស្រុក ។

រដ្ឋបាលក្រុង ស្រុក ខណ្ឌ ដែលជាសេនាធិការ របស់រដ្ឋបាលក្រុង ស្រុក ខណ្ឌ និងជាប្រតិបត្តិករផ្ទាល់ ក្នុងការអនុវត្តមុខងារគ្រប់គ្រងការអប់រំកុមារតូច ការអប់រំបឋមសិក្សា និងការអប់រំក្រៅប្រព័ន្ធ លើកិច្ចបញ្ជិការគណនេយ្យ និងការប្រើប្រាស់ធនធានហិរញ្ញវត្ថុផ្ទេរមានភ្ជាប់លក្ខខណ្ឌ សម្រាប់អនុវត្តមុខងារគ្រប់គ្រងការអប់រំកុមារតូច ការអប់រំបឋមសិក្សា និងការអប់រំក្រៅប្រព័ន្ធ និងសម្រាប់ការគាំទ្រផ្នែករដ្ឋបាល ដល់ការអនុវត្តមុខងារអប់រំ យុវជន និងកីឡា នៅរដ្ឋបាលក្រុង ស្រុក ខណ្ឌ ដើម្បីធានាការអនុវត្តមុខងារក្នុងវិស័យអប់រំ យុវជន និងកីឡា ដែលបានប្រគល់និងបានប្រតិភូកម្ម ទៅរដ្ឋបាល ក្រុង ស្រុក ខណ្ឌ ឱ្យសម្រេចសមិទ្ធផលប្រកបដោយប្រសិទ្ធភាព សក្ក័សិទ្ធភាព តម្លាភាព និងគណនេយ្យភាព៕

ដោយ៖ ខៀវ ចាប