ព័ត៌មានជាតិ

អភិបាលរាជធានី ប្រគល់អាកុលជាច្រើនប៊ីដុងជូនផ្សារទាំង២៥នៅក្នុងរាជធានីភ្នំពេញ ដើម្បីចូលរួមចំណែក បង្ការនិងទប់ស្កាត់ជំងឺកូវីដ-១៩

បានផុស

៥ years មុន

នៅ

ថ្ងៃសៅរ៍ ២០ មីនា ២០២១

ដោយ

ភ្នំពេញ ៖ អាកុលជាច្រើនប៊ីដុងត្រូវបាន លោកឃួង ស្រេងអភិបាលនៃគណៈអភិបាលរាជធានីភ្នំពេញ ប្រគល់ជូនផ្សារទាំង២៥នៅក្នុងរាជធានីភ្នំពេញ ដើម្បីអោយប្រធានផ្សារទាំងអស់យកទៅប្រើប្រាស់ក្នុងការចូលរួមចំណែកបង្ការនិងទប់ស្កាត់ជំងឺកូវីដ-១៩ ខណៈដែរជំងឺនេះ បាននឹងកំពុងរីករាលដាលចូលក្នុងសហគមន៍ជាថ្មី ក្នុងព្រឹត្តិការណ៍សហគមន៍២០កុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីប្រគល់និងទទួលខាងលើនេះ បានធ្វើឡើងនារសៀលថ្ងៃទី២០ ខែមីនា ឆ្នាំ២០២១នេះ នៅសាលារាជធានីភ្នំពេញ ក្រោមវត្តមាន លោកឃួង ស្រេងអភិបាលនៃគណៈអភិបាលរាជធានីភ្នំពេញ ដោយក្នុងមួយផ្សារៗ ទទួលបានអាកុលចំនួន៦ប៊ីដុង។

ជុំវិញការរាតត្បាតជំងឺកូវីដ-១៩ ចូលក្នុងសហគមន៍ជាថ្មី ក្នុងព្រឹត្តិការណ៍សហគមន៍២០កុម្ភៈនេះ បើតាមប្រធានផ្សារនីមួយៗបានរាយការណ៍ជូនអភិបាលរាជធានីភ្នំពេញថា ក្នុងព្រឹត្តិការណ៍សហគមន៍២០កុម្ភៈនេះផ្សារទាំង២៥នៅក្នុងរាជធានីភ្នំពេញមានផ្សារមួយចំនួនបានថយចុះទាំងអាជីវករនិងអ្នកចូលទិញទំនិញ ប្រមាណ៥០ភាគរយ ផ្សារខ្លះទៀតថយចុះប្រមាណ៤០ភាគរយ ដោយសារតែពួកគេខ្លាចឆ្លងជំងឺកូវីដ-១៩។ ចំណែកអាជីវករវិញ ដោយមិនសូវមានអ្នកចូលទិញក៏បានបង្ខាំចិត្តបិទតូបតែម្តង។

ប៉ុន្តែទោះបីជាយ៉ាងណាក្តី ក្រោមការណែនាំរបស់លោកឃួង ស្រេង អភិបាលរាជធានីភ្នំពេញ ប្រធានផ្សារទាំងអស់បានប្រកាន់ភ្ជាប់នូវវិធានរបស់ក្រសួងសុខាភិបាល គឺការតម្រូវឲ្យពាក់ម៉ាស បាញ់អាកុល វាស់កំដៅ ការដាក់ឲ្យប្រើប្រាស់ប្រព័ន្ធ QR Code “ទប់ស្កាត់ដូវីដ StopCovid នៅតាមច្រក ចេញ ចូលផ្សារ ពិសេសគឺការអនុវត្ត៣កុំនិង៣ការពារ៕

ដោយ ៖ ស្រីរ័ត្ន