ព្រះមហាក្សត្រ នឹងយាងពិនិត្យព្រះរាជសុខភាពនៅទីក្រុងប៉េកាំង​ ស្អែកនេះ

ព្រះករុណា ព្រះបាទ សម្តេចព្រះបរមនាថ​ នរោត្តម ​សីហមុនី​ ​ព្រះមហាក្សត្រកម្ពុជា នឹងយាងទៅទីក្រុងប៉េកាំង នៃសាធារណរដ្ឋប្រជាមានិតចិន ដើម្បីពិនិត្យព្រះរាជសុខភាព ចាប់ពី ថ្ងៃទី៣ ខែមីនា ឆ្នាំ២០២៥តទៅ។

តាមរយៈព្រះរាជសារមួយផ្ញើជូនជនរួមជាតិ ព្រះករុណា ព្រះមហាក្សត្រ ទ្រង់មានព្រះបន្ទូលថា នៅក្នុងឱកាសអវត្តមានរបស់ព្រះអង្គ សម្តេចតេជោ ហ៊ុន សែន ប្រធានព្រឹទ្ធសភា នឹងទទួលជួយក្នុងព្រះបរមនាមព្រះអង្គ ជាប្រមុខរដ្ឋស្តីទីនៃព្រះរាជាណាចក្រកម្ពុជា។

សូមជម្រាបបន្តិចថា ព្រះមហាក្សត្រកម្ពុជា និងសម្ដេចម៉ែ​ តែងតែយាងទៅពិនិត្យព្រះរាជសុខភាពទ្រង់ ជាទៀងទាត់ រយៈពេល៦ខែម្ដង តាមការយាងរបស់ក្រុមគ្រូពេទ្យ នៅក្នុងប្រទេសចិន។ សម្រាប់ក្នុងឆ្នាំ២០២៣នេះ ព្រះមហាក្សត្រទ្រង់យាងទៅពិនិត្យព្រះរាជសុខភាព លើកទី១ កាលពីថ្ងៃទី ១២ ខែកុម្ភៈ ហើយព្រះមហាក្សត្រ និងសម្ដេចម៉ែ ទ្រង់យាងនិវត្តន៍មកដល់កម្ពុជាវិញ កាលពីថ្ងៃទី១៦ ខែមិនាឆ្នាំ២០២៣។ សម្រាប់លើកទី២វិញ ព្រះមហាក្សត្របានយាងពីប្រទេសកម្ពុជាកាលពីថ្ងៃទីទី២៨ ខែសីហា ឆ្នាំ២០២៣៕