ព័ត៌មានជាតិ
ផ្នែកមួយនៃការទូតសេដ្ឋកិច្ច ក្រសួងការបរទេសចេញផ្សាយសៀវភៅ «កេរដំណែលស្នាដៃម្ហូបខ្មែរ ភាគ២»
«កេរដំណែលស្នាដៃម្ហូបខ្មែរ» ដែលជាសៀវភៅធ្វើម្ហូបចងក្រងដោយក្រសួងការបរទេស ជាផ្នែកមួយនៃការទូតម្ហូបអាហាររបស់កម្ពុជា បានចេញផ្សាយជាផ្លូវការភាគ២ ក្រោយសៀវភៅនេះ ធ្លាប់ទទួលបានជ័យលាភីចំនួន ៤ដងកន្លងមកក្នុងការប្រកួតប្រជែងសៀវភៅម្ហូបជាអន្តរជាតិ។
ក្នុងឱកាសអញ្ជើញជាអធិបតីបើកសន្និបាតប្រចាំឆ្នាំ របស់ក្រសួង នាព្រឹកថ្ងៃទី៣ ខែមីនា ឆ្នាំ២០២៥ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានប្រកាសចេញផ្សាយជាផ្លូវការនូវសៀវភៅ«កេរដំណែលស្នាដៃម្ហូបខ្មែរ ភាគ២»។ តាមការលើកឡើងរបស់លោកឧបនាយករដ្ឋមន្ត្រី ប្រាក់ សុខុន សៀវភៅនេះ ត្រូវបានធ្វើបច្ចុប្បន្នភាព និងមានបន្ថែមមុខម្ហូបកាន់តែច្រើន បន្ទាប់ពីសៀវភៅ «កេរដំណែលស្នាដៃម្ហូបខ្មែរ ភាគ១» បានបង្ហាញពីលក្ខណៈពិសេសដោយឡែកអំពីវប្បធម៌ដ៏រុងរឿងនៃមុខម្ហូបខ្មែរ ដែលមានអាយុកាលរាប់ពាន់ឆ្នាំមកហើយ ហើយស្ថិតក្នុងចំណោមវប្បធម៌មុខម្ហូបដែលមានវ័យចំណាស់បំផុតក្នុងពិភពលោក។
លោកឧបនាយករដ្ឋមន្ត្រី បានអរគុណចំពោះក្រុមការងារការទូតសេដ្ឋកិច្ច ដែលបានខិតខំស្រាវជ្រាវចងក្រងនូវសៀវភៅស្តីពីម្ហូបខ្មែរ ដែលបានទទួលរង្វាន់៤ដង ក្នុងការប្រកួតប្រជែងសៀវភៅម្ហូបអាស៊ីនៅលើពិភពលោក។ ការទូតផ្នែកធ្វើម្ហូប គឺជាផ្នែកមួយដ៏សំខាន់នៃយុទ្ធសាស្ត្រការទូតសេដ្ឋកិច្ចរបស់ក្រសួងការបរទេសកម្ពុជា ដែលបានដាក់ចេញនៅឆ្នាំ២០២១ ដោយបានពិពណ៌នាយ៉ាងលម្អិតអំពីគ្រឿងផ្សំនៃមុខម្ហូប និងបង្អែមរបស់ខ្មែរជាច្រើនមុខ រួមទាំងបានបង្ហាញពីវិធីចម្អិន។
បន្ទាប់ពីការប្រកាសផ្សាយភាគ១ សៀវភៅ «កេរដំណែលស្នាដៃម្ហូបខ្មែរ» ទទួលបានជ័យលាភីជាសៀវភៅមុខម្ហូបអាស៊ីដែលល្អដាច់គេ (Best Asian Cuisine Book) ពីរឆ្នាំជាប់គ្នា ឆ្នាំ២០២១ និងឆ្នាំ២០២២ ហើយឆ្នាំ២០២២ដដែល សៀវភៅនេះ ទទួលបានពានរង្វាន់មុខម្ហូបសម្រាប់ប្រមុខរដ្ឋ(Best Heads of State/Food)ពីកម្មវិធី Gourmand World Cookbook Awards។ នៅឆ្នាំ២០២៣ គឺពានរង្វាន់ទូរទស្សន៍ម្ហូបអាហារល្អដាច់គេលើពិភពលោក (Best Television Awards in the World) នៅក្នុងកម្មវិធីប្រកួតពានរង្វាន់សៀវភៅមុខម្ហូបពិភពលោក។
ផ្អែកលើលទ្ធផលទាំងនោះ គឺបានឆ្លុះបញ្ចាំងពីការខំប្រឹងរបស់រាជរដ្ឋាភិបាលកម្ពុជា តាមរយៈក្រសួងការបរទេស ជាសេនាធិការ ក្នុងការជំរុញ និងផ្សព្វផ្សាយវិស័យការទូតម្ហូបអាហារអត្តសញ្ញាណជាតិ ឱ្យពិភពលោកបានស្គាល់៕
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៤ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ