ព័ត៌មានជាតិ

កុមារឆ្លងជំងឺកូវីដ១៩ ក្នុងសហគមន៍២០កុម្ភៈ បានកើនឡើងដល់៤១នាក់

បានផុស

៥ years មុន

នៅ

ថ្ងៃអង្គារ ២៣ មីនា ២០២១

ដោយ

គិតត្រឹមព្រឹកថ្ងៃទី២៣ ខែមីនា ឆ្នាំ២០២១នេះ កុមារដែលមានអាយុពីចាប់ពី២ខែរហូតដល់អាយុ១៦ឆ្នាំចំនួន៤១នាក់ បានឆ្លងជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈ ។

យោងតាមរបាយការណ៍របស់ក្រសួងសុខាភិបាលបានឲ្យដឹងថា ក្នុងចំណោមកុមារដែលឆ្លងជំងឺកូវីដ១៩ចំនួន៤១នាក់នោះ មានកុមារីចំនួន២២នាក់ និងកុមារាចំនួន១៩នាក់ ដែលមាននៅរាជធានីភ្នំពេញចំនួន៣៤នាក់ ក្នុងនោះមានកុមារីជនជាតិវៀតណាម១នាក់ ខេត្តកណ្តាល២នាក់ ខេត្តកំពង់ធំ១នាក់ ខេត្តព្រៃវែងចំនួន៣នាក់និងខេត្តសៀមរាបចំនួន១នាក់។ កុមារដែលឆ្លងជំងឺកូវីដ១៩នេះ ត្រូវបានមហាជនមានការអាណិតអាសូរជាទីបំផុត។ ជាក់ស្តែងកុមារាអាយុ៦ឆ្នាំនៅខណ្ឌឬស្សីកែវ ត្រូវបានបណ្តាញសង្គមហ្វេសប៊ុកបង្ហោះតៗគ្នាពីសកម្មភាព ជាមួយនឹងការពាក់ម៉ាស ស្ពាយកាតាបនិងយួរថង់មួយតែម្នាក់ឯង ចូលទៅក្នុងរថយន្តសង្គ្រោះបន្ទាន់យ៉ាងអាណោចអាធ័មជាទីបំផុត។

គួរបញ្ជាក់ថា គិតត្រឹមថ្ងៃទី២៣ ខែមីនា ឆ្នាំ២០២១ កម្ពុជាមានអ្នកឆ្លងក្នុងព្រឹត្តិការណ៍សហគមន៍២០កុម្ភៈចំនួន១២៦៦នាក់នៃអ្នកឆ្លងសរុបទូទាំងប្រទេស១៧៨៨នាក់និងអ្នកជាសះស្បើយចំនួន៩៩០នាក់និងអ្នកកំពុងសម្រាកព្យាបាលនៅមន្ទីរពេទ្យចំនួន៧៨៣នាក់៕

អត្ថបទ៖ សំអឿន

សូមចុចអាន៖ ២នាក់ប្ដីប្រពន្ធ តេស្ដមានវិជ្ជមានកូវីដ១៩ ពេលទៅមើលកសិដ្ឋានចិញ្ចឹមមាន់ នៅខេត្តកំពង់ឆ្នាំង