ព័ត៌មានជាតិ

អាជ្ញាធរខណ្ឌមានជ័យ ចុះពិនិត្យមើលវឌ្ឍនភាពបុកស៊ីផាយស្តារប្រឡាយម័រ ត្រៀមរំដោះទឹកជន់លិចនៅរដូវវស្សា

បានផុស

១ year មុន

នៅ

ថ្ងៃសុក្រ ៩ ឧសភា ២០២៥

ដោយ

លោក សេង គន្ធ អភិបាលខណ្ឌមានជ័យ បានដឹកនាំមន្ត្រីជំនាញ ចុះពិនិត្យវឌ្ឍនភាព នៃការ អភិវឌ្ឍគម្រោងប្រព័ន្ធលូរំដោះទឹក សម្រាប់រដូវវស្សា និង ពិនិត្យមើលការរុះរើសំណង់ ដើម្បីបន្តការបុកស៊ីផាយស្ដារប្រឡាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេង គន្ធ អភិបាលខណ្ឌមានជ័យ បានបញ្ជាក់ពីលទ្ធផល នៃការអនុវត្តគម្រោងវិនិយោគហេដ្ឋារចនាសម្ព័ន្ធប្រព័ន្ធលូ និងប្រព័ន្ធរំដោះទឹក គិតត្រឹមបច្ចុប្បន្ន ចំពោះគម្រោងដែលអនុវត្តដោយរដ្ឋបាលរាជធានីភ្នំពេញ គឺសម្រេចបានប្រមាណ ៨០% នៃផែនការ ដើម្បីធ្វើឱ្យប្រសើរឡើងនូវការជន់លិច នៅក្នុងភូមិសាស្ត្ររាជធានីភ្នំពេញ ហើយដើម្បីជំរុញការអនុវត្តគម្រោង ឱ្យសម្រេចបានលទ្ធផល ១០០% តាមការគ្រោងទុក ឱ្យបានទាន់មុនរដូវវស្សាចូលមកដល់ ប្រកបដោយចក្ខុវិស័យយូរអង្វែង។

គួរបញ្ជាក់ថា លទ្ធផល នៃការអនុវត្តគម្រោងនាពេលកន្លងមក ឃើញថា បើទោះបីជាថ្មីៗ នេះ មានករណីភ្លៀងធ្លាក់ខ្លាំង ដែលបានបង្កឱ្យមានការជន់លិចនៅតំបន់បឹងទំពន់ (កម្ពស់ទឹកភ្លៀង ៨១ ម.ម) តំបន់ម៉ុងឌីយ៉ាល់ (កម្ពស់ទឹកភ្លៀង ៥៣ ម.ម) ក្តី ក៏ធារទឹកភ្លៀងបានហូរអស់ក្នុងរយៈពេលដ៏ខ្លី ហើយតំបន់មួយចំនួនទៀត ក្នុងខណ្ឌស្ថិតនៅកណ្តាលរាជធានីភ្នំពេញ ក៏លែងលិចលង់” ដែលនេះឆ្លុះបញ្ចាំងឱ្យឃើញអំពីប្រសិទ្ធភាព នៃការអនុវត្តគម្រោងរំដោះទឹកក្នុងរាជធានីភ្នំពេញ។

ជាមួយគ្នានេះ អាជ្ញាធរ ស្នើឱ្យប្រជាពលរដ្ឋដែលនៅមិនទាន់ទទួលយកគោលនយោបាយពីគណៈកម្មការអន្តរក្រសួង សូមរួសរាន់អញ្ជើញមកទទួលយកការដោះស្រាយផលប៉ះពាល់ស្របតាមច្បាប់ និងលិខិតបទដ្ឋានគតិយុត្តិនានាជាធរមាន៕

អត្ថបទ ៖ ម៉េង

Related Topics:ខណ្ឌមានជ័យ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា