មន្ត្រីនគរបាលប៉ុស្តិ៍​​ស្រះចក១៧​នាក់​ដែល​ធ្វើ​ច​ត្តា​ឡឺ​ស័ក លទ្ធផល​​លើកទី១គឺ​អវិជ្ជមាន​ទាំងអស់

អាជ្ញាធរ​ខណ្ឌដូនពេញ​បាន​ឲ្យ​ដឹង​នៅ​ថ្ងៃទី២៧​ ខែ​មិនា​ឆ្នាំ២០២១​នេះ​ថា​​ លទ្ធផលបណ្ដោះអាសន្ន មន្ត្រីនគរបាលប៉ុស្តិ៍​រដ្ឋបាល​ស្រះចក​ ដែល​ធ្វើ​ច​ត្តា​ឡឺ​ស័ក និងយក​សំណាក​រក​មេរោគ​វីរុស​កូ​វីដ​១៩​លើក​ទី​១​ទាំង​១៧​នាក់ គឺ​អវិជ្ជមាន​ទាំងអស់ ប៉ុ​ន្តែ​ទោះជា​យ៉ាងណា​មន្ត្រីទាំងនោះ​ត្រូវ​បន្តច​ត្តា​ឡី​ស​ក័ និង យក​សំណាក​បន្តទៀត​។

គួរបញ្ជាក់​ថា​ នៅថ្ងៃទី២៦ ខែមីនា ឆ្នាំ២០២១នេះ ក្រុមគ្រូពេទ្យក្រសួងសុខាភិបាលបានយករថយន្ត គិលានសង្គ្រោះមកដឹកក្រុមមន្ត្រីនគរបាលនៅប៉ុស្តិ៍រដ្ឋបាលស្រះចក នៃអធិការដ្ឋាននគរបាល ខណ្ឌ​ដូនពេញ ចំនួន១៧នាក់( ស្រី២នាក់ ) ទៅដាក់ធ្វើចត្តាឡីស័ក នៅវិទ្យាល័យភ្នំពេញថ្មី បន្ទាប់ពីមន្ត្រី នគរបាលចរាចរណ៍ម្នាក់ឈ្មោះ ថន ចាន់ ធឿន ទទួលមរណភាពដោយសារកូវីដ-១៩ ។​

វីដេអូ៖

សូមជម្រាបថា ក្រសួងសុខាភិបាលកម្ពុជាបានប្រកាសនៅព្រឹកថ្ងៃទី២៦ខែមីនា ឆ្នាំ២០២១នេះថា មានករណីអ្នកស្លា​ប់ដោយសារជំងឺកូវីដ១៩ម្នាក់ទៀតហើយ គឺជាមន្ត្រីនគរបាលចរាចរណ៍នៅ ស្នង​ការ​ដ្ឋានរាជធានីភ្នំពេញ ឈ្មោះ ថន ចាន់ ធឿន អាយុ៥៥ឆ្នាំ មានស្រុកកំណើតនៅភូមិក្តីចាស់ ឃុំ ព្រែកហ្លួង ស្រុកខ្សាច់កណ្តាល ខេត្តកណ្តាល ។​

បើយោងតាមរបាយការណ៍ប៉ូលិសបានឲ្យដឹងថា មុនទទួលមរណភាពមន្ត្រីនគរបាលចរាចរណ៍ រូប នេះធ្លាប់ចេញចូលសម្រាកនៅក្នុងប៉ុស្តិ៍រដ្ឋបាលនគរបាលស្រះចក ។​

ភ្លាមៗស្នងការដ្ឋាននគរបាលរាជធានីភ្នំពេញបានចេញលិខិតបង្គាប់ការតែងតាំងមន្ត្រីនគរបាល១៥ នាក់ផ្សេងទៀតឲ្យទទួលខុសត្រូវការងារ ជាបណ្តោះអាសន្ននៅប៉ុស្តិ៍នគរបាលស្រះចក ដើម្បីជំនួស ប៉ូលីសធ្វើចត្តាឡីស័កដែលត្រូវបញ្ជូនទៅធ្វើចត្តាឡីស័ក រយៈពេល១៤ថ្ងៃ ។​

បច្ចុប្បន្នប៉ុស្តិ៍នគរបាលស្រះចកត្រូវហ៊ុព័ទ្ធជាបណ្ដោះអាសន្ន មិនឲ្យ​មនុស្ស​ចេញចូល​ផងដែរ​បង្កើត​គណៈកម្មកា​ទទួលបន្ទុក​បណ្តោះអាសន្ន ដើ​ម្បីបម្រើសេវា​ជូន​ប្រជាពលរដ្ឋ​៕​

អត្ថបទ ៖ រស្មី

​