ព័ត៌មានជាតិ
ខេត្តព្រះសីហនុត្រៀមទីតាំងព្យាបាលអ្នកជំងឺកូវីដ-១៩ មួយកន្លែងទៀត
ខេត្តព្រះសីហនុបានត្រៀមទីតាំងមួយកន្លែងទៀតសម្រាប់ព្យាបាលអ្នកជំងឺកូវីដ-១៩ ខណៈចំនួនអ្នកឆ្លងថ្មីបានកើនឡើងជាបន្តបន្ទាប់។ ជាក់ស្តែងគ្រាន់តែថ្ងៃទី២៧ ខែមីនានេះ ខេត្តព្រះសីហនុមានអ្នកឆ្លងកូវីដ-១៩ ថ្មីមានរហូតដល់ទៅ១៤៣នាក់ ដែលជាចំនួនមួយដ៏ច្រើនបំផុតចាប់តាំងពីមាន “ព្រឹត្តិការណ៍សហគមន៍២០កុម្ភៈ” មក។
លោកឃាង ភារម្យ អ្នកនាំពាក្យសាលាខេត្តព្រះសីហនុ បានឱ្យដឹងនៅរសៀលនេះថា បច្ចុប្បន្ននេះខេត្តព្រះហនុមានទីតាំងសម្រាប់ព្យាបាលអ្នកជំងឺកូវីដ-១៩ ចំនួន២ទីតាំង ដែលទី១មន្ទីរពេទ្យបង្អែកខេត្តព្រះសីហនុ និងទី២នៅសណ្ឋាគារ សាកាណា ដែលមានទីតាំងស្ថិតនៅផ្លូវ១២២ ភូមិ១ សង្កាត់លេខ៣ ក្រុងព្រះសីហនុ។ លោកបានបន្តថា៖ “យើងកំពុងសិក្សាមួយទីតាំងទៀតដែលស្ថិតនៅក្នុងភូមិសាស្ត្រសង្កាត់លេខ៣ ក្រុងព្រះសីហនុ ដែលយើងកំពុងចរចាសិក្សារៀបចំ។ អ៊ីចឹងបើយើចរចាបាន វានឹងឡើងដល់បីទីតាំង”។
យោងតាមលទ្ធផលតេស្តសំណាកកូវីដ-១៩ នៅថ្ងៃទី២៦ ខែមីនា ឆ្នាំ២០២១ នៅខេត្តព្រះសីហនុមានអ្នកវិជ្ជមានកូវីដ-១៩ ថ្មីចំនួន ១៤៣នាក់ និងមានអ្នកជាសះស្បើយចំនួន ៦នាក់។ ដូច្នេះតុល្យការអ្នកជំងឺកូវីដ-១៩ ដែលកំពុងសម្រាកព្យាបាលមានចំនួន២០៧នាក់ ស្រី១៣៦នាក់។ បើតាមក្រសួងសុខាភិបាលបានឱ្យដឹងថា អ្នកឆ្លងថ្មីនៅខេត្តព្រះសីហនុចំនួន ១៤៣នាក់នោះមានរហូតដល់ទៅ៥ជនជាតិ។ ក្នុងនោះជនជាតិខែ្មរមានច្រើនជាងគេរហូតដល់១០៥នាក់ ជនជាតិចិនចំនួន២៦នាក់ ជនជាតិមីយ៉ានម៉ាចំនួន១០នាក់ ជនជាតិហ្វីលីពីន១នាក់ និងជនជាតិន័រវេស១នាក់៕
អត្ថបទ៖ សំអឿន
-
ព័ត៌មានអន្ដរជាតិ៤ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៤ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៣ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
KPT+៣ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៦ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ២ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ចរាចរណ៍១ សប្តាហ៍ ago
មន្ត្រីសុរិយោដីម្នាក់ស្រវឹងបើករថយន្ត ឡើងសួនច្បារ ខណៈវាស់ជាតិអាល់កុលឃើញ១.៥៥mg/L
-
សន្តិសុខសង្គម២ ថ្ងៃ ago
សមត្ថកិច្ចដាក់ការសង្ស័យ ករណីឃាតកម្មប្លន់សម្លាប់ស្ត្រីអ្នកលក់ទឹកត្នោតយកលុយជាង ៣ លានរៀល