រកឃើញអ្នកជំងឺកូវីដ-១៩ម្នាក់ដែលជាមន្ត្រីបម្រើការនៅស្នងការដ្ឋាននគរបាលខេត្តត្បូងឃ្មុំ

ខេត្តត្បូងឃ្មុំ បានប្រកាសរកឃើញអ្នកជំងឺកូវីដ-១៩ម្នាក់ដែលជាមន្ត្រីបម្រើការនៅស្នងការដ្ឋាននគរបាលខេត្តត្បូងឃ្មុំ កាលពីថ្ងៃម្សិលមិញនេះ។

មន្ទីរពេទ្យបង្អែកព្រះនរោត្តមសីហនុ ត្បូងឃ្មុំ ក្រុងសួង បញ្ជាក់ថា លោក នល់ ចន្នា អាយុ ៣០ឆ្នាំ បម្រើការងារនៅស្នងការដ្ឋាននគរបាលខេត្តត្បូងឃ្មុំ បានធ្វើតេស្តសំណាកលទ្ធផលចេញនៅថ្ងៃទី ២៧ ខែមីនា ឆ្នាំ២០២១ “មានវិជ្ជមានកូវីដ-១៩” ។ ខាងមន្ទីរពេទ្យបន្ថែមថា រយៈពេលប៉ុន្មានថ្ងៃចុងក្រោយនេះ ចាប់ពីថ្ងៃទី២០ ដល់ថ្ងៃទី២៣ ខែមីនា ឆ្នាំ២០២១​ អ្នកជំងឺស្នាក់នៅផ្ទះរហូត ដែលស្ថិតនៅភូមិជ្រួយ សង្កាត់វិហារលួង ក្រុងសួង។

ក្រៅពីស្នាក់នៅផ្ទះ អ្នកជំងឺបានប្រាស្រ័យទាក់ទងផ្ទាល់ជាមួយក្រុមគ្រួសាររួមមាន ៖
១. លោក នល់ ណយ អាយុ ៥៦ឆ្នាំ ត្រូវជាឪពុកបង្កើត
២. អ្នកស្រី លន់ ឆៃអ៊ន អាយុ ៥៣ឆ្នាំ ត្រូវជាម្តាយបង្កើត
៣. លោកស្រី ឡុន ធាណា អាយុ ២៧ឆ្នាំ ត្រូវជាប្រពន្ធ
៤. កុមារី ណយ សុភាណុ អាយុ ៤ឆ្នាំ ត្រូវជាកូន

ក្រោយពីធ្វើសេចក្ដីជូនដំណឹង មន្ទីរពេទ្យបង្អែក បានអំពាវនាវឱ្យប្រជាពលរដ្ឋក្រុងសួងដែលបានជួបទាក់ទងផ្ទាល់ និងប្រយោលជាមួយ លោក នល់ ចន្នា មេត្តាផ្តល់ព័ត៌មានទៅកាន់មន្ទីរពេទ្យបង្អែកក្រុង ឬមណ្ឌលសុខភាពនៅជិតផ្ទះ ដើម្បីយកសំណាក និងធ្វើចក្តាឡីស័ក១៤ថ្ងៃ​ ៕

អត្ថបទ៖ សន្យា

ចុចអាន៖ គិត​ត្រឹម​យប់នេះ សប្បុរសជន​បាន​ចូល​រូម​បរិច្ចាគ​ថវិកា​ជូ​នសម្តេចតេជោ​ប្រមាណ​ ៧.៥លានដុល្លារ​ទិញ​មន្ទីរពេទ្យ “នគរទេព”