ព័ត៌មានជាតិ

សុទ្ធតែជនជាតិខ្មែរទាំងអស់អ្នកឆ្លងកូវីដនៅខេត្តព្រះសីហនុព្រឹកនេះ

បានផុស

៥ years មុន

នៅ

ថ្ងៃអាទិត្យ ២៨ មីនា ២០២១

ដោយ

នៅថ្ងៃនេះ ខេត្តព្រះសីហនុ នៅបន្តរកឃើញអ្នកឆ្លង ៤៣ នាក់ទៀតក្នុងសហគមន៍ ២០ កុម្ភៈ។ អ្នកឆ្លងទាំង ៤៣ នាក់ ជាជនជាតិខ្មែរទាំងអស់។

ក្រោយផ្ទុះករណីឆ្លងដ៏ធ្ងន់ធ្ងរបំផុតកាលពីម្សិលមិញ ខេត្តព្រះសីហនុមានអត្រាឆ្លងខ្ពស់បំផុតច្រើនជាងខេត្តក្រុងដទៃទៀត។

រដ្ឋបាលខេត្ត បានអំពាវនាវដល់បងប្អូនប្រជាពលរដ្ឋ និងសាធារណជនទាំងអស់ ដែលធ្លាប់មានការពាក់ព័ន្ធទីតាំងដែលសង្ស័យ សូមពិនិត្យសុខភាព(អាការៈប្រែប្រួល) ពិនិត្យកម្តៅផ្ទាល់ខ្លួនជាប្រចាំ និងត្រូវសម្រាកនៅផ្ទះដាច់តែឯង ថែរក្សាអនាម័យខ្លួនជានិច្ច ក្នុងករណីមានការសង្ស័យត្រូវទៅយកសំណាកនៅវេទិកា ៧មករា ឬករណីសុខភាពប្រែប្រួលខុស ប្រក្រតីដូចជាឡើងកម្ដៅលើសពី ៣៧អង្សាសេ ក្អកកណ្តាស់ ឈឺបំពង់ក មានកំហាក ជាដើម ត្រូវប្រញាប់ទំនាក់ទំនងទៅក្រុមឆ្លើយតបបន្ទាន់ នៃមន្ទីរសុខាភិបាលខេត្ត ឬមន្ទីរពេទ្យបង្អែកខេត្ត។

សណ្ឋាគារសម័យថ្មី ត្រូវប្រើជាមន្ទីរព្យាបាលអ្នកឆ្លងកូវីដនៅខេត្តព្រះសីហនុ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ រដ្ឋបាលខេត្តក៏បានសម្រេចដាក់សណ្ឋាគារសម័យថ្មី អន្តរជាតិ មានទីតាំងស្ថិតនៅផ្លូវគុជអាស៊ី ( ផ្លូវលេខ១២៣៧) ភូមិ១ សង្កាត់លេខ៣ ក្រុងព្រះសីហនុ ជាកន្លែងព្យាបាលអ្នកជំងឺកូវីដ-១៩។

គួរបញ្ជាក់ថា ខេត្តព្រះសីហនុបានជួបកំណត់ត្រាឆ្លងដ៏ច្រើនបំផុតកាលពីម្សិលមិញចំនួន ១៤៣ នាក់ និងព្រឹកនេះទៀត មានអ្នកវិជ្ជមានកូវីដ-១៩ ថ្មីចំនួន៤៣នាក់ទៀត និងគ្មានករណីជាសះស្បើយ។

សរុបតុល្យភាពចុងក្រោយ អ្នកឆ្លងកូវីដនៅខេត្តព្រះសីហនុ ដែលកំពុងសម្រាកព្យាបាលមានចំនួន ២៤៩នាក់ ក្នុងនោះមានស្រី១៧៦នាក់៕

អត្ថបទ៖ ប៊ុណ្ណារ៉ា

Related Topics:កូវីដ-១៩

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា