កីឡា

U23 កម្ពុជា ប៉ះ អ៊ីរ៉ាក់ អូម៉ង់ និង ប៉ាគីស្ថាន នៅស្តាតអូឡាំពិក ជម្រុះ AFC U23 Asian Cup

បានផុស

២ ម៉ោង មុន

នៅ

ថ្ងៃព្រហស្បតិ៍ ២៩ ឧសភា ២០២៥

ដោយ

ការចាប់ឆ្នោតបានធ្វើរួចរាល់ហើយ កម្ពុជា បានធ្វើម្ចាស់ផ្ទះពូល G ដោយត្រូវប៉ះក្រុមយុវជនជម្រើសជាតិអ៉ីរ៉ាក់ អូម៉ង និង ប៉ាគីស្ថាន សម្រាប់វគ្គជម្រុះក្នុងពូលពានរង្វាន់ AFC U23 Asian Cup 2026។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសដែលបានទទួលសិទ្ធិធ្វើម្ចាស់មាន កម្ពុជា វៀតណាម ចិន ឥណ្ឌូណេស៊ី ហ្សក់ដានី គីហ្ស៊ីស្ថាន មីយ៉ាន់ម៉ា កាតា តាហ្ស៊ីគីស្ថាន ថៃ និង អារ៉ាប់រួម។ ម្ចាស់ផ្ទះទាំង១១ប្រទេសនេះ នឹងទទួលរៀបចំធ្វើម្ចាស់ផ្ទះម្នាក់១ពូល។

ក្រុមបាល់ទាត់អាស៊ីក្រោមអាយុ២៣ឆ្នាំចំនួន ៤៤ ត្រូវបែងចែកជា១១ពូល ដែលក្នុង១ពូលមាន៤ក្រុម។ ក្រុមលេខ១ក្នុងពូលទាំង១១ និងក្រុមចំណាត់ថ្នាក់លេខ២ល្អបំផុតក្នុងពូលចំនួន៤ សរុប១៥ក្រុម នឹងទទួលបានកៅអីឡើងទៅប្រកួតជុំចុងក្រោយ នៅប្រទេសអារ៉ាប៊ីសាអ៊ូឌីត ដែលមានកៅអីជុំចុងក្រោយស្រាប់ក្នុងនាមជាម្ចាស់ផ្ទះ។

ការប្រកួតជម្រុះក្នុងពូលនេះ នឹងចាប់ពីថ្ងៃទី១ ដល់ទី ៩ ខែកញ្ញា ឆ្នាំ២០២៥។

ព្រឹត្តិការណ៍នេះជាផ្នែកមួយដ៏សំខាន់នៃក្រុមបាល់ទាត់អាយុក្រោម២៣ឆ្នាំរបស់អាស៊ានទាំង១១ប្រទេសសម្រាប់ការត្រៀមខ្លួនកីឡាស៊ីហ្គេម នាខែធ្នូ ឆ្នាំ២០២៥ នៅប្រទេសថៃ។ ក្រៅពីប្រកួតជម្រុះក្នុងពានរង្វាន់អាស៊ីនេះ ក្រុមអាស៊ានទាំង១១ប្រទេសក៏មានការប្រកួតពានរង្វាន់អាស៊ាន AFF U23 Championship ពីថ្ងៃទី១៥ ដល់ទី៣១ ខែកក្កដា ឆ្នាំ២០២៥ នៅប្រទេសឥណ្ឌូណេស៊ី៕