ព័ត៌មានជាតិ

ខេត្តរតនគិរី អាចមានទឹកជំនន់យ៉ាងឆាប់រហ័ស ដោយសារភ្លៀងខ្លាំងលាយឡំផ្គររន្ទះ

បានផុស

១ year មុន

នៅ

ថ្ងៃព្រហស្បតិ៍ ២៩ ឧសភា ២០២៥

ដោយ

នៅព្រឹកថ្ងៃទី ២៩ ខែឧសភា ឆ្នាំ ២០២៥ នេះ លោក អឿង ចន្ថា អនុរដ្ឋលេខាធិការក្រសួងធនធានទឹក និងឧតុនិយម បានជូនដំណឹងថា ស្ថានភាពភ្លៀងខ្លាំង លាយឡំជាមួយផ្គរ រន្ទះ អាចបង្កទៅជាទឹកជំនន់យ៉ាងឆាប់រហ័ស ពិសេសនៅខេត្តរតនគីរី ត្រង់កន្ទុយជាប់នឹងប្រទេសវៀតណាមតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការព្យាករណ៍អាកាសធាតុរបស់មន្ទីរធនធានទឹក និងឧតុនិយមខេត្តរតនគិរី បានឲ្យដឹងថា មានភ្លៀងធ្លាក់ ៧០ ភាគរយ ស្ថានភាពធាតុអាកាសខេត្តរតនគិរី ទទួលឥទ្ធិពលពីខ្យល់មូសុងនិរតី។ ចំណែកសីតុណ្ហភាព ២៣°C ទៅ ២៩ °C ខ្យល់បក់មកពីទិសនិរតី និងមានល្បឿន ១ ទៅ ៤ ម៉ែត្រ/ វិនាទី មានល្បឿនយ៉ាងឆាប់រហ័ស។ បរិយាកាសបែបនេះ ចាប់ពីថ្ងៃទី ២៩ ខែឧសភា ឆ្នាំ ២០២៥ ដល់ថ្ងៃ ៣១ ខែឧសភា ឆ្នាំ ២០២៥ មានរយៈពេល ៣ ថ្ងៃ ជាប់គ្នា។

ស្ថានភាពជាក់ស្ដែងនៅព្រឹកនេះ មានពពកខ្មៅគ្របដណ្ដប់ផ្ទៃមេឃទាំងមូល មានភ្លៀងធ្លាក់តាំងពីព្រឹក រហូតដល់ល្ងាច ដោយពុំមានថ្ងៃរះនោះទេ។

មន្ទីរធនធានទឹក និងឧតុនិយមខេត្តរតនគិរី ក៏បានអំពាវនាវដល់ប្រជាពលរដ្ឋដែលរស់នៅតាមមាត់ទន្លេសេសាន និងទន្លេស្រែពក ត្រូវត្រៀមសម្ភារៈ មានទូក ខោអាវ ឯកសារសំខាន់ៗ រៀបចំឲ្យបានត្រឹមត្រូវ និងសុវត្ថិភាពខ្ពស់ ក្នុងករណីមានគ្រោះអាសន្នកើតឡើងដោយទឹកជំនន់។ ពិសេសជាងនេះទៅទៀតនោះ ប្រជាពលរដ្ឋដែលរស់នៅតំបន់កន្ទុយនាគ ខេត្តរតនគិរី នៃប្រទេសកម្ពុជា តែម្ដង៕

អត្ថបទ ៖ ចាប

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា