ព័ត៌មានជាតិ

អាជ្ញាធរខណ្ឌទួលគោក ជួសជុលជង្ហុកសំបុកមាន់នៅលើកំណាត់ផ្លូវ ៦០៨

បានផុស

១ year មុន

នៅ

ថ្ងៃចន្ទ ៩ មិថុនា ២០២៥

ដោយ

អាជ្ញាធរខណ្ឌទួលគោក ចុះពិនិត្យ និងធ្វើការជួសជុលជង្ហុកសំបុកមាន់លើកំណាត់ផ្លូវ ៦០៨ ដែលមានទឹកដក់ និងបង្កគ្រោះថ្នាក់ដល់អ្នកធ្វើដំណើរឆ្លងកាត់ ជាពិសេសនៅពេលយប់មើលមិនឃើញជង្ហុក បណ្ដាលឲ្យដួល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង លោក ជា ពិសី អភិបាល នៃគណៈអភិបាលខណ្ឌទួលគោក បានដឹកនាំមន្ត្រីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈខណ្ឌទួលគោក ចុះពិនិត្យ និងជួសជុលជង្ហុកសំបុកមាន់ធំ ចំនួន ០២ ទីតាំង និងទីតាំងតូចៗ មួយចំនួនទៀត ស្ថិតនៅផ្លូវលេខ ៦០៨ ក្នុងភូមិសាស្ត្រសង្កាត់បឹងកក់ទី ០២ ដើម្បីកាត់បន្ថយការកកស្ទះចរាចរណ៍ និងបង្ការគ្រោះថ្នាក់ជាយថាហេតុជូនប្រជាពលរដ្ឋដែលប្រើប្រាស់ផ្លូវនេះ។

គួររំលឹកផងដែរថា បើតាម លោក វណ្ណា ជាប្រជាពលរដ្ឋរស់នៅលើកំណាត់ផ្លូវខាងលើ បានលើកឡើងថា ជង្ហុកទាំងនេះ ដំបូងឡើយ មានបន្តិចបន្តួចនោះទេ តែដោយសារអាជ្ញាធរមិនជួសជុលទុកឲ្យជង្ហុកទាំងនោះទៅជាធំទៅៗ ពេលខ្លះម្ចាស់ផ្ទះបានយកកម្ទេចថ្មមកចាក់បំពេញជង្ហុក ជៀសវាងមានអ្នកធ្វើដំណើរជិះធ្លាក់ជង្ហុកគ្រោះថ្នាក់ជាយថាហេតុ។

ជាចុងក្រោយ អាជ្ញាធរខណ្ឌទួលគោក ក៏បានសំណូមពរដល់ប្រជាពលរដ្ឋរស់នៅក្នុងមូលដ្ឋានមិនត្រូវបោះចោលសំរាមគ្មានសណ្ដាប់ធ្នាប់នៅតាមទីសាធារណៈនោះទេ ត្រូវវេចខ្ចប់កាកសំណល់សំរាមឲ្យបានល្អ និងនាំយកទៅទុកដាក់ឲ្យបានត្រឹមត្រូវ៕

អត្ថបទ ៖ ម៉េង

Related Topics:ខណ្ឌទួលគោក

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា