ព័ត៌មានជាតិ

សម្តេច ម៉ែន សំអន ៖ ក្រុមការងារ និងមន្ត្រីបក្ស ត្រូវគ្រប់គ្រងពង្រីកសមាជិកថ្មី ដើម្បីផ្តល់អត្ថប្រយោជន៍ដល់ពលរដ្ឋបន្ត និងអភិវឌ្ឍន៍ជាតិ

បានផុស

២៥ នាទីutes មុន

នៅ

ថ្ងៃចន្ទ ១៦ មិថុនា ២០២៥

ដោយ

សម្ដេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាលគណបក្សចុះជួយខេត្តស្វាយរៀង ថ្លែងផ្ដាំផ្ញើដល់អស់លោក លោកស្រី ជាមន្ត្រីបក្សចុះជួយមូលដ្ឋានខេត្ត បន្តគ្រប់គ្រងសមាជិកបក្ស និងពង្រីកសមាជិកគណបក្សថ្មី ដើម្បីរួមគ្នាបន្តអភិវឌ្ឍន៍គ្រប់មូលដ្ឋាន និងសំដៅធានាច្បាប់យកប្រៀបខ្លាំងប្រៀបឈ្នះក្នុងពេលបោះឆ្នោត ផ្តល់តួនាទីជូនគណបក្សប្រជាជនកម្ពុជា បន្តដឹកនាំ និងអភិវឌ្ឍន៍ប្រទេសឲ្យបានគ្រប់ៗ អាណត្តិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចថ្លែងបែបនេះ ធ្វើឡើងក្នុងឱកាសអញ្ជើញជាអធិបតីក្នុងកិច្ចប្រជុំបូកសរុបលទ្ធផលរបស់ក្រុមការងារថ្នាក់កណ្តាលចុះជួយមូលដ្ឋានខេត្តប្រចាំឆមាសទី ១ និងលើកទិសដៅបន្តឆមាសទី ២ ឆ្នាំ ២០២៥ ដែលពិធីនេះបានប្រព្រឹត្តទៅនៅសាលប្រជុំស្នាក់ការគណបក្សប្រជាជនកម្ពុជាខេត្ត ក្រោមវត្តមានចូលរួមពីក្រុមការងារថ្នាក់កណ្ដាល ថ្នាក់ខេត្ត ស្រុក ក្រុង ចុះជួយមូលដ្ឋានក្នុងខេត្តស្វាយរៀងប្រមាណជាង ៥០០ នាក់ ផងដែរ។

ក្នុងនាមប្រធានក្រុមការងារ សម្ដេចកិតិ្តសង្គហបណ្ឌិត បានសម្ដែងនូវការកោតសរសើរចំពោះអស់លោក លោកស្រី មន្ត្រីគណបក្សថ្នាក់កណ្ដាលដែលបានចូលរួមអភិវឌ្ឍន៍មូលដ្ឋានបានល្អលើគ្រប់វិស័យ ទាំងការងារសន្តិសុខ សេដ្ឋកិច្ច និងជីវភាព បង្កគ្រប់លក្ខណៈសម្បត្តិឲ្យពលរដ្ឋចូលរួមបង្កបង្កើនផល និងប្រកបរបរផ្សេងៗ ប្រកបដោយសុវត្ថិភាព និងសន្តិសុខល្អ។

សម្ដេច ក៏បានណែនាំ និងជំរុញដល់ក្រុមការងារ បន្តចុះផ្សព្វផ្សាយលទ្ធផល នៃកិច្ចប្រជុំសមាជរដ្ឋសភា និងព្រឹទ្ធសភាថ្ងៃទី ២ ទី ៣ ខែមិថុនា ដែលរួមមានប្រព័ន្ធគាំពារសង្គម សេដ្ឋកិច្ចក្រៅប្រព័ន្ធ និងកសិកម្ម ផ្សព្វផ្សាយគោលនយោបាយសំខាន់ៗ របស់គណបក្ស និងរាជរដ្ឋាភិបាលដែលបានដាក់ចេញនាពេលកន្លងមក ជាពិសេសសមិទ្ធផលទាំងលើវិស័យនយោបាយ សេដ្ឋកិច្ច និងសង្គមកិច្ច បន្តក្តាប់ជាប់ជាប្រចាំសភាពការណ៍ សតិអារម្មណ៍ទាំងក្នុងគណបក្ស ក្នុងចំណោមប្រជាជន មហាជន និងបន្តអប់រំពលរដ្ឋ យុវជន ដើម្បីធានាដល់ការអនុវត្តរាល់ភារកិច្ចការនយោបាយរបស់គណបក្សប្រកបដោយប្រសិទ្ធភាព។

សម្ដេច ក៏បានជំរុញដល់ក្រុមការងារយុវជនគណបក្ស ត្រូវបន្តខិតខំចលនាកម្លាំងយុវជនគណបក្សគ្រប់ថ្នាក់ឲ្យសកម្ម ចូលរួមគ្រប់ការងារសង្គមដឹកនាំយុវជនចូលរួមធ្វើសកម្មភាពបម្រើការងារគណបក្ស ទាំងការងារនយោបាយ សតិអារម្មណ៍ និងចាត់តាំង ជាពិសេសចំពោះមុខ ត្រូវចូលរួមបំផុសចលនាយុវជនឲ្យមានមនសិការស្នេហាជាតិ មានគំនិតជាតិនិយម ស្រឡាញ់សន្តិភាព មានគោលជំហរជឿជាក់ការនាំដឹកនាំគណបក្ស និងរាជរដ្ឋាភិបាល និងចំពោះមុខ ត្រូវចូលរួមយ៉ាងសកម្មក្នុងការតាមដាន និងទប់ស្កាត់ឲ្យបាននូវរាល់ការប៉ុនប៉ងធ្វើបាតុកម្មប្រឆាំងក្នុងគោលបំណងផ្ដួលរាជរំលំរាជរដ្ឋាភិបាលបច្ចុប្បន្ន។

ទាក់ទងទៅនឹងគំនិតផ្តួចផ្តើមរបស់លោកនាយឧត្ដមសេនីយ៍ សៅ សុខា ស្នើដល់ថ្នាក់ដឹកនាំបក្ស ក៏ដូចរដ្ឋបាលខេត្ត ស្រុក ក្រុង ឲ្យមានការលើកស្លាកស្តីពីដំណើរការស្វែងរកការផ្តួលរំលំ នៃរបបកម្ពុជាប្រជាធិបតេយ្យរបស់ សម្តេចតេជោ និងឥស្សរជន សម្តេច បានឯកភាព ដោយធ្វើការណែនាំដល់មន្ត្រីបក្ស រដ្ឋបាលខេត្ត ស្រុក ក្រុង ត្រូវរករូបដើម្បីលើកឲ្យបានគ្រប់មូលដ្ឋាន និង ចលនាពលរដ្ឋ ឲ្យយល់កាន់តែច្បាស់ពីវីរភាព នៃការលះបង់របស់ប្រមុខដឹកនាំគណបក្សរបស់យើងនាពេលកន្លងមក សំដៅឲ្យពលរដ្ឋ ពិសេសយុវជនបន្តថែរក្សាសមិទ្ធផលនេះឲ្យបានគង់វង្សទៅថ្ងៃអនាគត៕ អត្ថបទ ៖ វិមាន

Related Topics:សម្តេច ម៉ែន សំអន