ព័ត៌មានជាតិ

អាជ្ញាធរខេត្តកំពង់ចាម សួរសុខទុក្ខពលករទើបវិលត្រឡប់ពីថៃមកដល់ស្រុកកំណើត នៅស្រុកកំពង់សៀម

បានផុស

១១ ខែ មុន

នៅ

ថ្ងៃអាទិត្យ ២៧ កក្កដា ២០២៥

ដោយ

ក្រោយពីពលករមកពីក្រៅប្រទេស ក្នុងពេលមានសង្គ្រាមតាមព្រំដែនកម្ពុជា-ថៃ ត្រូវបានទទួលការយកចិត្តទុកដាក់ខ្ពស់ពី សម្តេចធិបតី ហ៊ុន ម៉ាណែត ប្រមុខរាជរដ្ឋាភិបាលកម្ពុជា ជាក់ស្ដែងនៅព្រឹក ថ្ងៃទី ២៧ ខែកក្កដា ឆ្នាំ ២០២៥ នេះ លោក អ៊ុន ចាន់ដា អភិបាលខេត្តកំពង់ចាម បានអញ្ជើញចុះសួរសុខទុក្ខពលករដែលទើបវិលត្រឡប់ពីប្រទេសថៃ មកដល់ស្រុកកំណើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លៀតក្នុងឱកាសនោះដែរ លោក អ៊ុន ចាន់ដា មានប្រសាសន៍ថា បើទោះបីប្រទេសជាតិកំពុងមានសង្គ្រាមពីការឈ្លានពានពីថៃក៏ដោយ ប៉ុន្តែរាជរដ្ឋាភិបាលកម្ពុជា ដែលដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា តែងតែគិតគូរសុខទុក្ខពលរដ្ឋជានិច្ច។ ក្នុងនាមជាប្រជាជនកម្ពុជា ត្រូវរួមគ្នាលើកកម្លាំងចិត្តដល់កងទ័ពជួរមុខក្នុងការពលីលះបង់ការពារទឹកដីពីការឈ្លានពានពីសត្រូវ ពោលគឺធ្វើយ៉ាងណាការពារថែរក្សាទឹកដីរបស់យើង។

គូសបញ្ជាក់ថា បច្ចុប្បន្នរដ្ឋបាលខេត្តកំពង់ចាម នៅតែរង់ចាំទទួលពលករដែលទើបវិលត្រឡប់មកពីប្រទេសថៃនៅតាមច្រកព្រំដែនជាប្រចាំ ខណៈពលករដែលជួបសំណេះសំណាលនៅពេលនេះមានចំនួន ២៩៦ គ្រួសារ ក្នុងស្រុកកំពង់សៀម៕

អត្ថបទ និង រូបភាព ៖ ឡេក ចាន់ពេជ្រ