ព័ត៌មានជាតិ
ខុទ្ទកាល័យសម្ដេចតេជោបង្ហាញពីការវាយតម្លៃសញ្ញាបត្របណ្ឌិតកិត្តិយសរបស់សាកលវិទ្យាល័យថៃដែលសម្ដេចយកមកបោះចោលក្នុងធុងសម្រាម
ខុទ្ទកាល័យសម្ដេចតេជោ ហ៊ុន សែន បានបង្ហាញពីការវាយតម្លៃគុណសម្បត្តិរបស់សម្ដេចតេជោរបស់សាកលវិទ្យាល័យថៃចំនួន៣មុននឹងប្រគល់សញ្ញាបត្របណ្ឌិតកិត្តិយសជូនសម្ដេច។ ក្នុងខ្លឹមសារនៃការវាយតម្លៃនោះបានទទួលស្គាល់ការដឹកនាំរបស់សម្ដេចតេជោទាំងនយោបាយ និងសង្គម ព្រមទាំងបង្កើតមិត្តភាពល្អជាមួយថៃ ទោះជាយ៉ាងណាសញ្ញាបត្រកិត្តិយសរបស់សាកលវិទ្យាល័យរបស់ថៃទាំងនេះបានទៅដល់ទីលានចាក់សម្រាមជាយូរណាស់មកហើយ។
សាកលវិទ្យាល័យរបស់ថៃចំនួន៣ គឺសាកលវិទ្យាល័យ Ramkhamhaeng បានប្រគល់សញ្ញាបត្របណ្ឌិតទស្សនវិជ្ជាកិត្តិយស ផ្នែកវិទ្យាសាស្ត្រនយោបាយក្នុងវិស័យទំនាក់ទំនងអន្តរជាតិកាលពីថ្ងៃទី១៥ ខែវិច្ឆិកា ឆ្នាំ២០០១ សកលវិទ្យាល័យ Bansomdejchaopraya Rajabhat ប្រគល់សញ្ញាបត្របណ្ឌិតកិត្តិយសផ្នែកអប់រំស្រាប់ការអភិវឌ្ឍមូលដ្ឋាន នៅថ្ងៃទី២៨ ខែមិថុនា ឆ្នាំ២០០៦ និងសាកលវិទ្យាល័យ Krirk បានប្រគល់សញ្ញាបត្របណ្ឌិតកិត្តយសជូនសម្ដេចនៅថ្ងៃទី១៩ ខែមីនា ឆ្នាំ២០១៩។
ខ្លឹមសារវិនិច្ឆ័យរបស់សាកលវិទ្យាល័យទាំងបីនោះគឺបានទទួលស្គាលនិងកោតសរសើរភាពជាអ្នកដឹកនាំរបស់សម្ដេចតេជោក្នុងការដឹកនាំកម្ពុជា កែលម្អទំនាក់ទំនងកម្ពុជា-ថៃ រួមចំណែកដល់ការអប់រំ សុខមាលភាពពលរដ្ឋ ជាដើម។
សម្ដេចតេជោបានសរសេរលើបណ្ដាញសង្គមរបស់សម្ដេចកាលពីយប់ថ្ងៃទី២២ ខែសីហា ថាសម្ដេចគ្មានមោទនភាពអ្វីនឹងក្រដាសទាំងបីសន្លឹករបស់សាលាថៃនេះទេ និងបានបោះវាចោលយូរណាស់មកហើយព្រោះវាគ្មានតម្លៃសម្រាប់ការរក្សាទុក។
សម្ដេចសរសេរថា៖ «ខួរក្បាល និងចំណេះដឹងរបស់ខ្ញុំមិនមែនកើតចេញសញ្ញាបត្រមួយសន្លឹករបស់អ្នក ឬសាលារៀនថៃនោះទេ ប្រជាជនកម្ពុជា និងសាលារៀនរបស់កម្ពុជា គឺជាអ្នកបង្រៀនខ្ញុំ»។
សម្ដេចក៏បានឱ្យដឹងដែរថាសញ្ញបត្រទាំងនោះគឺសាកលវិទ្យាល័យថៃទាំងនោះដែលសុំប្រគល់ឱ្យសម្ដេច មិនមែនសម្ដេចស្នើសុំពីពួកគេនោះទេ។ សម្ដេចគិតថាពួកគេនឹងអៀនខ្មាស់ប្រសិនជាពិនិត្យឡើងវិញនូវការវាយតម្លៃរបស់ពួកគេ និងសុំឱ្យសម្ដេចទទួលយក៕
អត្ថបទដោយ ហ៊ុន សិរីវឌ្ឍន៍
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%