ព័ត៌មានជាតិ

ក្រសួងការងារផ្តល់វ៉ាក់សាំងកូវីដ-១៩ ដល់បុគ្គលិកក្នុងវិស័យឯកជន

បានផុស

៥ years មុន

នៅ

ថ្ងៃពុធ ៧ មេសា ២០២១

ដោយ

ភ្នំពេញ ៖ ក្រសួងការងារនិងបណ្តុះបណ្តាលវិជ្ជាជីវៈសហការជាមួយក្រសួងសុខាភិបាល នៅព្រឹកថ្ងៃទី៧ ខែមេសា ឆ្នាំ២០២១ បានចាក់វ៉ាក់សាំងកូវីដ១៩ ជូនដល់បុគ្គលិករបស់ក្រុមហ៊ុន កូកា-កូឡា កម្ពុជា ប្រមាណ ៥០០ នាក់នៅក្នុងតំបន់សេដ្ឋកិច្ចពិសេសភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុច ស៊ីណាត នាយកផ្នែកធនធានមនុស្សនៃកូកា-កូឡា កម្ពុជា បានមានប្រសាសន៍ថា «អាទិភាពចម្បងរបស់យើងនាពេលនេះ គឺរក្សាសុវត្ថិភាព សុខុមាលភាពរបស់បុគ្គលិក ព្រមទាំងដៃគូអាជីវកម្ម និងសហគមន៍របស់យើង»។

លោកក៏បានសម្តែងនូវមោទនភាពនិងក្តីកោតសរសើរខ្ពស់ចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ដោយលោកបានលើកឡើងថានេះមិនមែនជាលើកទី១ទេ ដែលកូកា-កូឡាទទួលបានការយកចិត្តទុកដាក់ និងទង្វើដ៏ប្រពៃពីរាជរដ្ឋាភិបាល។ កិច្ចខិតខំប្រឹងប្រែងរបស់រាជរដ្ឋាភិបាលនៅពេលនេះ កាន់តែបង្ហាញឲ្យឃើញយ៉ាងច្បាស់ពីការយកចិត្តទុកដាក់ខ្ពស់ចំពោះភាពសុខដុមរមនារបស់ប្រជាជនកម្ពុជាគ្រប់រូបហើយក៏ជាការលើកកម្ពស់ភាពទុកចិត្តរបស់វិនិយោគិន ដែលជាផ្នែកមួយនៃភាពទាក់ទាញរបស់កម្ពុជា។

លោកបានបន្តថា ការទទួលចាក់វ៉ាក់សាំងដោយស្ម័គ្រចិត្តនេះ គឺជាអាវុធថ្មីមួយបន្ថែមពីលើការយល់ដឹងអំពីអនាម័យ និង៣កុំ ៣ការពារ ក្នុងការការរពារខ្លួន ការពារក្រុមគ្រួសារការពារអាជីវកម្ម និងសហគមន៍របស់យើង។

លោកបានបង្ហាញពីជឿទុកចិត្តថា កិច្ចខិតខំប្រឹងប្រែងរបស់រាជរដ្ឋាភិបាលក្រុមការងារសុខាភិបាលគ្រប់កម្រិតក្រុមការងារជួរមុខ ដោយមានការចូលរួមចំណែកពីវិស័យឯកជនជាពិសេសការយល់ដឹងពីអនាម័យ និងការការពារខ្លួនពីប្រជាជនគ្រប់រូបនឹងធ្វើឲ្យកម្ពុជាអាចឆ្លងផុតគ្រាដ៏លំបាកនេះ ហើយកម្ពុជានឹងត្រឡប់មកកាន់តែខ្លាំងក្លាជាងមុន៕

ដោយ ៖ សំអឿន